Góðan og margblessaðan daginn! Framundan er leikur Leiknis og Selfoss í 1. deild karla og verður hann í beinni textalýsingu hjá okkur.

Grasvöllur Leiknismanna er enn ekki tilbúinn og því leikið á gervigrasi. Breiðhyltingar vona þó að þetta sé síðasti leikur þeirra í sumar á þeim velli og aðalvöllurinn verði notaður í næsta heimaleik.

Leiknismenn tróna á toppi deildarinnar með 13 stig að loknum fimm umferðum. Það sem meira er þá hefur Eyjólfur Tómasson markvörður haldið marki sínu hreinu í öllum leikjunum! Selfoss er í sjöunda sæti með sjö stig.

Freyr Alexandersson er ekki að stýra Leikni í dag þar sem hann er erlendis með kvennalandsliðið. Leiknismenn eru með tvo aðalþjálfara svo Davíð Snorri Jónasson heldur einn um stjórnartaumana í dag.

Afskaplega rólegur leikur til að byrja með.

Hægur fótbolti í gangi, tempóið lítið. Skásta færið hingað til fékk Hilmar Árni Halldórsson en hann fór illa að ráði sínu, skaut frekar utanfótar með hægri í stað þess að skjóta með vinstri.

Gaman að segja frá því að Selfoss er í varabúningi sínum. Einn harður Leiknismaður mætti með ungum syni sínum á völlinn en strákurinn er i argentínska búningnum sem svipar mjög til þess sem Selfoss er í... hann er búinn að láta strákinn fá peysu til að fara í yfir!

Leiknir með ágætis spilamennsku. Boltinn á Vigfús Arnar vinstra megin sem tók fyrirgjöf sem Vignir greip auðveldlega. Sóknin þó fín og um að gera að blæða í færslu þar sem afskaplega lítið er í gangi.

ROSALEGT SKOT! Þorsteinn Daníel Þorsteinsson lét vaða vel fyrir utan teig og náði frábæru skoti sem Eyjólfur Tómasson varði með tilþrifum í horn.

Góðmennt hér á svölunum þar sem textalýsingin fer fram. Gunnar Einarsson, fyrrum leikmaður og þjálfari Leiknis, að mæta. Hér má einnig finna Magnús Má Einarsson sem tekur út leikbann eftir frægt rautt spjald á Akureyri síðasta mánudag.

Selfoss í stórhættulegri sókn. Haukur Ingi kominn inn í teiginn og reyndi sendingu, hefði frekar átt að skjóta. Virkaði óöruggur.

ÞVÍLÍKT FÆRI HJÁ LEIKNI! Sindri Björnsson með skalla á fjærstöng eftir horn en vel varið hjá Vigni. Annað horn. Ekkert kom út úr því.

Styttist í hálfleik. Vantar mun meira bit hjá báðum liðum fram á við.

Hálfleikur - Markalaust í hálfleik í bragðdaufum fótboltaleik.

Stórhættuleg sókn Leiknis en fyrsta snertingin hjá Vigfúsi í teignum klikkaði. Sindri átti skot í varnarmann og horn.

Mikil hætta upp við mark Selfoss eftir horn. Sindri náði skalla en Vignir markvörður handsamaði knöttinn.

DAUÐAFÆRI! Haukur Ingi með skot sem Eyjólfur varði, Svavar Berg náði frákastinu en skotið var ansi slappt og hitti ekki markið. Besta færi leiksins hingað til.

Selfyssingar að stjórna leiknum þessa stundina. Eru að ná að halda boltanum betur.

DAUÐAFÆRI HJÁ LEIKNI! Kristján Páll Jónsson fékk frábæra sendingu og var einn á móti Vigni sem varði frábærlega! Afgreiðslan hjá Kristjáni samt alls ekki góð...

Lítið gerst eftir markið. Leiknismenn virðast hafa þokkaleg tök á þessu núna.

Mikil barátta í gangi þar sem bæði lið leita að sigurmarki leiksins... sérstaklega heimamenn.

Uppbótartími framundan!

Leiknir fékk aukaspyrnu á stórhættulegum stað í lokin en Hilmar Árni átti slaka spyrnu yfir.