Þróttarvöllur
þriðjudagur 03. maí 2022  kl. 19:15
Besta-deild kvenna
Dómari: Guðmundur Páll Friðbertsson
Maður leiksins: Danielle Marcano
Þróttur R. 4 - 2 Afturelding
1-0 Danielle Julia Marcano ('8)
2-0 Freyja Karín Þorvarðardóttir ('13)
3-0 Katla Tryggvadóttir ('23)
4-0 Danielle Julia Marcano ('32)
4-1 Ísafold Þórhallsdóttir ('46)
4-2 Ísafold Þórhallsdóttir ('49)
Myndir: Fótbolti.net - Hafliði Breiðfjörð
Byrjunarlið:
1. Íris Dögg Gunnarsdóttir (m)
0. Jelena Tinna Kujundzic
2. Sóley María Steinarsdóttir
7. Andrea Rut Bjarnadóttir
8. Álfhildur Rósa Kjartansdóttir (f) ('74)
9. Freyja Karín Þorvarðardóttir
10. Danielle Julia Marcano
16. María Eva Eyjólfsdóttir
17. Katla Tryggvadóttir ('74)
23. Sæunn Björnsdóttir ('58)
77. Gema Ann Joyce Simon ('62)

Varamenn:
20. Hafdís Hafsteinsdóttir (m)
3. Mist Funadóttir ('74)
11. Tinna Dögg Þórðardóttir
12. Murphy Alexandra Agnew ('58)
14. Guðrún Ólafía Þorsteinsdóttir
15. Ísabella Anna Húbertsdóttir ('74)
19. Elísabet Freyja Þorvaldsdóttir ('62)
24. Ragnheiður Ríkharðsdóttir

Liðstjórn:
Nik Anthony Chamberlain (Þ)
Egill Atlason
Jamie Paul Brassington
Ólöf Sigríður Kristinsdóttir
Edda Garðarsdóttir
Angelos Barmpas
Brynja Rán Knudsen

Gul spjöld:
María Eva Eyjólfsdóttir ('68)

Rauð spjöld:
@MistRunarsdotti Mist Rúnarsdóttir
97. mín Leik lokið!
Leik lokið!

Þróttarar sækja sinn fyrsta deildarsigur í sumar. Vinna nýliða Aftureldingar 4-2 í rosalegum fótboltaleik.

Heimakonur komust í 4-0 eftir rúmlega hálftímaleik en gestunum tókst að gera leikinn ansi spennandi með svakalegri innkomu í síðari hálfleikinn þar sem þeim tókst að skora tvö mörk á þriggja mínútna kafla.

Ég þakka fyrir samfylgdina og minni á viðtöl og skýrslu hér síðar í kvöld.
Eyða Breyta
97. mín
Nú fær Afturelding hornspyrnu. Freyja Karín skallar frá af nærsvæðinu og gerir svo vel í að vinna boltann aftur af Þórhildi.
Eyða Breyta
96. mín
Hættulegt!

Murphy kom ein inná teiginn hægra megin. Velur að renna boltanum fyrir en þar nær Christina Settles að trufla Andreu Rut í skoti.
Eyða Breyta
95. mín
Það eru komnar 5 mínútur fram yfir en það gæti nóg verið eftir. Guðmundur Páll hefur þurft að stoppa leikinn margoft vegna meiðsla - og vissulega einu sinni vegna gæsarinnar fótboltaóðu.
Eyða Breyta
93. mín
DAUÐAFÆRI!

Sóley María þrumar boltanum yfir af markteig eftir hættulega hornspyrnu Þróttar.
Eyða Breyta
92. mín
Við erum komin í uppbótartíma og heimakonur vinna horn. Það kostaði þó sitt því bæði Danielle og Freyja liggja eftir. Vonandi í lagi með þær. Bæði lið búin að missa leikmenn meidda útaf í þessum hörkuleik.
Eyða Breyta
90. mín
Mislagðir fætur hjá Christina Settles og Þróttarar fá horn eftir misheppnaða hreinsun. Heimakonur ná að ógna upp úr horninu en finna ekki skot á mark.
Eyða Breyta
87. mín
Það er mikill kraftur í Danielle sem vinnur hornspyrnu úti í hægra horninu fyrir Þrótt.

Murphy tekur aukaspyrnuna en boltinn flýgur yfir alla leikmenn í teignum.
Eyða Breyta
86. mín
Leikurinn heldur áfram en á sama tíma halda gæslumennirnir þrír aftur af gæsinni sem dauðlangar inná aftur.
Eyða Breyta
84. mín
Stórhætta!

Það munar mjög litlu að Þórhildur laumi boltanum á Kristínu Þóru í teignum en varnarmenn Þróttar ná að komast fyrir.
Eyða Breyta
84. mín
Tólfti leikmaðurinn er kominn inná í liði Laugardalsins. Stæðileg grágæs flýgur í áttina að Hildi Karítas og sýnir vængina.

Guðmundur Páll stoppar svo leikinn svo hægt sé að koma gæsinni útaf. Til þess þarf heila þrjá gæslumenn og markvörðinn Írisi Dögg.
Eyða Breyta
82. mín


Alexander er kominn í bókina hjá Guðmundi Páli.

Það er hiti og hasar í hörkuleik í Laugardalnum.
Eyða Breyta
81. mín
Danielle hótar þrennunni!

Á hörkuskot hægra megin úr teignum. Eva Ýr ver í horn.

Andrea Rut tekur hornspyrnuna. Í þetta skiptið kemur hún boltanum fyrir markið en Eva Ýr kýlir boltann frá áður en Sóley María setur hann aftur fyrir.
Eyða Breyta
79. mín
Þróttarar geysast í skyndisókn eftir hornspyrnuna og nýliðinn Murphy er komin ein gegn Evu Ýr!

Murphy reynir að lyfta boltanum yfir Evu en Eva er þá búin að bakka niður í teiginn sinn og grípur skotið auðveldlega.

Murphy hefði þurft að lyfta boltanum fyrr til að sigra Evu Ýr en hún hefði líka hæglega getað rennt boltanum til hliðar á Freyju Karín sem var mætt á harðaspretti vinstra megin við hana.
Eyða Breyta
77. mín
María Eva með glímubrögð. Brýtur á sóknarmanni Aftureldingar rétt utan við teiginn hægra megin. María þarf að passa sig, er á gulu spjaldi.

Afturelding fær aukaspyrnu sem Þórhildur tekur.

Þórhildur rennir boltanum út í skot á Birnu Kristínu sem þrumar í varnarmann!
Eyða Breyta
76. mín
Heimakonur pressa og vinna hornspyrnu. Hornspyrnan hinsvegar hrikalega slök hjá Andreu Rut sem setur boltann beint í fyrsta varnarmann.
Eyða Breyta
74. mín Mist Funadóttir (Þróttur R.) Katla Tryggvadóttir (Þróttur R.)
Mist fer í vinstri bakvörðinn og María Eva sem ég var að hrósa fyrir fjölhæfni fer á miðjuna.

Líklega ekki draumur þjálfarans að þurfa að gera tvöfalda breytingu á miðsvæðinu í svona leik.
Eyða Breyta
74. mín Ísabella Anna Húbertsdóttir (Þróttur R.) Álfhildur Rósa Kjartansdóttir (Þróttur R.)
Fyrirliðinn meiddur og Ísabella leysir hana af.
Eyða Breyta
72. mín Gult spjald: Alexander Aron Davorsson (Afturelding)
Við í blaðamannstúkunni heyrðum augljóslega ekki orðaskiptin en Alexander Aron fær hér áminningu og hefur sagt eitthvað sem dómaranum mislíkaði.
Eyða Breyta
69. mín
Þórhildur tekur aukaspyrnuna. Snýr boltann framhjá veggnum en hann endar í höndunum á Írisi Dögg.
Eyða Breyta
68. mín Gult spjald: María Eva Eyjólfsdóttir (Þróttur R.)
Aukaspyrna og gult á Marí Evu. Keyrði Jade niður þegar hún var við það að stinga varnarmenn Þróttar af og komast inná teig.

Aukaspyrnan á stórhættulegum stað. Rétt utan við vítateig!
Eyða Breyta
67. mín
Þróttarar geysast í skyndisókn eftir þriðju hornspyrnu Aftureldingar. Það munar engu að Andrea Rut nái að þræða Freyju Karín í gegn!

Stuttu síðar kiksar Andrea Rut svo á fjær eftir fyrirgjöf.

Það er fjör í þessu!
Eyða Breyta
64. mín
Afturelding á tvær hornspyrnur í röð og þær ná að skapa usla. Eftir þá seinni liggur Álfhildur Rósa, fyrirliði Þróttar.

Hún hafði lent illa eftir tæklingu stuttu áður og virðist hafa meiðst í öxlinni.
Eyða Breyta
62. mín Elísabet Freyja Þorvaldsdóttir (Þróttur R.) Gema Ann Joyce Simon (Þróttur R.)
Bakvörður fyrir bakvörð. Elísabet fer hægra megin og María Eva færir sig yfir til vinstri. Er María Eva fjölhæfasti leikmaður deildarinnar? Klárlega í topp 5 að minnsta kosti.
Eyða Breyta
60. mín
Geggjuð tækling hjá Maríu Evu!

Nær að renna sér fyrir boltann í teignum og koma í veg fyrir dauðafæri hjá gestunum.
Eyða Breyta
58. mín Murphy Alexandra Agnew (Þróttur R.) Sæunn Björnsdóttir (Þróttur R.)
Murphy er nýkomin með leikheimild og er komin inná í sínum fyrsta leik fyrir Þrótt.
Eyða Breyta
58. mín Katrín Rut Kvaran (Afturelding) Ísafold Þórhallsdóttir (Afturelding)
Önnur skiptingin sem Afturelding þarf að gera vegna meiðsla. Katrín mætir sínum gömlu félögum en hún var áður á mála hjá Þrótti.
Eyða Breyta
56. mín
Þetta lítur ekki vel út. Ísafold sest niður á miðjum vellinum og heldur um hnéið.

Aftureldingarkonur sparka boltanum útaf svo hægt sé að líta á Ísafold en það virðist ljóst að hún þurfi að fara af velli.
Eyða Breyta
55. mín


Það er alvöru leikur í gangi í Laugardalnum!
Eyða Breyta
52. mín
Ísafold er komin inná... Og Þróttarar sýna lífsmark.

Katla Tryggva á skot vinstra megin í teignum sem Eva Ýr ver í horn. Þróttarar taka hornið stutt en ná ekki að skapa sér færi.
Eyða Breyta
51. mín
Markaskorarinn Ísafold er enn utan vallar en hún meiddist þegar hún skoraði og þurfti að fara útaf til að fá aðhlynningu. Virtist lenda á stönginni.
Eyða Breyta
51. mín
BIRNA KRISTÍN!

Hægri bakvörðurinn með hörkuskot rétt framhjá marki Þróttar!
Eyða Breyta
50. mín
Ég talaði um að Afturelding hefði blundað í fyrri hálfleik og nú eru það heimakonur sem mæta steinsofandi og værukærar inn í síðari hálfleikinn.

Þær eru í veseni gegn kröftugum gestunum!
Eyða Breyta
49. mín MARK! Ísafold Þórhallsdóttir (Afturelding)
Hvað er að gerast hérna????

Ísafold er búin að bæta við marki fyrir Aftureldingu!

Var klár á fjær og kom boltanum í netið eftir fyrirgjöf.

Þvílík innkoma í seinni hálfleikinn hjá Mosfellsbæingum.

Gestirnir búnar að breyta stöðunni úr 4-0 í 4-2 á þriggja mínútna kafla!
Eyða Breyta
48. mín
Og gestirnir láta kné fylgja kviði. Þórhildur á hörkuskot.

Og nú vinnur Afturelding hornspyrnu.
Eyða Breyta
46. mín MARK! Ísafold Þórhallsdóttir (Afturelding)
JAHÉRNA HÉR!

Það tók gestina 29 sekúndur að minnka muninn!

Ísafold skorar með þvílíkri neglu!

Rétt á undan hafði Kristín Þóra átt hörkuskalla í tréverkið.

Alvöru byrjun á seinni hálfleik hjá Aftureldingu!
Eyða Breyta
46. mín
Þá er síðari hálfleikur farinn af stað. Liðin eru óbreytt frá því í lok síðari hálfleik.
Eyða Breyta
45. mín Hálfleikur
Það er kominn hálfleikur í Laugardalnum og heimakonur leiða 4-0.

Þróttarar verið beinskeyttar fyrir framan mark gestanna en á sama tíma hafa gestirnir verið algjörlega sofandi til baka.

Tökum okkur korterspásu og sjáum svo hvað setur í seinni hálfleikinn.
Eyða Breyta
45. mín
Þremur mínútum verður bætt við fyrri hálfleikinn.
Eyða Breyta
44. mín Gult spjald: Christina Clara Settles (Afturelding)
Braut á Danielle.
Eyða Breyta
44. mín
Góður varnarleikur hjá Dennis, landsliðskonu Jamaíka. Skrokkar Freyju Karín sem ætlaði sér framhjá Dennis.
Eyða Breyta
43. mín
Eru gestirnir að vakna?

Kristín Þóra á fínan sprett og skot sem Íris Dögg ver.
Eyða Breyta
42. mín
Fínir taktar hjá Hildi Karítas. Hún heldur vel í boltann rétt utan við vítateig Þróttar og nær föstu skoti sem flýgur rétt framhjá.
Eyða Breyta
37. mín
Hreint ótrúlegar tölur hér í Laugardalnum og það verður mjög áhugavert að sjá hvernig þessi leikur þróast.

Afturelding hefur átt tvær sóknir sem luku á fyrirgjöfum sem enduðu í höndunum á Írisi markverði. Fyrst frá vinstri og svo hægri.

Sóknarmenn Þróttar dæmdar rangstæðar í tvígang með stuttu millibili. Það er mjög langt á milli manna í öftustu línu gestanna og Þróttarar freistast til að setja boltann í opnu svæðin.
Eyða Breyta
32. mín MARK! Danielle Julia Marcano (Þróttur R.), Stoðsending: Gema Ann Joyce Simon
Jahérna hér!

Danielle skorar sitt annað mark! Fylgir eftir langskoti Gema sem Eva Ýr hafði varið út í markteig.

Set risastórt spurningamerki við bæði Evu í markinu og varnarmenn gestanna því það var engin á tánum til að fylgja þessu eftir nema Danielle.
Eyða Breyta
31. mín Anna Pálína Sigurðardóttir (Afturelding) Sesselja Líf Valgeirsdóttir (Afturelding)
Sesselja Líf þarf að fara af velli. Hrikalegt fyrir gestina að missa sinn reynslumesta leikmann af velli.
Eyða Breyta
30. mín
Ágætis samleikur hjá Kötlu og Freyju og litlu munar að Katla skjóti sér í gegn. Katla meiðist eitthvað í hasarnum og þarf aðhlynningu.

Hjá gestunum er fyrirliðinn Sesselja einnig meidd og virðist þurfa að fara af velli.
Eyða Breyta
27. mín
Aftur reynir Katla skot. Í þetta skiptið notar hún vinstri fótinn og skýtur beint á Evu í markinu. Skottilraunin kom eftir góða tæklingu Álfhildar og laglegt samspil fremstu manna Þróttar.

Ofboðslega lítið að frétta hjá Aftureldingu. Eiginlega bara alveg ótrúlega lítið.
Eyða Breyta
23. mín MARK! Katla Tryggvadóttir (Þróttur R.)
VÁÁÁÁÁ!

Katla tekur aukaspyrnuna fyrir Þrótt og smellir boltanum upp í fjærhornið.

Frábærlega tekin spyrja hjá táningnum. Katla er þriðji leikmaðurinn til að skora a) deildarmark fyrir Þrótt og b) sitt fyrsta mark í efstu deild hér í kvöld!
Eyða Breyta
20. mín
Andrea Rut á hér góða rispu með boltann Er tekin niður aðeins fyrir utan D-bogann og fær aukaspyrnu.
Eyða Breyta
16. mín
Nú er spurning hvernig nýliðarnir svara. Þær byrjuðu af krafti allra fyrstu mínútur leiksins en Þróttarar áttu gríðarlega góðan kafla þar sem þeim tókst að skora tvö mörk með stuttu millibili.
Eyða Breyta
13. mín MARK! Freyja Karín Þorvarðardóttir (Þróttur R.)
Freyja komin á blað í efstu deild!

Freyja Karín fylgir eftir skoti sem Eva Ýr ver út í teig!

Aftur klaufagangur og bras á öftustu línu Aftureldingar og nýir framherjar Þróttar báðar búnar að skora sín fyrstu mörk fyrir Þrótt.
Eyða Breyta
11. mín
Uppstilling Aftureldingar:

Eva Ýr

Birna - Dennis - Christina - Signý

Ísafold - Sesselja

Jade - Hildur Karítas - Þórhildur

Kristín Þóra


Eyða Breyta
9. mín
Uppstilling Þróttar:

Íris

María - Sóley - Jelena - Gema

Álfhildur

Sæunn - Andrea Rut

Katla

Freyja - Danielle
Eyða Breyta
8. mín MARK! Danielle Julia Marcano (Þróttur R.)
Danielle opnar markareikninginn fyrir Þrótt!

Klárar með fínu skoti úr teignum eftir mikinn klaufagang aftast hjá Aftureldingu.
Eyða Breyta
6. mín
Fyrsta markskot Þróttar. Þrumuskot frá Sæunni rétt utan við D-borga en boltinn svífur vel framhjá.
Eyða Breyta
2. mín
Og aftur fá gestirnir horn. Fyrri spyrnan var ágæt frá Þórhildi en ekkert varð úr.

Sú síðari slök og heimakonur komu boltanum frá.
Eyða Breyta
1. mín Leikur hafinn
Leikurinn er farinn í gang og gestirnir eru snöggar að sækja fyrstu hornspyrnu leiksins.
Eyða Breyta
Fyrir leik
Það er að létta til eftir heldur gráan dag í Reykjavíkurborg. Sú gula lætur aðeins sjá í sig og það er svolítil gola sem blæs í átt að Laugardalnum, þangað sem heimakonur ætla að byrja að sækja.
Eyða Breyta
Fyrir leik
Byrjunarliðin eru klár eins og við sjáum hér til hliðar. Hjá heimakonum kemur ástralska landsliðskonan Gema Simon inn í liðið fyrir Elísabetu Freyju Þorvaldsdóttir. Reiknum með að Gema fari í vinstri bakvörðinn og María Eva Eyjólfsdóttir í þann hægri.

Hjá gestunum koma þær Christina Settles og Signý Lára inn í liðið. Sigrúnarnar Sigrún Eva og Sigrún Gunndís fara úr liðinu. Sú síðarnefnda er skráð í liðsstjórn í dag. Sú fyrrnefnda er á bekknum.
Eyða Breyta
Fyrir leik
Liðin mættust í Lengjubikarnum fyrir rúmum 5 vikum síðan og þá hafði Afturelding betur. Afturelding vann sannfærandi 3-1 sigur þrátt fyrir að vera manni færri lungað úr leiknum.

Þórhildur Þórhallsdóttir (2), Kristín Þóra Birgisdóttir og Andrea Rut Bjarnadóttir gerðu mörkin í þeim leik.
Eyða Breyta
Fyrir leik
Bæði lið máttu sætta sig við tap í fyrstu umferð deildarinnar.

Þróttarar heimsóttu Íslandsmeistara Vals og töpuðu 2-0. Afturelding fékk Selfoss í heimsókn og mátti sætta sig við 1-4 tap í Mosfellsbænum.

Bæði lið ólm í að sækja sín fyrstu stig í sumar og hörkuleikur framundan.
Eyða Breyta
Fyrir leik
Sælt veri fólkið!

Hér verður hægt að fylgjast með beinni textalýsingu frá leik Þróttar og Aftureldingar í Bestu deildinni.

Guðmundur Páll Friðbertsson flautar til leiks í Laugardalnum á slaginu 19:15.
Eyða Breyta
Byrjunarlið:
12. Eva Ýr Helgadóttir (m)
2. Sesselja Líf Valgeirsdóttir ('31)
3. Jade Arianna Gentile
4. Dennis Chyanne
10. Hildur Karítas Gunnarsdóttir
15. Ísafold Þórhallsdóttir ('58)
19. Kristín Þóra Birgisdóttir
24. Christina Clara Settles
26. Signý Lára Bjarnadóttir
27. Birna Kristín Björnsdóttir
77. Þórhildur Þórhallsdóttir

Varamenn:
6. Anna Pálína Sigurðardóttir ('31)
9. Katrín Rut Kvaran ('58)
13. Guðrún Embla Finnsdóttir
21. Sigrún Gunndís Harðardóttir
22. Sigrún Eva Sigurðardóttir

Liðstjórn:
Svandís Ösp Long
Alexander Aron Davorsson (Þ)
Ingólfur Orri Gústafsson
Ruth Þórðar Þórðardóttir (Þ)
Bjarki Már Sverrisson (Þ)
Sævar Örn Ingólfsson

Gul spjöld:
Christina Clara Settles ('44)
Alexander Aron Davorsson ('72)

Rauð spjöld: