Liðin ganga til leiks Risar með Friðrik Dór er komið á og Sigurður Hjörtur dómari leiksins leiðir liðin inn á völlinn og fer allt að verða til reiðu hér fyrir þennan stórleik.

Gaupi spáir 1-2 sigri Blika!

Guðjón Guðmundsson hafði þetta um leikinn að segja:

Ég held að Breiðablik muni hafa sigur í þessum leik. Hann verður reyndar ekkert mjög þægilegur fyrir þá því FH-ingar hafa spilað betur en menn reiknuðu með. En mér finnst Breiðabliksliðið gríðarlega öflugt og það er alveg sama hvert er litið. Stefán Ingi er sjóðandi heitur og hann mun örugglega setja mark í Krikanum.

Bleikur dagur í Kaplakrika FH kynnti til leiks þriðja búning liðsins í Kaplakrika fyrr í dag með mikilli viðhöfn og leikur liðið í þeim búning í dag. Búningurinn sem umræðir er bleik að lit!

Búningarnir hafa strax vakið mikla athygli enda hefur bleiki liturinn hingað til ekki tengst sögu FH. Ástæðan fyrir litavalinu er þó afar góð þar sem 500 krónur af öllum seldum treyjum renna óskiptar til Krabbameinsfélags Íslands.

Vel gert FH!

Byrjunarliðin eru klár! Heimir Guðjónsson þjálfari FH gerir eina breytingu frá þeim leik. Eggert Gunnþór Jónsson kemur inn í liðið. Jóhann Ægir Arnarsson tekur út leikbann hér í dag.

Óskar Hrafn Þorvaldsson þjálfari Blika fimm breytingar. Oliver Sigurjónsson, Gísli Eyjólfsson, Klæmint Olsen, Viktor Örn Margeirsson og Andri Rafn Yeoman koma allir inn í liðið. Alexander Helgi Sigurðarson, Ágúst Orri Þorsteinsson, Oliver Stefánsson og Ágúst Eðvald Hlynsson fá sér allir sæti á bekknum hjá Blikum. Jason Daði Svanþórsson er ekki í leikmannahópi Blika í dag vegna meiðsla.

Dómarinn Sigurður Hjörtur Þrastarson fær það verkefni að flauta þennan leik í dag. Honum til aðstoðar verða þeir Eðvarð Eðvarsson og Bergur Daði Ágústsson. Fjórði dómari er Gunnar Oddur Hafliðason.

Breiðablik hefur verið duglegt að rótera hópnum Blikar gerðu alls sex breytingar á byrjunarliði sínu frá jafnteflinu gegn Víkingi fyrir leikinn gegn FH í Mjólkurbikarnum.

„Við erum með stóran, breiðan og góðan hóp. Þegar það er svona stutt milli leikja verðum við að rótera hópnum, gefa mönnum hvíld og öðrum tækifæri." sagði Halldór Árnason, aðstoðarþjálfari Blika eftir síðasta leik.

Jason Daði Svanþórsson fór meiddur af velli í fyrri hálfleik gegn FH. Meiðsli halda áfram að plaga þennan frábæra leikmann.

„Því miður er alltaf eitthvað að trufla hann, hvort sem það er hné, ökkli eða nári. Það reynist honum dýrmætt að fá hvíld í landsleikjapásunni en hann kemur vonandi öflugur til baka að henni lokinni." sagði Dóri





Jason Daði hefur verið óhepinn með meiðsli.

Á réttri leið. „Við erum á réttri leið og höfum talað um það að vera að búa til nýtt lið sem tekur tíma. Það er stutt á milli í fótbolta og við þurfum að halda áfram á æfingasvæðinu og mæta klárir í næsta leik á móti Breiðabliki á laugardaginn,” sagði Heimir Guðjónsson, þjálfari FH eftir leikinn gegn Breiðabliki í Mjólkurbikarnum.

Liðin mættust í Mjólkurbikarnum í vikunni Þessi lið mættust á dögunum í 8-liða úrslitum Mjólkurbikarsins í leik sem fór fram á Kópavogsvelli og eru Blikarnir komnir áfram eftir 3-1 sigur. Úlfur Ágúst Björnsson kom FH yfir en Blikarnir svöruðu með þremur mörkum frá Klæmint Andrasson Olsen og Gísla Eyjólfssyni.

Staðan? FH eru ósigraðir í síðustu þremur deildarleikjum og situr liðið í fjórða sæti deildarinnar með 17.stig. Í síðustu umferð fóru FHingar á Origovöllin og mættu Valsmönnum í leik sem endaði 1-1. Kjartan Henry Finnbogason skoraði mark Hafnarfjarðarliðsins í þeim leik.

Breiðablik kemur inn í þennan leik eftir tvö jafntefli gegn Keflavík og Víking.Liðið situr í þriðja sæti deildarinnar með 23.stig. Blikar fengu Víking Reykjavík í heimsókn í síðustu umferð í rosalegum leik sem endaði 2-2. Gísli Eyjólfsson og Klæmint Andrasson Olsen skoruðu mörk Blika í uppbótartíma.

Stórleikur umferðarinnar! Góðan og gleðilegan daginn kæru lesendur og verið hjartanlega velkomin með okkur í Kaplakrika þar sem FH mætir Breiðablik í 11.umferð Bestu deildar karla.

Flautað verður til leiks klukkan 15:00.