Þráinn Orri spáir í 3. umferð Lengjudeildarinnar Þráinn Orri er línumaður Hauka sem mætir ÍBV í úrslitaeinvígi Olís-deildarinnar.

Grindavík 3 - 1 Njarðvík
Baráttan um Bláa Lónið verður alvöru leikur. Grindavík hefur farið með himinskautum undanfarið og munu halda uppteknum hætti í þessum leik. Óskar trítlar um völlinn og skorar tvö.

Dómarateymið Gunnar Oddur Hafliðason heldur utan um flautuna hér í kvöld og honum til aðstoðar verða þeir Tomasz Piotr Zietal og Guðni Freyr Ingvason.

Grindavík Grindvíkingar hafa farið virkilega vel af stað á Íslandsmótinu í sumar.
Grindavík eru með 4 stig í Lengjudeildinni eftir 2 umferðir en þeir byrjuðu á sterkum útisigri gegn ÍA á Akranesi þar sem þeir fóru með 0-2 sigur af hólmi.
Næst tóku þeir á móti Gróttu þar sem markalaust jafntefli varð niðurstaðan.

Grindavík er komið í 8-liða úrslit Mjólkurbikarsins þar sem þeir mæta KA á Akureyri en þeir komu virkilega á óvart í síðustu viku þegar þeir slógu Valsmenn út úr bikarnum með sannfærandi 1-3 sigri á Origo vellinum á Hlíðarenda.

Mörk Grindavíkur til þessa í Lengjudeildinni hafa skorað:

Guðjón Pétur Lýðsson - 1 Mark
Dagur Ingi Hammer Gunnarsson - 1 Mark

Njarðvík Njarðvíkingar hafa farið ágætlega af stað og eru taplausir eftir fyrstu 2 umferðirnar með 2 jafntefli.
Njarðvík gerði 1-1 jafntefli gegn Gróttu í fyrstu umferð á Vivaldi vellinum á Seltjarnarnesi.
Í síðustu umferð fengu þeir Ægismenn í heimsókn og gerðu 2-2 jafntefli á gervigrasinu við Nettóhöllina en sýndu karakter að koma tilbaka og jafna eftir að hafa lent manni færri undir lok fyrri hálfleiks í stöðunni 1-2 fyrir Ægi.

Njarðvíkingar féllu úr leik í Mjólkurbikarnum í síðustu viku en þeir drógust í 16-liða úrslitum gegn FH í Kaplakrika þar sem FH hafði betur 2-1.

Mörk Njarðvíkur í Lengjudeildinni til þessa hafa skorað:

Marc McAusland - 1 Mark
Oumar Diouck - 1 Mark
Rafael Victor - 1 Mark

Þriðja umferðin er farinn af stað! Þriðja umferð Lengjudeildarinnar er farin af stað og eru síðustu tveir leikir umferðarinnar spilaðir í kvöld.

Staðan í Lengjudeildinni sem stendur lítur svona út:

1.Fjölnir - 7 stig (3 leikir)
2.Afturelding - 6 stig (2 leikir)
3.Þór Ak. - 6 stig (3 leikir)
4.Grindavík - 4 stig (2 leikir)
5.Þróttur R. - 4 stig (3 leikir)
6.Leiknir R. - 3 stig (3 leikir)
7.Grótta - 3 stig (3 leikir)
8.Selfoss - 3 stig (3 leikir)
9.Njarðvík - 2 stig (2 leikir)
10.Vestri - 2 stig (3 leikir)
11.ÍA - 1 stig (2 leikir)
12.Ægir - 1 stig (3 leikir)

Heil og sæl! Komið margblessuð og sæl og verið hjartanlega velkominn í þessa þráðbeinu textalýsingu frá leik Grindavíkur og Njarðvíkur í Lengjudeild karla.