Lítið verður úr þessu horni en við fáum +5 á skiltið.

Birnir Snær með kröftugt hlaup og vinnur horn.

Víkingar æltuðu sér að gera tvöfalda skiptingu og senda báða Davíð Örn og Halldór Smára inná en þá meiðist Karl Friðleifur og Arnar nær ekki að breyta skiptingunni áður en leikurinn fer af stað aftur og Halldór Smári fer ekki inná og Víkingar eru búnir með skiptingargluggana sína og geta því ekki skipt meiddum Karl Friðleifi af velli sem þarf að harka af sér síðustu mínúturnar.

Stálmúsin Steinþór Freyr í hörkufæri en Víkingar bjarga.

Stúkan púar enn á Ívar Örn.

Það er að færast ögn meiri ákefð í leiknn.

Ívar Örn lagðist í grasið og hélt um höfuð sitt eftir vistarskipti sín við Kristal Mána. Stóð upp og nú púa Víkingar á Ívar Örn.

Varamennirnir með góða tilraun. Viktor Örlygur finnur Birni Snær í skotfæri en skotið er beint á Stubb.

Hallgrímur Mar með spyrnuna en rétt framhjá markinu.

KA menn fá aukaspyrnu á hættulegum stað rétt fyrir utan vítateig Víkinga.

Nökkvi Þeyr að komast á ferðina en Ekroth gerir vel að komast fyrir hann.

Ásgeir Sigurgeirs sparkar seinni hálfleiknum af stað.

Fáum +2 mín í uppbótartíma.

Kristall Máni komst í gott skotfæri á hinum enda vallarins en Stubbur sér við honum.

Oleksii Bykov með frábærar fyrirgjafir fyrir markið. Ein slík endaði nú hjá Ásgeiri Sigurgeirs en Ingvar Jóns lokaði á hann.

Ekki mikið um að vera þessar mínúturnar.

Júlíus með skotið rétt framhjá markinu.

Kristall Máni með hornspyrnu sem endar hjá Karli Friðleif sem nær góðu skoti en Stubbur ver frábærlega!

Pablo Punyed með skotið úr aukaspyrnunni sem svífur rétt yfir vinkilinn.

Víkingar fá aukaspyrnu á flottum stað fyrir miðju rétt fyrir utan teig.

Ekki mikið í gangi hjá KA. Í hvert sinn sem þeir komast á boltann þá eru Víkingarnir grimmir í pressunni og oftar en ekki búnir að vinna boltann fljótt tilbaka.

Víkingar eru að stjórna leiknum.

Flott spil hjá Víkingum endar með skalla yfir markið frá Helga Guðjóns en flaggið var komið á loft.

Víkingar opnar vörn KA og Kristall kemst í frábært færi og reynir fast skot á nærstöng sem Stubbur ver virkilega vel.

Víkingar geysast hratt upp völlinn þar sem Helgi Guðjóns fær flugbraut og rennir boltanum fyrir markið sem Ari Sigurpáls missir útaf.

Víkingar sparka boltanum útaf þar sem fyrirliðin þeirra þarfnast aðhlyningu.

Taka það stutt og boltinn berst á Daníel Hafsteins sem reynir fyrirgjöf fyrir markið en Ingvar grípur það auðveldlega.

KA fær fyrsta horn leiksins.

KA með tvö hálffæri á stuttum tíma en ná ekki að koma knettinum að marki.

Ívar Örn haltrar örlítið. Vonum að hann jafni sig og þurfi ekki að fara af veilli.

Það eru Víkingar sem hefja leikinn. Kristall Máni á upphafssparkið.