Tíu mínútur til leiks
Liðin að ljúka upphitun hér í vindinum í Úlfarsárdal, það er ekkert sérstaklega hlýtt á vellinum svo það er vissara að vera með úlpuna meðferðis.

Helgi Guðjónsson fremstur gegn uppeldisfélaginu
Hjá Víkingum fer Nikolaj Hansen á bekkinn ásamt þeim Matthíasi Vilhjálmssyni, Danijel Djuric og Davíð Atlasyni. Inn í þeirra stað koma Helgi Guðjónsson, Halldór Smári Sigurðsson, Karl Friðleifur Gunnarsson og Viktor Örlygur Andrason.

Hjá Fram er Brynjar Gauti Guðjónsson fjarri góðu gamni sem og Tiago Fernandez og Adam Örn Arnarson. Inn í þeirra stað koma Orri Sigurjónsson, Jannik Pohl og Már Ægisson.

Tríóíð
Guðgeir Einarsson er með flautuna í leiknum, honum til aðstoðar eru Egill Guðvarður Guðlaugsson og Rúna Kristín Stefánsdóttir. Þórður Þorsteinn Þórðarson er fjórði dómari og Eftirlitsmaður KSÍ er Frosti Viðar Gunnarsson

Fyrri leikur liðanna
Liðin mættust í Víkinni þann 11.júní síðastliðinn. Þar má segja að að Víkingar hafi klárað leikinn á fimmtán mínútna kafla í fyrri hálfleik. Erlingur Agnarsson, Danijel Dejan Djuric og Birnir Snær Ingason gerðu þar mörk Víkinga. Fred Saraiva minnkaði muninn.

Verða Víkingar meistarar í dag?
Það er vel raunhæfur möguleiki að Víkingar tryggji sér Íslandsmeistaratitilinn í dag. Vinni þeir leik sinn gegn Fram og taki HK stig gegn Val er titilinn klár í Fossvoginn. (Óstaðfest) reyndar í þetta sinn þar sem Víkingar þurfa að bíða niðurstöðu í margfrægri kæru Vals á hendur þeim fyrir símtal Arnars Gunnlaugssonar í 4-0 sigri Víkinga á Val á dögunum þar sem Arnar tók út leikbann.

Fram
Heimamenn í Fram eru í ögn annari stöðu en Víkingar nú þegar mótinu verður skipt. Nítján stig í tíunda sæti er hlutskipti þeirra sem stendur og stefnir liðið í harða fallbaráttu í neðrl hluta deildarinnar.

Vandamál Fram að stórum hluta þessa móts hefur verið varnarleikur. Liðið hefur verið að skora talsvert af mörkum en hafa að sama skapi verið hriplekir til baka. Vörnin hefur þó aðeins verið að þéttast að undanförnu en það er spurning hvort það dugi til þegar andstæðingurinn er liðið sem skorað hefur langmest í deildinni.

Víkingur
Fátt virðist geta komið í veg fyrir það að Víkingar verði Íslandsmeistarar þetta árið. Fjórtan stiga foyrsta á toppi deildarinnar þegar aðeins sex leikir eru eftir af mótinu gefur það nokkuð sterkt til kynna.

Allir leikmenn liðsins því sem næst hafa skilað góðu framlagi til liðsins og lykilmenn fundið sína fjöl eftir að ýmsu leyti vonbrigða tímabil í fyrra. Nikolaj Hansen er kominn með ellefu mörk eftir að hafa verið í basli með meiðsli í fyrra. Þá hefur Birnir Snær Ingason heldur betur sprungið út og er kappinn sá að eiga sitt besta tímabil í efstu deild að margra mati. Þá skal ekki gleyma lottóvinningnum Gunnari Vatnhamar sem liðið sótti rétt fyrir mót en Færeyski landsliðsmaðurinn hefur smollið eins og flís við rass við þetta Víkingslið og verið gríðarlega mikilvægur hlekkur í varnarleik og uppspili liðsins.

Hefðbundinni deildarkeppni Bestu deildarinnar lýkur.
Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Fram og Víkings í 22.umferð Bestu deildar karla.