Liðin eru að ganga inn á völlinn.

En í kvöld er ekki spurt að fyrri afrekum né hvernig liðin líta út á pappír, það er frammistaðan inn á vellinum sem skiptir máli og skilar stigum í hús.

Liðin hafa mæst tólf sinnum í deildarkeppni á öldinni og er óhætt að segja að Selfyssingar hafi yfirhöndina með sex sigra á móti þremur jafnteflum og þremur sigrum Vesturbæinga.

Eftirminnilegasti leikur Selfyssinga gegn KR er þó án efa úrslitaleikur Mjólkurbikarsins árið 2019 þegar Selfyssingar unnu sinn fyrsta stóra titil í meistaraflokki í knattspyrnu.

Bæði lið komust áfram í Mjólkurbikarnum á laugardaginn. Selfyssingar unnu Aftureldingu 3-1 á heimavelli á meðan KR gerði góða ferð upp á Skaga og vann 0-6.

Markaskorun liðanna hefur verið töluvert til umræðu en fyrir utan BrennU Lovera hafa Selfyssingar einungis skorað þrjú mörk í deildinni í sumar sem er einmitt jafnmörg mörk og KR hefur gert í allt tímabilið.
Selfyssingar vonast að sjálfsögðu til að sjá fyrrum leikmann sinn Guðmundu Brynju Óladóttur í liði gestanna en hún á að baki 106 deildarleiki með Selfoss þar sem hún skoraði hvorki fleiri né færri en 77 mörk. Alltaf gaman þegar Gumma kemur heim á Selfoss.

Hlutskipti liðanna í sumar er ólíkt en meðan KR-ingar eru á botni deildarinnar með þrjú stig eru Selfyssingar í þriðja sæti með ellefu stig.

Það eru þó batamerki hjá KR sem unnu síðasta leik gegn Aftureldingu eftir að hafa tapað fyrstu fimm leikjunum sannfærandi.

Selfyssingar hins vegar lutu í gras í fyrsta sinn í sumar í seinustu umferð þegar liðið sótti Stjörnuna heim.

Það er því ljóst að hart verður tekist á í kvöld þegar liðin leiða saman hesta sína.

Góðan dag og verið velkomin í beina textalýsingu frá leik Selfoss og KR í Bestu deildinni.
Leikurinn fer fram í blíðskaparveðri á fallegasta velli landsins, JÁVERK-vellinum á Selfossi.