Allt að verða klárt Valsarar í rauðum treyjum og hvítum stuttbuxum. FH í hvítum treyjum með svörtum ermum og svörtum stuttbuxum.

Hellirigning Það hellirignir í Hafnarfirði. Þa ð er alskýjað, vindur og um 13 gráðu hiti. Gæti orðið veisla, gæti orðið þrot, við þurfum bara að sjá til!

Byrjunarlið Vals Arnar Grétarsson, þjálfari Vals, gerir þrjár breytingar frá 0-4 tapinu gegn Víkingi um síðustu helgi. Sveinn Sigurður kemur í markið hjá Val og Frederik Schram tekur sér sæti á bekkinn. Þá taka þeir Hlynur Freyr Karlsson og Orri Hrafn Kjartansson sér sæti á bekknum. Birkir Heimisson og Guðmundur Andri Tryggvason koma inn í liðið. Það vekur athygli að Adam Ægir Pálsson er ekki í leikmannahópi Vals í dag.

Byrjunarlið FH Frá 2-2 jafnteflinu gegn HK gerir Heimir Guðjónsson, þjálfari FH, tvær breytingar.

Kjartan Henry Finnbogason tekur út leikbann og markvörðurinn Sindri Kristinn Ólafsson glímir við meiðsli. Sindri er þó á bekknum í dag en Daði Freyr stendur á milli stanganna. Grétar Snær kemur inn fyrir Kjartan.

Valur búið að kæra Valur hefur lagt fram kæru vegna aðkomu Arnars Gunnlaugssonar, þjálfara Víkings, að leik leik liðsins gegn Val á sunnudag. 433.is greinir frá.

Úr frétt 433.is:
Valur hefur lagt fram formlega kæru til Aga og úrskurðarnefndar KSÍ þar sem þess er krafist að Víkingi verði refsað fyrir þá staðreynd að Arnar Gunnlaugsson hafi stýrt liðinu, úr stúkunni þegar liðið heimsótti Hlíðarenda síðustu helgi. Var kæran lögð fram síðdegis í gær.

Forsagan er sú að Arnar var í leikbanni þegar Víkingur vann 0-4 sigur en telja Valsmenn að hann hafi ekki virt leikbannið, með því að vera í stöðugu símasambandi við varamannabekkinn.

433.is hefur kæruna í sínum höndum. Gerir Valur kröfu um að verða dæmdur 3-0 sigur, til vara að leikurinn verði endurtekinn eða að Víkingur þurfi að greiða sekt.

Arnar Gunnlaugsson tók út leikbann en var í símasambandi við varamannabekk Víkings eins og hann sagði sjálfur frá í viðtali á Stöð2 Sport.

Eru það orð Arnars sem kæra Vals byggir að mestu á en vitnað er í ýmsar reglugerðir hjá KSí og FIFA. Segir meðal annars í 16 lið kærunnar. „Leikbann þjálfara, sem byggir á 12. gr., hefur það í för með sér að þjálfari skal, mæti hann á leikstað, vera meðal áhorfenda frá og með einni klukkustund fyrir leik og þar til dómari hefur flautað til leiksloka. Á þessu tímabili má þjálfari ekki vera á leikvellinum, boðvangi, í búningsherbergjum eða annars staðar þar sem hann getur verið í tengslum við lið sitt, sbr. grein 12.7.,“ segir í kærunni.

Í gær ákvað aga og úrskurðarnefnd að aðhafast ekkert í málinu eftir að Klara Bjartmarz, framkvæmdarstjóri sambandsins bað nefndina um að skoða málið. Taldi hún Arnar ekki hafa gerst brotlegan.

Kröfur
1. Kærandi gerir þessar kröfur:

(i) Aðallega að kæranda verði dæmdur 3-0 sigur í leik hans við kærða sem fram fór í Bestu deilda meistaraflokks karla á Origovellinum að Hlíðarenda í Reykjavík að kvöldi 20. ágúst 2023 og kærða gerð sekt.

(ii) Til vara að leikurinn verði ógiltur og kæranda og kærða gert að endurtaka hann og kærða gerð að greiða sekt.

(iii) Til þrautavara að kærða verði gert að greiða 300.000 kr. sekt.

Smelltu hér til að lesa frétt 433.is

Kýldi Hólmar Erling? KSÍ hefur atvik í leik Vals og Víkings til skoðunar en þar virðist Hólmar Örn Eyjólfsson, leikmaður Vals, fara með hönd í andlit Erlings Agnarssonar inn á vítateig Vals.

Hólmar er líklega í byrjunarliði Vals í dag.

Ef einhver átti ekki skilið að fá einn á lúðurinn þá var það Erlingur Agnarsson ???????? pic.twitter.com/TQoH3dLLDg

— Einar Guðnason (@EinarGudna) August 23, 2023

Síðasti leikur Viðars Ara? Viðar Ari Jónsson samdi við FH fyrir tæpum mánuði á þeim forsendum að hann gæti farið erlendis ef heillandi tilboð kæmi þaðan.

,,Hann hefur möguleikann á því að fara, samningurinn er þess eðlis. Ég hef ekkert heyrt neitt að svo stöddu, en það gæti eitthvað komið upp, gæti komið upp 30. ágúst og við getum ekkert gert í því. Síðast þegar ég talaði við Viðar þá var ekki komið neitt konkrít. Við yrðum mjög glaðir með að halda honum, en ef það kemur upp eitthvað spennandi hjá honum sem hann vill kýla á þá bara gerist það og við dílum bara við það. Við vissum hvað við værum að fara út í þegar við ákváðum að ná í hann," sagði Davíð Þór Viðarsson við Fótbolta.net í vikunni en hann er yfirmaður fótboltamála hjá FH.

,,Við þurfum alltaf að samþykkja skiptin í félagaskiptakerfi FIFA. Hann getur ekki bara hoppað í burtu og farið, við munum alltaf vita af því."

Hann færi þá á frjálsri sölu? ,,Já, við getum ekki krafist peninga fyrir hann, samningurinn er þannig."

Glugginn í Skanindavíu lokar um mánaðamótin.

Viðar Ari Jónsson er með samningstilboð á borðinu frá bæði HamKam???????? og Halmstad ????????. Önnur lið í skandinavíu hafa einnig sýnt áhuga á að fá hann í sínar raðir.
Viðar mun taka ákvörðun um hvert hann fer eftir helgi og spilar því líklega sinn síðasta leik með FH i dag. #fotboltinet pic.twitter.com/MEvuVsc4t8

— Orri Rafn Sigurdarson (@OrriRafn) August 26, 2023

Kjartan í banni Kjartan Henry Finnbogason framherji FH tekur ut leibkann vegna uppsafnaðra áminninga. Hann verður því ekki með FH í þessum leik. Kjartan hefur skorað átta mörk í 17 leikjum í Bestu deildinni.

Sindri glímir við meiðsli Sindri Kristinn Ólafsson, markrvörður FH, meiddist á hendi í síðasta leik, braut líklega tvo fingur og verður ekki með í dag. Daði Freyr Arnarsson verður í markinu hjá FH. Það er spurning hver verður varamarkvörður fyrir hann.

Dómari: Ívar Orri Kristjánsson
AD1: Birkir Sigurðarson
AD2: Þórður Arnar Árnason
Varadómari: Vilhjálmur Alvar
Eftirlitsmaður KSÍ: Þórður Georg Lárusson

Gengi liðanna Valur er ellefu stigum á eftir toppliði Víkings þegar 21 stig er í pottinum. Liðið er þá fjórum stigum á undan Breiðabliki í 3. sætinu. Valur hefur fengið tíu stig út úr síðustu fimm leikjum en ekki unnið í síðustu tveimur. Liðið tapaði 0-4 gegn Víkingi í síðustu umferð.

FH er þremur stigum á eftir Stjörnunni og á leik til góða á liðið sem situr í 4. sæti. 4. sætið gæti gefið Evrópusæti ef Víkingur verður bikarmeistari í næsta mánuði. FH hefur fengið sjö stig úr síðustu fimm leikjum. Liðið gerði 2-2 jafntefli gegn HK í síðustu umferð.

Þrenna frá Pedersen? Hans Viktor Guðmundsson, fyrirliði Fjölnis, spáir í leiki umferðarinnar.

FH 0 - 3 Valur
Valsmenn koma sterkir til baka eftir leikinn gegn Víking. Þeir verða með mikla yfirburði í þessum leik og Patrick Pedersen með þrennu.

21. umferð Góðan daginn lesendur góðir og veriði velkomnir í beina textalýsingu frá leik FH og Vals í 21. umferð Bestu deildar karla. Liðin sitja fyrir leikinn í 2. og 5. sæti deildarinnar, FH fjórtán stigum á eftir Val en á leik inni gegn FH.