Allt að skella á! 13:57 Liðin ganga nú út á völlinn. Valur spilar í dag í rauðum treyjum og sokkum en hvítum buxum eins og vanalega. HK er í albláum búningum með hvítri og rauðri rönd.

13:53 Allt að verða klárt. Einar vallarþulur er byrjaður að telja upp byrjunarliðin fyrir þá áhorfendur sem eru mættir og fólk er stöðugt að bætast við.

13:47 Upphitun að ljúka, liðin byrjuð að týnast inn í klefa til að hlusta á lokaræður þjálfaranna.

13:22 Leikmenn beggja liða eru mættir út í upphitun og reyna að smeigja sér milli vatnsúðaranna sem sprauta vatni á völlinn látlaust.

Veðurathugun 13:20 Það er mikill vindur á Origo-vellinum í dag, veðurstofan segir 10 metrar á sekúndu en maður upplifir að það sé enn meira. 10 stiga hiti og úrkomulaust hinsvegar svo um að gera að skella sér á völlinn. Markmenn Vals eru mættir í upphitun með Kjartani Sturlusyni og Eíríkur Jónsson ljósmyndari röltir um svæðið vopnaður myndavél og myndar helstu menn, byrjar á markvörðum HK sem eru á leið í upphitun..

Byrjunarliðin - Hlynur í stað Hólmars og Adam í hóp - Søjberg veikur Arnar Grétarsson þjálfari Vals gerir eina breytingu á 3 - 2 tapinu gegn FH í Kaplakrika í síðustu umferð. Hólmar Örn Eyjólfsson er í leikbanni vegna myndbandsupptökudóms úr leik Vals og Víkings þar sem hann fékk eins leiks bann fyrir að slá frá sér. Hlynur Freyr Karlsson tekur stöðu hans. Þá er Sveinn Sigurður Jóhannesson enn í marki Vals því Frederik Schram er meiddur á hægri ökkla. Adam Ægir Pálsson snýr aftur í leikmannahópinn eftir að hafa verið utan hóps gegn FH.

Ómar Ingi Guðmundsson þjálfari HK gerir þrjár breytingar frá 2 - 2 jafntefli við ÍBV í Kórnum í síðustu umferð. Leifur Andri Leifsson er meiddur og Anton Søjberg er veikur og ekki með í dag, þá sest Hassan Jalloh á bekkinn. Í þeirra stað koma Sigurbergur Áki Jörundsson, Ívar Örn Jónsson og Marciano Aziz.

Dómari: Pétur Guðmundsson

Aðstoðardómarar: Bryngeir Valdimarsson og Bergur Daði Ágústsson.
Varadómari: Gunnar Freyr Róbertsson.

Eftirlitsmaður: Viðar Helgason.

Sjáðu það helsta úr fyrri viðureign liðanna

Fyrri leikurinn Liðin mættust í 11. umferðinni í Kórnum 11. júní síðastliðinn.

Þá leik lauknum með 0-5 sigri Vals. Patrick Pedersen og Tryggvi Hrafn Haraldsson skoruðu báðir tvö mörk og Aron Jóhannsson eitt.

HK 0 - 5 Valur
0-1 Tryggvi Hrafn Haraldsson ('19)
0-2 Aron Jóhannsson ('52)
0-3 Tryggvi Hrafn Haraldsson ('58)
0-4 Patrick Pedersen ('60)
0-5 Patrick Pedersen ('72)
Lestu um leikinn

Staðan Þetta er síðasti leikurinn í 22 leikja móti, eftir daginn í dag mun mótið skiptast í efri og neðri hluta.

Stigin fylgja áfram en þegar er ljóst að Valur mun verða í efri hlutanum og HK í þeim neðri.

Valur er í 2. sæti með 42 stig en sigur í dag væri nauðsynlegur ætli liðið að reyna að keppa við Víkinga um Íslandsmeistaratititlinn. Tap eða jafntefli myndi þýða að Víkingur verði Íslandsmeistari með sigri á Fram á sama tíma.

HK er í hlutlausum gír í neðri hlutanum, eru með 8 stig í 8. sætinu og verða væntanlega áfram í því sæti eftir daginn í dag.

Staðan
1. Víkingur - 56 stig
2. Valur - 42
3. Breiðablik - 38
4. Stjarnan - 31
5. FH - 31
6. KR - 31
7. KA - 28
8. HK - 25
9. Fylkir - 20
10. Fram - 19
11. ÍBV - 18
12. Keflavík - 12

Leikdagur á Hlíðarenda Góðan daginn og verið velkomin í beina textalýsingu frá Origo-vellinum að Hlíðarenda.

Hér mætast Valur og HK í lokaumferð Bestu-deildar karla klukkan 14:00.