Fyrir leik
Rölti hér út og skoðaði stúkuna hér á vellinum. Hún er að verða pökkuð! Bara frábært að sjá.
Eyða Breyta

Fyrir leik
Það er algvöru mæting hér á HS-Orkuvöllinn í kvöld og eftirvænting í loftinu.

Þetta verður eitthvað!

Liðin að ganga til vallar.
Eyða Breyta

Fyrir leik
Jóhann Ingi Jónsson átti að flauta þennan leik en það er alls ekki hann sem er að hita hér upp fyrir leik.

Fæ þær upplýsingar frá eftirlitsmanni að Jóhann hafi verið færður á leik Stjörnunar og KR og hingað til Keflavíkur er mættur Helgi Mikael Jónasson.

Honum til aðstoðar eru Eysteinn Hrafnkelsson og Breki Sigurðsson. Eftirlitsmaður er Sigurður Óli Þórleifsson.


Eyða Breyta

Fyrir leik
Tuttugu mínútur í leik og fólk farið að koma sér fyrir í stúkunni. Grillið á fullu og gullnar veigar að flæða úr dælu, börnin með ís og einhverjir með andlitsmálningu. Það eina sem vantar í þessa klassísku íslensku fjölskylduhátíð er hoppukastalinn.
Eyða Breyta

Fyrir leik
Gestirnir í Njarðvík hafa farið frábærlega af stað á Íslandsmótinu í sumar.
Þeir sitja með fullt hús á toppi 2.deildar karla eftir þrjár umferðir og virðist fátt ætla að stoppa þá í leið sinni upp í Lengjudeildina.

Mjólkurbikarinn hefur þá einnig farið vel af stað en þeir fengu alvöru prófraun strax í fyrstu umferð þegar þeir tóku á móti Fjölnismönnum. Sá leikur endaði 1-1 og þurfti að grípa til vítaspyrnukeppni þar sem Njarðvíkingar höfðu betur.
Njarðvíkingar fengu svo KFG í heimsókn í annari umferð þar sem heimamenn tóku öruggan 5-2 sigur.

Það verður því afar áhugaverð viðreign milli þessara nágrannafélaga hér í kvöld.



Eyða Breyta

Fyrir leik
Eftir erfiða byrjun á sumrinu hjá Keflavík hefur aðeins verið að birta til og hefur liðið sótt 7 stig í síðustu 4 leikjum sínum í Bestu deild karla.
Þeir sigruðu til að mynda FH í síðustu umferð 2-1 á HS Orku vellinum hérna í Keflavík.

Keflavíkingar eru að hefja leik í Mjólkurbikar karla þetta tímabilið núna í leiknum gegn Njarðvík.



Eyða Breyta

Fyrir leik
Hólmar Örn fór yfir framkomu stjórnar Keflavíkur í sinn garð og annarra leikmanna liðsins í viðtali við Víkurfréttir á dögunum en Hólmar Örn er aðstoðarþjálfari Njarðvíkurliðsins.



Eyða Breyta

Fyrir leik
Keflavík og Njarðvík hafa tvívegis mæst í bikarkeppni. Í fyrra skiptið var það árið 1985 þegar spilað var á heimavelli Njarðvíkur, þá sigraði Keflavík með þrem mörkum frá Sigurði Björgvinssyni, Helga Bentssyni og Njarðvíkingar skoruðu eitt sjálfsmark.

Liðin mættust svo aftur í bikarnum fyrir þrem árum eða 2019 á heimavelli Keflvíkinga og þá voru það Njarðvíkingar sem höfðu betur en aðeins eitt mark var skorað í leiknum og kom það í hlut Kenneth Hogg að slá Keflvíkinga út.



Eyða Breyta

Fyrir leik
Heil og sæl lesendur góðir og verið hjartanlega velkominn í þessa þráðbeinu textalýsingu frá nágrannaslag Keflavíkur og Njarðvíkur í 32-liða úrslitum Mjólkurbikars karla.
Eyða Breyta