Fyrir leik
"Eniga meniga, Heiðar elskar peninga" syngur Silfurskeiðin til Heiðars Ægissonar sem er að koma sér fyrir á varamannabekk Vals.
Eyða Breyta

Fyrir leik
Áhorfendur flestir vel klæddir enda er frystikistan að standa undir nafni. Sigrún María er að kynna liðin og allt að verða klárt. Fimm mínútur í leik.
Eyða Breyta

Fyrir leik
Leik lokið á Akranesi þar sem KA vann 3-0 sigur. Arnar Grétars og lærisveinar hans hafa múrað fyrir. Neita að fá á sig mörk.
Eyða Breyta

Fyrir leik
Byrjunarlið Vals:
Guy Smit
Birkir - Hólmar - Hedlund - Jesper
Birkir Heimis - Ágúst
Arnór
Galdri - Patrick - Tryggvi

Skoðum uppstillingu Stjörnunnar þegar leikurinn fer af stað.
Eyða Breyta

Fyrir leik
Páló vaktin. Hann er mættur í stúkuna. Skál fyrir því.
Eyða Breyta

Fyrir leik
Enginn í Bestu deildinni hefur varið fleiri skot en Hollendingurinn í marki Vals.

pic.twitter.com/rCAAdIUdXy

— Besta deildin (@bestadeildin) May 15, 2022

Eyða Breyta

Fyrir leik
Einum leik er lokið í dag en FH vann heimasigur gegn ÍBV. Þá er KA að vinna ÍA á Skaganum en sá leikur er í gangi. Smelltu hér til að fara í beina textalýsingu frá Akranesi en þar er Anton Freyr Jónsson með puttana á púlsinum.
Eyða Breyta

Fyrir leik
Tvær breytingar á byrjunarliði Stjörnunnar. Björn Berg Bryde og Ólafur Karl Finsen koma inn. Ísak Andri Sigurgeirsson og Guðmundur Baldvin Nökkvason setjast á bekkinn. Óskar Örn Hauksson er áfram á bekknum og þar er einnig Daníel Finns Matthíasson sem kom frá Leikni á dögunum og gæti spilað sinn fyrsta leik fyrir Stjörnuna í kvöld.



Eyða Breyta

Fyrir leik
Byrjunarliðin eru komin inn. Heimir Guðjónsson breytir ekki sigurliði. Sama lið og vann ÍA 4-0. Aron Jóhannsson er enn fjarverandi og er ekki í leikmannahópnum.


Eyða Breyta

Fyrir leik
Hér í Garðabænum er Queen í græjunum þegar rúmur klukkutími er í leik. Byrjunarliðin eru að fara að detta inn og verður fróðlegt hvort Heimir Guðjóns haldi sig við það að breyta ekki sigurliði.
Eyða Breyta

Fyrir leik


Valsmenn eru í öðru sæti með þrettán stig, tveimur stigum á eftir toppliði Breiðabliks. Ekkert lið hefur náð að vinna Val. Þeir rauðu kreistu fram sigra í fyrstu leikjunum en í síðustu umferð léku þeir á als oddi í seinni hálfleik gegn ÍA og unnu á endanum 4-0. Tryggvi Hrafn Haraldsson skoraði tvö mörk og var valinn leikmaður umferðarinnar.
Eyða Breyta

Fyrir leik


Stjarnan er með átta stig eftir fimm umferðir en liðið tapaði fyrir Breiðabliki í síðustu umferð 3-2. Það hefur verið gaman að horfa á leiki Stjörnunnar í upphafi móts, ungir leikmenn skinið skært og Emil Atlason verið funheitur við mark andstæðingana. Hann hefur skorað sex mörk og er markahæstur ásamt Ísaki Snæ Þorvaldssyni.
Eyða Breyta

Fyrir leik


Dómari í kvöld er Sigurður Hjörtur Þrastarson sem er einnig þekktur fyrir að sinna handboltadómgæslu. Oddur Helgi Guðmundsson og Ragnar Þór Bender eru aðstoðardómarar og með skiltið í kvöld er Aðalbjörn Heiðar Þorsteinsson.

Eftirlitsmaður er svo nestorinn sjálfur, Gylfi Þór Orrason.
Eyða Breyta

Fyrir leik
Góðan og gleðilegan daginn. Vonandi kusuð þið rétt í gær.

Í kvöld fylgjumst við með leik Stjörnunnar og Vals í Bestu deildinni. Gómsætur leikur á Samsungvellinum.


Eyða Breyta