Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
Besta-deild karla
KA
21' 0
0
Víkingur R.
Lengjudeild karla
Þór
38' 0
0
Þróttur R.
Besta-deild karla
HK
LL 1
1
Vestri
Lengjudeild karla
ÍBV
LL 1
0
Dalvík/Reynir
Besta-deild kvenna
Valur
20' 0
1
Keflavík
Besta-deild kvenna
Stjarnan
LL 0
1
Breiðablik
Besta-deild kvenna
Þróttur R.
LL 2
1
FH
FH
3
2
Valur
Davíð Snær Jóhannsson '23 1-0
1-1 Kristinn Freyr Sigurðsson '24
1-2 Patrick Pedersen '33
Gyrðir Hrafn Guðbrandsson '49 2-2
Gyrðir Hrafn Guðbrandsson '59 3-2
26.08.2023  -  17:00
Kaplakrikavöllur
Besta-deild karla
Aðstæður: Hellirigning, 13°C og vindur. Engar kjöraðstæður í ágúst.
Dómari: Ívar Orri Kristjánsson
Áhorfendur: 367
Maður leiksins: Gyrðir Hrafn Guðbrandsson
Byrjunarlið:
24. Daði Freyr Arnarsson (m)
3. Haraldur Einar Ásgrímsson ('46)
4. Ólafur Guðmundsson
6. Grétar Snær Gunnarsson
8. Finnur Orri Margeirsson
10. Björn Daníel Sverrisson (f)
11. Davíð Snær Jóhannsson
11. Arnór Borg Guðjohnsen ('76)
23. Viðar Ari Jónsson
29. Vuk Oskar Dimitrijevic ('85)
34. Logi Hrafn Róbertsson

Varamenn:
1. Sindri Kristinn Ólafsson (m)
5. Gyrðir Hrafn Guðbrandsson ('46)
7. Kjartan Kári Halldórsson ('85)
19. Eetu Mömmö
22. Dagur Traustason
22. Ástbjörn Þórðarson ('76)
37. Baldur Kári Helgason

Liðsstjórn:
Heimir Guðjónsson (Þ)
Sigurvin Ólafsson (Þ)
Ólafur H Guðmundsson
Axel Guðmundsson
Fjalar Þorgeirsson
Hjörtur Hinriksson
Andres Nieto Palma

Gul spjöld:
Björn Daníel Sverrisson ('82)
Vuk Oskar Dimitrijevic ('83)

Rauð spjöld:
Leik lokið!
Endurkomusigur! Fyrirgjöf í hendurnar á Daða, hann sparkar fram og Ívar Orri flautar af. FH vinnur endurkomusigur!

FH fer upp að hlið Stjörnunnar í 4. sætinu. Bæði lið með 31 stig.

Víkingur getur komið forystunni á toppnum upp í fjórtán stig á morgun!
94. mín
Logi Hrafn verst vel, þetta er örugglega búið núna.
93. mín
Davíð Snær núna með skot sem Svenni Siggi ver vel.
92. mín
FH-ingar sleppa svona hálfvegis í gegn. Gyrðir fær boltann á eigin vallarhelmingi og skeiðar upp. Hann kýs að skjóta við vítateigslínuna en skotið er varið af Svenna í markinu.
91. mín
Löng sending inn á teig FH sem Daði fer út í og kýlir í burtu. Vel gert.
91. mín
Fjórum mínútum bætt við
89. mín
Valsarar að leita en heimamenn verjast vel.
87. mín
FH-ingar hreinsa hornspyrnu Valsara í burtu.
87. mín
Inn:Andri Rúnar Bjarnason (Valur) Út:Kristinn Freyr Sigurðsson (Valur)
87. mín
Inn:Hlynur Freyr Karlsson (Valur) Út:Birkir Már Sævarsson (Valur)
Fyrirgjöf Birkis á Lúkas það síðasta sem hann gerði í dag.
86. mín
Lúkas Logi með skot úr teignum sem fer af Grétari og aftur fyrir.
85. mín
Davíð reyndi að finna samherja með sendingu inn á markteig Vals en Vuk virtist ekki eiga nóg eftir til að ná boltanum. Í kjölfarið fór Vuk svo út af.
85. mín
Inn:Kjartan Kári Halldórsson (FH) Út:Vuk Oskar Dimitrijevic (FH)
84. mín
Áhorfendatölur: 367!
83. mín
Tryggvi Hrafn með aukaspyrnuna inn á teiginn en FH-ingar ná að hreinsa.
83. mín Gult spjald: Vuk Oskar Dimitrijevic (FH)
83. mín
Tilraunin frá Tryggva Hrafni.
82. mín Gult spjald: Björn Daníel Sverrisson (FH)
Togaði í Orra Hrafn á sprettinum.

Fínn staður fyrir Tryggva Hrafn.
80. mín
Daði smá tæpur aftast, er lengi að athafna sig og Tryggvi sýndist mér nálægt því að komast í boltann. Daði náði að koma boltanum í innkast.
78. mín
Flott sókn hjá FH-ingum, Vuk kemst í fína stöðu inn á teignum en hittir boltann illa og slæsar boltann framhjá með vinstri.
77. mín
Inn:Orri Hrafn Kjartansson (Valur) Út:Aron Jóhannsson (Valur)
Aron sennilega ekki kátur með þessa skiptingu. Var nýbúinn að vera arkitekt að fínni sókn.
77. mín
Hætta inn á teig FH eftir flotta sókn Vals. Sigurður Egill með fastan bolta fyrir en Finnur Orri nær að hreinsa í innkast.
76. mín
Inn:Ástbjörn Þórðarson (FH) Út:Arnór Borg Guðjohnsen (FH)
Arnór var sýnilegri í seinni hálfleiknum en hann var í þeim fyrri.
75. mín
Gyrðir stingur sér á milli Valsara á eigin vallarhelmingi og er kominn í góða stöðu til að finna Vuk í gegn. Hann leitar að Vuk en því miður fyrir þá þá stoppaði boltinn í polli og Elfar náði að komast á undan Vuk í boltann.
74. mín
Hólmar Örn verst vel gegn Vuk sem var með álitlegan sprett inn á vítateig Vals. Hólmar stígur hann út og Valur á markspyrnu.
73. mín
Inn:Lúkas Logi Heimisson (Valur) Út:Guðmundur Andri Tryggvason (Valur)
Guðmundur Andri ekkert verið neitt sérstaklega mikið inni í spili Valsara í leiknum.
71. mín
Hörkutækling frá Guðmundi Andra gegn Finni Orra, fer í boltann og allt í lagi með þetta.
69. mín
Finnur Orri fær lof úr stúkunni fyrir varnarleik sinn, vann boltann af Patrick á sprettinum.
69. mín
Davíð Snær með skot frá vítateigslínu sem fer yfir mark Valsara.
68. mín
Valsarar voru hátt uppi á vellinum þegar Ívar flautaði, hefðu mögulega getað komist í gott færi hinu megin en Ívar flautaði strax.
68. mín Gult spjald: Aron Jóhannsson (Valur)
Gult, sennilega rétt.
67. mín
Kallað eftir rauðu á Aron Rennir sér og fer Grétar.
65. mín
Man of the hour
Mynd: Fótbolti.net - Hafliði Breiðfjörð

64. mín
FH á hornspyrnu Kom ekkert upp úr henni.
59. mín MARK!
Gyrðir Hrafn Guðbrandsson (FH)
Stoðsending: Ólafur Guðmundsson
ÞESSI GÆI!!!!!

Sending frá Ólafi Guðmunds í gegn, Björn Daníel lét boltann fara og boltinn barst inn fyrir á Gyrði í hlaupinu og hann klárar framhjá Svenna í markinu!

Klárar þetta eins og hreinræktaður framherji!

Svona nánast stoðsending á Björn Daníel fyrir hans þátt í þessu.
57. mín
Aron með hornspyrnu, Hólmar klifrar yfir varnarmann og nær skalla en tilraunin er hreinsuð í burtu.
56. mín
Í endursýningu sést að Hólmar fékk boltann í höndina en höndin var límd við líkamann og hefði verið ansi grimmt að dæma.
55. mín
Frábær tæklingi hjá Finni Orra sem vinnur boltann á miðjunni. Davíð Snær fær boltann úti hægra megin, á fyrirgjöf sem Svenni Siggi gerir vel að grípa.
55. mín
Ólafur Guðmundsson með flotta fyrirgjöf, finnur Björn Daníel inn á teignum en skallinn fer í Valsara. Einhver köll eftir vítaspyrnu en það virtist ekkert vera í þessu.
50. mín
Markanef Gyrðir er með fæstar mínútur á milli marka af öllum leikmönnum í deildinni í sumar. Hefur gert frábærlega í sumar í að nýta sínar mínútur. Hefðu mögulega mátt vera fleiri?
49. mín MARK!
Gyrðir Hrafn Guðbrandsson (FH)
Nei nei nei Svenni! Þetta er afskaplega klaufalegt!!

Aftur klaufagangur hjá Val sem kostar mark. Sveinn fær boltann til baka, ætlar að taka boltann með sér til vinstri en Gyrðir pressar hann stíft og kemst í boltann og kemur boltanum í netið!
48. mín
FH komið í fjögurra manna línu Gyrðir kemur framarlega á miðjuna og er FH núna í fjögurra manna varnarlínu. Ólafur Guðmundsson er vinstri bakvörður, bæði hann og Viðar eru mjög sókndjarfir.
46. mín
FH byrjar seinni hálfleikinn
46. mín
Inn:Gyrðir Hrafn Guðbrandsson (FH) Út:Haraldur Einar Ásgrímsson (FH)
45. mín
Hálfleikur
Gyrðir að koma inn á? Gyrðir Hrafn Guðbrandsson búinn að hita vel upp í hálfleik. Er hann að koma inn á?
45. mín
Hálfleikur
Aron Jó á síðustu tilraun hálfleiksins. Fær boltann inn á teignum frá Tryggva Hrafni, á skot sem er á leiðinni framhjá, fer af Loga sem kom í veg fyrir að Patrick kæmist í boltann.

Ívar Orri leyfir ekki hornið, flautað til hálfleiks.
45. mín
45+1

Einni mínútu bætt við fyrri hálfleikinn.

Tryggvi Hrafn reynir skot úr aukaspyrnunni, bolinn fer rétt framhjá marki FH.
45. mín
Birkir Heimis reynir fyrirgjöf en boltinn fer í höndina á Grétari Snæ og aukaspyrna er dæmd. Boltinn er svona tvo metra fyrir utan D-bogann.
43. mín
Viðar Ari með skot fyrir utan teig Vals. Skotið með vinstri fæti og Sveinn Sigurður grípur boltann.
42. mín
Daði! Birkir með hörkuskot sem Daði ver. Valsarar eiga horn.

Í aðdragandanum var Óli Guðmunds með nauðvörn gegn Patrick við markteiginn eftir skrítinn skalla frá Finni Orra úr markteignum.
40. mín
Logi gerir vel gegn Kristni, nær að pikka boltann í Valsarann og af honum fer boltinn aftur fyrir.
39. mín
Viðar Ari með góðan bolta inn á vítateig Vals en Hólmar rís hæst og skallar í burtu. Sókn FH rennur svo út í sandinn.
38. mín Gult spjald: Birkir Heimisson (Valur)
Tók í Vuk á sprettinum.
33. mín MARK!
Patrick Pedersen (Valur)
Stoðsending: Aron Jóhannsson
Valsarar leiða! Valsarar með hornspyrnu, Aron með flotta sendingu inn á nærsvæðið, þar mætti Patrick í hlaupið og stangaði boltann að marki. Daði náði hönd á boltann en skallinn var fastur og fór í netið.
32. mín
Valsarar eiga hornspyrnu Kom ekkert upp úr henni.
31. mín
Grétar fær núna tiltal frá Ívari Orra.

Valsarar eiga aukaspyrnu á vallarhelmingi FH.

Aron Jó með spyrnuna en heimamenn hreinsa.
29. mín
Lagleg tækling hjá Ólafi Guðmunds, rétt nær í boltann þegar Tryggvi virtist við það að sleppa í gegn.
28. mín
Ótrúlegar aðstæður Það eru svakalegir pollar á vellinum og boltinn getur stoppað bara allt í einu, sérstaklega hægra megin á vallarhelmingi Vals.
27. mín
Sigurður Egill með alvöru tæklingu, kemur á blindu hliðina á Björn Daníel sem ætlar að leggja boltann í hornið og nær að tækla fyrir boltann. Mjög góð sókn hjá FH.

Ekkert kemur upp úr hornspyrnunni.
24. mín MARK!
Kristinn Freyr Sigurðsson (Valur)
Stoðsending: Patrick Pedersen
Kristinn skorar gegn sínum fyrrum liðsfélögum Strax svar! Aron Jó með hornspyrnu, boltinn berst út á Birki Má sem finnur Patrick inn á teignum, Patrick á skalla sem Daði ver til hliðar og þar er Kristinn klár, vinnur sig fram fyrir Finn Orra og er fyrstur í frákastið.

Allt jafnt!

23. mín MARK!
Davíð Snær Jóhannsson (FH)
Úff Hólmar! Hólmar Örn með boltann, ætlar að senda boltann til baka á Svein Sigurð en sendingin er of laus miðað við aðstæður, boltinn deyr í teignum, Davíð gerir vel að taka sénsinn á hlaupinu og kemst í boltann og klárar framhjá Svenna í markinu.

1-0!
21. mín
Grétar Snær reynir að finna Davíð Snæ í gegn með einum löngum bolta. Davíð rétt missir af honum og boltinn skýst í burtu á blautum vellinum. Fín hugmynd.
17. mín
Kjöraðstæður til að renna sér Birkir Heimisson ætlaði að rífa í gikkinn við vítateig FH en Björn Daníel renndi sér fyrir og tæklaði boltann í burtu.
16. mín
Haraldur Einar með tvær flottar spyrnur í röð. Núna finnur hann Björn Daníel inn á teignum en skalli hans fer rétt framhjá!

Vuk tók hornspyrnuna stutt á Harald sem lúðraði boltanum fyrir en Björn skallaði rétt framhjá fjærstönginni.
16. mín
Góð spyrna inn á teiginn sem Hólmar Örn skallar aftur fyrir. Fyrsta hornspyrna FH.
15. mín Gult spjald: Birkir Már Sævarsson (Valur)
Rennir sér og fer í Harald Einar. Verðskuldað.
12. mín
Gott færi en skotið beint á Daða Sigurður Egill með flotta fyrirgjöf og finnur Patrick inn á teignum. Patrick tekur skotið í fyrsta en boltinn fer beint á Daða sem grípur.
11. mín
Daði! Ólafur Guðmunds í brasi út af polli á vellinum. Tryggvi fær langa sendingu upp hægra megin og er kominn í gegn, gerir ágætlega en Daði gerir vel og lokar og svo er boltanum hreinsað í burtu.
10. mín
Fínasta sókn hjá FH sem endar á því að Davíð Snær, eftir að hafa fengið köll úr stúkunni, lætur vaða fyrir utan teig en boltinn fer af varnarmanni og í hendurnar á Svenna Sigga í markinu.
8. mín
Valsmenn fá fyrsta horn leiksins Aron Jó kemur með boltann inn á teiginn, finnur Hólmar Örn sem skallar boltann nálægt marki FH en þar komast heimamenn í boltann og hreinsa.
6. mín
Grétar Snær með mjög athyglisverða tilraun vel fyrir utan teig. Hamrar boltann vel yfir.
6. mín
Það eru pollar á vellinum og boltinn gæti stoppað óvænt í miðri sókn. Leikmenn þurfa að vera vel vakandi.
5. mín
Kristinn Freyr með skot fyrir utan teig sem fer beint á Daða í markinu.
3. mín
Kristinn Freyr fær tiltal frá Ívari Orra.
3. mín
Uppstilling Vals Sveinn
Birkir - Hólmar - Elfar - Sigurður
Birkir
Kristinn - Aron
Tryggvi - Patrick - G. Andri
2. mín
Daði ver frá Patrick Flott spil hjá Val, boltinn berst út á Sigurð Egil sem á fyrirgjöf, boltinn ratar á Patrick sem á tilraun en Daði lokar vel í markinu. Boltinn berst út í teiginn og þar á Birkir Már skot sem Björn Daníel sýndist mér ver sitjandi með fætinum.
1. mín
Uppstilling FH Daði
Viðar - Logi - Finnur - Ólafur - Haraldur
Grétar - Björn
Davíð - Arnór - Vuk

Viðar og Haraldur eru vængbakverðir.
1. mín
Leikur hafinn
Valur byrjar með boltann Eina mínútu yfir 17 byrjum við!
Fyrir leik
Allt að verða klárt Valsarar í rauðum treyjum og hvítum stuttbuxum. FH í hvítum treyjum með svörtum ermum og svörtum stuttbuxum.
Fyrir leik
Hellirigning Það hellirignir í Hafnarfirði. Þa ð er alskýjað, vindur og um 13 gráðu hiti. Gæti orðið veisla, gæti orðið þrot, við þurfum bara að sjá til!
Fyrir leik
Byrjunarlið Vals Arnar Grétarsson, þjálfari Vals, gerir þrjár breytingar frá 0-4 tapinu gegn Víkingi um síðustu helgi. Sveinn Sigurður kemur í markið hjá Val og Frederik Schram tekur sér sæti á bekkinn. Þá taka þeir Hlynur Freyr Karlsson og Orri Hrafn Kjartansson sér sæti á bekknum. Birkir Heimisson og Guðmundur Andri Tryggvason koma inn í liðið. Það vekur athygli að Adam Ægir Pálsson er ekki í leikmannahópi Vals í dag.
Mynd: Fótbolti.net - Hafliði Breiðfjörð
Fyrir leik
Byrjunarlið FH Frá 2-2 jafnteflinu gegn HK gerir Heimir Guðjónsson, þjálfari FH, tvær breytingar.

Kjartan Henry Finnbogason tekur út leikbann og markvörðurinn Sindri Kristinn Ólafsson glímir við meiðsli. Sindri er þó á bekknum í dag en Daði Freyr stendur á milli stanganna. Grétar Snær kemur inn fyrir Kjartan.
Mynd: Fótbolti.net - J.L.
Fyrir leik
Valur búið að kæra Valur hefur lagt fram kæru vegna aðkomu Arnars Gunnlaugssonar, þjálfara Víkings, að leik leik liðsins gegn Val á sunnudag. 433.is greinir frá.

Úr frétt 433.is:
Valur hefur lagt fram formlega kæru til Aga og úrskurðarnefndar KSÍ þar sem þess er krafist að Víkingi verði refsað fyrir þá staðreynd að Arnar Gunnlaugsson hafi stýrt liðinu, úr stúkunni þegar liðið heimsótti Hlíðarenda síðustu helgi. Var kæran lögð fram síðdegis í gær.

Forsagan er sú að Arnar var í leikbanni þegar Víkingur vann 0-4 sigur en telja Valsmenn að hann hafi ekki virt leikbannið, með því að vera í stöðugu símasambandi við varamannabekkinn.

433.is hefur kæruna í sínum höndum. Gerir Valur kröfu um að verða dæmdur 3-0 sigur, til vara að leikurinn verði endurtekinn eða að Víkingur þurfi að greiða sekt.

Arnar Gunnlaugsson tók út leikbann en var í símasambandi við varamannabekk Víkings eins og hann sagði sjálfur frá í viðtali á Stöð2 Sport.

Eru það orð Arnars sem kæra Vals byggir að mestu á en vitnað er í ýmsar reglugerðir hjá KSí og FIFA. Segir meðal annars í 16 lið kærunnar. „Leikbann þjálfara, sem byggir á 12. gr., hefur það í för með sér að þjálfari skal, mæti hann á leikstað, vera meðal áhorfenda frá og með einni klukkustund fyrir leik og þar til dómari hefur flautað til leiksloka. Á þessu tímabili má þjálfari ekki vera á leikvellinum, boðvangi, í búningsherbergjum eða annars staðar þar sem hann getur verið í tengslum við lið sitt, sbr. grein 12.7.,“ segir í kærunni.

Í gær ákvað aga og úrskurðarnefnd að aðhafast ekkert í málinu eftir að Klara Bjartmarz, framkvæmdarstjóri sambandsins bað nefndina um að skoða málið. Taldi hún Arnar ekki hafa gerst brotlegan.

Kröfur
1. Kærandi gerir þessar kröfur:

(i) Aðallega að kæranda verði dæmdur 3-0 sigur í leik hans við kærða sem fram fór í Bestu deilda meistaraflokks karla á Origovellinum að Hlíðarenda í Reykjavík að kvöldi 20. ágúst 2023 og kærða gerð sekt.

(ii) Til vara að leikurinn verði ógiltur og kæranda og kærða gert að endurtaka hann og kærða gerð að greiða sekt.

(iii) Til þrautavara að kærða verði gert að greiða 300.000 kr. sekt.

Smelltu hér til að lesa frétt 433.is
Fyrir leik
Kýldi Hólmar Erling? KSÍ hefur atvik í leik Vals og Víkings til skoðunar en þar virðist Hólmar Örn Eyjólfsson, leikmaður Vals, fara með hönd í andlit Erlings Agnarssonar inn á vítateig Vals.

Hólmar er líklega í byrjunarliði Vals í dag.



Fyrir leik
Síðasti leikur Viðars Ara? Viðar Ari Jónsson samdi við FH fyrir tæpum mánuði á þeim forsendum að hann gæti farið erlendis ef heillandi tilboð kæmi þaðan.

,,Hann hefur möguleikann á því að fara, samningurinn er þess eðlis. Ég hef ekkert heyrt neitt að svo stöddu, en það gæti eitthvað komið upp, gæti komið upp 30. ágúst og við getum ekkert gert í því. Síðast þegar ég talaði við Viðar þá var ekki komið neitt konkrít. Við yrðum mjög glaðir með að halda honum, en ef það kemur upp eitthvað spennandi hjá honum sem hann vill kýla á þá bara gerist það og við dílum bara við það. Við vissum hvað við værum að fara út í þegar við ákváðum að ná í hann," sagði Davíð Þór Viðarsson við Fótbolta.net í vikunni en hann er yfirmaður fótboltamála hjá FH.

,,Við þurfum alltaf að samþykkja skiptin í félagaskiptakerfi FIFA. Hann getur ekki bara hoppað í burtu og farið, við munum alltaf vita af því."

Hann færi þá á frjálsri sölu? ,,Já, við getum ekki krafist peninga fyrir hann, samningurinn er þannig."

Glugginn í Skanindavíu lokar um mánaðamótin.

Fyrir leik
Kjartan í banni Kjartan Henry Finnbogason framherji FH tekur ut leibkann vegna uppsafnaðra áminninga. Hann verður því ekki með FH í þessum leik. Kjartan hefur skorað átta mörk í 17 leikjum í Bestu deildinni.
Mynd: Fótbolti.net - Hafliði Breiðfjörð
Fyrir leik
Sindri glímir við meiðsli Sindri Kristinn Ólafsson, markrvörður FH, meiddist á hendi í síðasta leik, braut líklega tvo fingur og verður ekki með í dag. Daði Freyr Arnarsson verður í markinu hjá FH. Það er spurning hver verður varamarkvörður fyrir hann.
Mynd: Fótbolti.net - Hafliði Breiðfjörð
Fyrir leik
Dómari: Ívar Orri Kristjánsson
Mynd: Fótbolti.net - Hafliði Breiðfjörð

AD1: Birkir Sigurðarson
AD2: Þórður Arnar Árnason
Varadómari: Vilhjálmur Alvar
Eftirlitsmaður KSÍ: Þórður Georg Lárusson
Fyrir leik
Gengi liðanna Valur er ellefu stigum á eftir toppliði Víkings þegar 21 stig er í pottinum. Liðið er þá fjórum stigum á undan Breiðabliki í 3. sætinu. Valur hefur fengið tíu stig út úr síðustu fimm leikjum en ekki unnið í síðustu tveimur. Liðið tapaði 0-4 gegn Víkingi í síðustu umferð.

FH er þremur stigum á eftir Stjörnunni og á leik til góða á liðið sem situr í 4. sæti. 4. sætið gæti gefið Evrópusæti ef Víkingur verður bikarmeistari í næsta mánuði. FH hefur fengið sjö stig úr síðustu fimm leikjum. Liðið gerði 2-2 jafntefli gegn HK í síðustu umferð.
Fyrir leik
Þrenna frá Pedersen? Hans Viktor Guðmundsson, fyrirliði Fjölnis, spáir í leiki umferðarinnar.

FH 0 - 3 Valur
Valsmenn koma sterkir til baka eftir leikinn gegn Víking. Þeir verða með mikla yfirburði í þessum leik og Patrick Pedersen með þrennu.
Mynd: Fótbolti.net - Hafliði Breiðfjörð
Fyrir leik
21. umferð Góðan daginn lesendur góðir og veriði velkomnir í beina textalýsingu frá leik FH og Vals í 21. umferð Bestu deildar karla. Liðin sitja fyrir leikinn í 2. og 5. sæti deildarinnar, FH fjórtán stigum á eftir Val en á leik inni gegn FH.
Mynd: Fótbolti.net - Hafliði Breiðfjörð
Byrjunarlið:
25. Sveinn Sigurður Jóhannesson (m)
2. Birkir Már Sævarsson ('87)
4. Elfar Freyr Helgason
5. Birkir Heimisson
7. Aron Jóhannsson ('77)
9. Patrick Pedersen
10. Kristinn Freyr Sigurðsson ('87)
11. Sigurður Egill Lárusson
12. Tryggvi Hrafn Haraldsson
14. Guðmundur Andri Tryggvason ('73)
15. Hólmar Örn Eyjólfsson (f)

Varamenn:
1. Frederik Schram (m)
3. Hlynur Freyr Karlsson ('87)
17. Lúkas Logi Heimisson ('73)
19. Orri Hrafn Kjartansson ('77)
20. Orri Sigurður Ómarsson
99. Andri Rúnar Bjarnason ('87)

Liðsstjórn:
Arnar Grétarsson (Þ)
Haukur Páll Sigurðsson
Kjartan Sturluson
Halldór Eyþórsson
Einar Óli Þorvarðarson
Jóhann Emil Elíasson
Sigurður Heiðar Höskuldsson
Thomas Danielsen

Gul spjöld:
Birkir Már Sævarsson ('15)
Birkir Heimisson ('38)
Aron Jóhannsson ('68)

Rauð spjöld: