Fyrir leik
Ein breyting í viðbót á byrjunarliði Keflavíkur. Frans meiddist í upphitun og Ernir Bjarnason kemur inn í liðið.
Eyða Breyta

Fyrir leik
Arnar Gunnlaugsson, þjálfari Víkings, gerir fjórar breytingar frá tapinu gegn ÍA í síðasta leik. Þeir Halldór Smári, Nikolaj, Karl Friðleifur og Birnir Snær koma allir inn. Logi Tómasson, Kyle McLagan, Ari Sigurpálsson og Helgi Guðjónsson taka sér sæti á bekknum.

Sigurður Ragnar Eyjólfsson, þjálfari Keflavíkur, gerir tvær breytingar frá tapinu gegn Val í síðasta leik. Kian Williams og Edon Osmani koma inn. Adam Ægir Pálsson er á láni frá Víkingi og má því ekki spila og Sindri Þór Guðmundsson tekur sér sæti á bekknum.
Eyða Breyta

Fyrir leik
Viðtalið við Arnar Gunnlaugs:
,,Mér líst mjög vel á að það sé leikur í kvöld. Það er gott að fá þennan leik fljótt eftir Skagaleikinn. Við þurfum að vera vel gíraðir og vera reiðir í kvöld - vera aggresívir og sýna miklu betri frammistöðu heldur en við sýndum upp á skaga," sagði Arnar Gunnlaugsson, þjálfari Víkings, við Fótbolta.net í dag.

Víkingur á leik gegn Keflavík í kvöld. Leikurinn hefst klukkan 19:15 og fer fram á Víkingsvelli.

Hvernig eru dagarnir eftir tapleik?

,,Það er bara martröð, fyrst ferðu að vorkenna sjálfum þér í svona hálfan sólarhring og horfir á leikinn sirka fjórum sinnum. Þú reynir að finna einhverjar ástæður og þessháttar og þú finur hana oftast. Oftast eru þetta einföldur ástæðurnar [eins og] einföld grunnvinna. Skagaliðið var rosa baráttuglatt en það má ekki gleyma því að þeir skoruðu upp úr tveimur hornspyrnum og einu löngu innkasti. Þú reynir að horfa á eitthvað svona og reynir að peppa strákana upp í leiðinni. Þetta var ekki alslæmt en ekki nógu gott."

Hefur það mikið að segja að leikurinn í kvöld er á heimavelli?

,,Já, klárlega. Það er ógeðslega erfitt að vinna þetta mót hér á Íslandi og fyrir því eru í raun tvær einfaldar ástæður. Þetta eru tvær íþróttir. Þetta er annars vegar grasvallaríþróttin og svo er það gervigrasíþróttin. Þetta eru tveir ólíkir leikir og það er mikil áskorun að spila á báðum völlum, sérstaklega svona snemma á tímabilinu. Grasleikirnir verða oft læti og barátta."

Ég hafði t.d. mjög gaman af KR - Breiðablik, það voru læti og barátta en ég held að við hefðum fengið að sjá meiri fótboltagæði ef leikurinn hefði farið fram á heimavelli Blika til dæmis. Þetta er bara áskorun fyrir alla íslenska fótboltamenn."

,,Þú þarft að standast þá áskorun og ég held að við séum kannski orðnir of 'soft' gervigraslið eins og staðan er í dag þannig við þurfum að mæta vel gíraðir til leiks þegar við mætum Leikni eftir 1-2 vikur á þeirra grasvelli. Það eru sex grasleikir í sumar og þú þarft að vera klár í þá alla. Við klikkuðum á fyrstu prófrauninni," sagði Arnar.
Eyða Breyta

Fyrir leik
Viðtalið við Sigga Ragga:
,,Mér líst bara vel á leikinn, það er alltaf gaman að takast á við góð lið. Við erum spenntir fyrir leiknum. Við höfum fengið hörkulið í byrjun móts; Breiðablik og Val og núna Víking. Þetta byrjar ekki sem létt prógram en við höfum séð framfarir á liðinu okkar frá leik til leiks og vonandi náum við að halda því áfram."

Býstu við öðruvísi leik miðað við leikinn gegn Val?

,,Hvert lið hefur sitt sérkenni og ég býst við tiltölulega hröðum leik. Víkingar spila hratt, eru í góðu formi og spila hraðan bolta. Þeir unnu tvöfalt í fyrra og þetta er áskorun fyrir okkur. Að sama skapi er liðið okkar árinu eldra núna, reynslumeira og er að taka framförun. Þetta er frábær reynsla fyrir okkar stráka að taka þátt í og reyna sig á móti virkilega góðum liðum í byrjun móts. Markmiðið er alltaf að ná í úrslit, þó að frammistaðan hafi verið góð í síðasta leik þá viljum við ná í úrslit."

Getiði nýtt eitthvað úr leik ÍA og Víkings sem ÍA vann?

,,ÍA gerði frábærlega á móti Víkingi og það voru einhverjar brotalamir hjá Víkingi að verjast föstum leikatriðum. Hvert lið er með einhverja veikleika sem vonandi er hægt að herja á. Vonandi náum við að stríða Víkingum í kvöld."

Eyða Breyta

Fyrir leik
Nacho Heras í hópnum hjá Keflavík

,,Menn eru að koma til baka úr meiðslum. Við fáum Nacho Heras inn í hópinn okkar í dag og það er að styttast í Sindra Snæ. Svo erum við með úkraínskan miðjumann sem er að bíða eftir leikheimild," sagði Siggi Raggi í viðtali fyrr í dag.
Eyða Breyta

Fyrir leik
Sævar Atli spáir tveggja marka heimasigri
Við fengum Sævar Atla Magnússon, leikmann Lyngby, til að spá í tíundu umferðina.

Víkingur R. 3 - 1 Keflavík
Skelfilegt fyrir Keflvíkinga að mæta Víkingum eftir þennan skell sem þeir fengu uppá Skaga um helgina. Er búinn að reyna að fá vin minn hann Kristal að koma yfir í Adidas fjölskylduna og hann er kominn með Adidas X par og ef hann spilar í þeim skilar hann 2 mörkum það er 100%, Kalli potar inn einu líka. Ernir Vélin Bjarna skorar fyrir Keflavík með vélhestaspyrnu sem hann fattaði uppá sumarið 2020 mæli með að horfa mjög skemmtilegt að sjá þessa nýju spyrnutækni sem hann er búinn að búa til.
Eyða Breyta

Fyrir leik
Pablo ekki með
,,Það er söknuður í Pablo, ekki bara út af fótboltahæfileikum heldur líka út af leiðtogahæfileikum og ákveðið skítseyðis'element' sem við þurfum inn á vellinum. Við erum með voðalega gott fótboltalið en jafnvægið í liðinu eftir að Kári og Sölvi fóru er kannski aðeins 'off' þannig við söknum Pablo. Vonandi verða þetta bara 1-2 vikur í viðbót. Myndatakan kom mjög vel út, þetta var fyrstu gráðu tognun á liðbandi, ekki liðþófi þannig það er jákvætt," sagði Arnar Gunnlaugsson í viðtali í dag um Pablo Punyed sem verður ekki með í kvöld.
Eyða Breyta

Fyrir leik
Dómarateymið
Elías Ingi Árnason heldur um flautuna í leiknum og honum til aðstoðar eru þeir Birkir Sigurðarson og Patrik Freyr Guðmundsson eru honum til aðstoðar. Vilhjálmur Alvar Þórarinsson er skiltadómari og Björn Guðbjörnsson er eftirlitsmaður KSÍ.
Elías Ingi
Eyða Breyta

Fyrir leik
Víkingur kemur inn í leikinn með þrjú stig úr fyrstu tveimur umferðunum. Íslandsmeistararnir lögðu FH í fyrstu umferð en töpuðu á Akranesi á sunnudag í 2. umferð.

Keflavík er án stiga eftir töp gegn Breiðabliki og Val í fyrstu tveimur umferðunum.
Eyða Breyta

Fyrir leik
Komiði sælir lesendur góðir og veriði velkomnir í fyrsta leik tíundu umferðar. Tíundu umferðar? Gætuð þið velt fyrir okkur og er það mjög eðlilegt. Leikurinn er spilaður núna í kvöld þar sem Víkingur verður í for-forkeppni Meistaradeildarinnar í júní þegar tíunda umferð Bestu deildarinnar er leikinn.

Í dag kom það í ljós að for-forkeppnin (preliminary round) verður spiluð á Íslandi.

Lestu meira um málið hér

Eyða Breyta