Selma Dögg spáir í 6. umferð Bestu deildar kvenna Selma Dögg Björgvinsdóttir, leikmaður Víkings, spáir í leikina í sjöttu umferðinni sem hefst í kvöld.

Stjarnan 4 - 1 Keflavík
Stjarnan á mikið inni eftir tapið á Sauðárkróki. Leiðtogar liðsins munu rífa liðið áfram og þær mæta sterkar til leiks. Jasmín verður í markaskónum og Málfríður Erna mikilvæg í vörn Stjörnunnar.

Dómarateymið Gunnar Freyr Róbertsson heldur utan um flautuna í kvöld og honum til aðstoðar verða Ásmundur Hrafn Magnússon og Magdalena Anna Reimus.
Jón Sveinsson sér um eftirlitið.

Innbyrðis viðureignir Samkvæmt vef KSÍ hafa þessi lið mæst 37 sinnum í mótsleik á vegum KSÍ.

Stjarnan hefur í 22 skipti (59%) borið sigurorð af Keflavík.
Keflavík hefur í 11 skipti (30%) unnið.
Liðin hafa þá skilið jöfn í 4 skipti (11%).

Síðasti sigur Stjörnunnar: Lengjubikarinn 2023
Síðasti sigur Keflavíkur: Besta deildin 2022 - fyrri hluti
Síðasta jafnteflið: Pepsi Max deild 2021 - fyrri hluti

Stjarnan Stjörnukonur hafa farið höktandi af stað og ekki enn náð að tengja saman sigra, eru líkt og Keflavík með 7 stig eftir 5 umferðir en þær eru þó ekki nema þrem stigum frá toppnum.
Stjarnan byrjaði tímabilið á tapi á heimavelli gegn Þór/KA en sóttu svo sigur í Vestmannaeyjum gegn ÍBV í næstu umferð. Gerðu svo jafntefli gegn Þrótti R. og sóttu sterkan sigur gegn Val áður en þær töpuðu svo óvænt í síðustu umferð gegn Tindastól fyrir norðan.

Stjarnan hefur skorað 4 mörk á tímabilinu til þessa og hafa þessar séð um markaskorunina:

Gunnhildur Yrsa Jónsdóttir - 2 Mörk
Úlfa Dís Kreye Úlfarsdóttir - 1 Mark
Jasmín Erla Ingadóttir - 1 Mark

Keflavík Keflavík hefur byrjað mótið vel og eru með 7 stig eftir 5 umferðir. Þær byrjuðu á því að sækja stig norður á Sauðarkrók þegar þær gerðu markalaust jafntefli við Tindastól og fylgu því svo eftir með að leggja Þór/KA af velli fyrir norðan í kjölfarið. Keflavík tapaði næstu tveim leikjum gegn Breiðablik og FH áður en þær komust aftur á sigurbraut á heimavelli í síðustu umferð gegn Selfoss.

Keflavík hafa skorað 4 mörk á mótinu til þessa og hafa þessar séð um markaskorunina:

Linli Tu - 2 Mörk
Sandra Voitane - 1 Mark
Alma Rós Magnúsdóttir - 1 Mark

Staðan í deildinni Þegar 5 umferðum er lokið lítur staðan í deildinni svona út:

1.Valur - 10 stig
2.Þróttur R. - 10 stig
3.Breiðablik - 9 stig
4.Þór/KA - 9 stig
5.Stjarnan - 7 stig
6.Keflavík - 7 stig
---------
7.ÍBV - 6 Stig
8.Tindastóll - 5 stig
9.Selfoss - 4 stig
10.FH - 4 stig

Heil og sæl! Verið hjartanlega velkominn í þessa þráðbeinu textalýsingu frá Samsungvellinum í Garðabæ þar sem Stjarnan tekur á móti Keflavík í 6.umferð Bestu deild kvenna.