SKÝRSLAN: Pepsi hafði betur gegn Inkasso - Valur í úrslit
Hvað réði úrslitum?
Selfyssingar byrjuðu leikinn mun betur og áttu nokkur góð færi á fyrstu 20 mínútunum. Eftir það fóru Valsmenn hægt og rólega að taka völdin á leiknum. Selfyssingar héldu þó áfram að berjast en þegar öllu er á botninn hvolft var þetta Pepsideildarlið að mæta liði úr Inkasso-deildinni.
Bestu leikmenn
1. Orri Sigurður Ómarsson
Algjörlega frábær frammistaða hjá kauða. Virðist sem hann hafi ekkert saknað Rasmus. Magnaður í loftinu, góðar sendingar og virðist vera með ágætis leiðtogahæfileika. Átti stóran þátt í seinna marki Vals í leiknum sem kláraði dæmið.
2. Kristinn Freyr Sigurðsson
Kristinn Freyr í holunni í dag. Var duglegur að fá boltann og keyra fram á við og finna kantmennina. Skoraði fyrsta mark Vals beint úr aukaspyrnu. Augnakonfekt. Ivan Martinez Gutierrez gerir líka tilkall en hann var frábær hjá Selfyssingum í dag.
Atvikið
Markið sem Selfyssingar skora þegar einungis ein mínúta er eftir af leiknum. Þá fyrst lifnar við stuðningsmönnum Selfoss sem höfðu gjörsamlega þagað allan leikinn. Eftir þetta mark fengu Selfyssingar 2-3 góð færi til þess að jafna leikinn, tókst ekki.
Hvað þýða úrslitin?
Valsmenn komnir í úrslit Borgunarbikarsins og það 2. árið í röð og freista þess nú að halda bikarnum á Hlíðarenda. Selfyssingar geta gengið sáttir frá þessu bikarævintýri.
Vondur dagur
Hefði viljað heyra miklu meira í stuðningsmönnum Selfoss í kvöld. Stór dagur fyrir klúbbinn en það var lítið að frétta í stúkunni. Fín mæting þó.
Dómarinn - 9
Einn af okkar allra bestu dómurum og hann stóð svo sannarlega undir því í kvöld.