Fyrir leik
Byrjunarliðin

Heimamenn í Keflavík gera eina breytingu á liði sínu frá tapinu gegn KA á dögunum. Ivan Kaliuzhnyi Úkraínumaðurinn sem gekk til liðs við Keflavík á dögunum er kominn með leikheimild og byrjar á kostnað Adams Árna Róbertssonar sem sest á bekkinn.

ÍBV og Hermann halda sig við sama lið og gegn Leikni í síðustu umferð.
Eyða Breyta

Fyrir leik
Fyrri viðureignir í A-deild

Frá aldamótum hafa liðin leikið alls 28 leiki sín á milli í efstu deild síðast árið 2018

Keflavík hefur unnið alls 11 sinnum, þremur leikjum hefur lokið með jafntefli en 14 sinnum hafa stigin þrjú fallið Eyjamönnum í skaut.

Markatalan er 46-51 ÍBV í vil.

Myndin hér að neðan er tekin úr leik liðanna í Keflavík sumarið 2015 en á henni má sjá Hafstein Briem (að ég held) og Gunnar Þorsteinsson í baráttu við Hólmar Örn Rúnarsson. Gott ef höfuðið á þá Keflvíkingnum Sindra Snæ Magnússyni gægist þarna inn í rammann en hann hefur síðan söðlað um og leikið með ÍBV og ÍA en er nú komin aftur til Keflavíkur þó hann hafi glímt við meiðsli að undanförnu.



Eyða Breyta

Fyrir leik
Tríóið

Ívar Orri Kristjánsson er dómari hér í dag. Honum til aðstoðar eru Ragnar Þór Bender (AD1) og Guðmundur Ingi Bjarnason (AD2)
Jón Sigurjónsson verður með skrifblokkina á lofti og fylgist með sem eftirlitsmaður KSÍ og að lokum heldur Þorvaldur Árnason sér heitum á hliðarlínunni ef eitthvað kemur upp á og aðstoðar sem varadómari.



Eyða Breyta

Fyrir leik
Keflavík

Keflavík vermir botnsæti deildarinnar stigalaust fyrir leiki dagsins. Þeir fengu alvöru kjaftshögg í síðasta leik á Dalvík gegn KA þar sem þeir leiddu frá 68. mínútu leiksins gegn eftir að Patrik Johannesen kom þeim í 2-1. Áður hafði Ingimundur Guðnason jafnað leikinn í 1-1 undir lok fyrri hálfleiks. Nökkvi Þeyr Þórisson gerði þó út um vonir Keflavíkur með tveimur mörkum á lokamínútum leiksins og tryggði KA sigur í leiknum og sér montréttinn gagnvart bróður sínum sem hafði skorað fyrsta mark KA í leiknum.

Leikur Keflavíkur hefur verið sveiflukenndur og hefur liðið átt erfitt uppdráttar í leikjum gegn Breiðablik og Víkingi sem báðir töpuðust 4-1 en náð betri frammistöðum gegn Val og KA þó engin stig hafi komið í hús. Þeir þurfa líkt og gestirnir að fara setja stig á töfluna og kjörið tækifæri til þess fyrir þá í dag.



Eyða Breyta

Fyrir leik
ÍBV

Lærisveinar Hemma Hreiðars sóttu sitt fyrsta stig í mótinu í síðustu umferð þegar Leiknismenn komu í heimsókn á Hásteinsvöll. Lokatölur urðu 1-1 en það var markamaskínan af Vestfjörðum Andri Rúnar Bjarnason sem gerði mark ÍBV í leiknum.

Eyjamenn hefðu eflaust þegið fleiri stig eftir þrjár umferðir en tækifæri fyrir þá að bæta úr því í dag gegn stigalausum Keflvíkingum.



Eyða Breyta

Fyrir leik
Heil og sæl lesendur og verið velkomin í beina textalýsingu Fótbolta.net frá leik Keflavíkur og ÍBV í fjórðu umferð Bestu deildar karla.
Eyða Breyta