Komið þið sæl og verið velkomin í beina textalýsingu frá leik Vals og Selfoss í Pepsi-deild karla. Bæði þessi lið unnu leiki sína í fyrstu umferð. Valur vann sigur á Fram 1-0 á Laugardalsvelli en Selfoss vann 2-1 sigur á heimavelli sínum gegn ÍBV.

Það verður gaman að sjá hvað tónlistarmaðurinn Ingólfur Þórarinsson gerir í kvöld en hann átti gríðarlega góðan leik í 1. umferð og var valinn leikmaður umferðarinnar hér á Fótbolta.net.

Fasteignasalinn Guðmundur Ársæll Guðmundsson er dómari í kvöld. Heyrði einhverstaðar að hann væri hættur í fasteignasölunni en hann heldur samt titlinum. Frosti Viðar Gunnarsson og Haukur Erlingsson sjá um að flagga leikinn.

Haukur Páll Sigurðsson á við meiðsli að stríða og ljóst er að hann er ekki í byrjunarliði Vals í kvöld. Slæmt fyrir liðið að vera án hans. Hafsteinn Briem kemur inn í liðið í hans stað. Þá er Hörður Sveinsson í byrjunarliðinu í stað Matthíasar Guðmundssonar.

Byrjunarlið beggja liða eru komin og má skoða hér til hliðar.

Fyrir þau ykkar sem höfðu áhyggjur.. Geir Ólafs álitsgjafi og toppmaður er mættur í VIP-pið. Sat hress í sófanum þegar fréttamaður gekk framhjá. Sumarið er tíminn.

Selfyssingar eru að frumsýna nýja búninga í kvöld! Þeir eru í Argentínubúningnum. Það gefur þessum leik aukið vægi.

Valsmenn léttir í lund ómar í hátalarakerfinu meðan liðin ganga út á völlinn.

Leikurinn er hafinn. Valsmenn byrjuðu með boltann en þeir sækja í átt að Keiluhöllinni.

Skjálftamenn voru að mæta á völlinn. Mættu aðeins of seint og misstu af fyrsta markinu. Þeir gráta það væntanlega ekki. Skjálfti er samt vaknaður og við gleðjumst yfir því.

Hörður Sveins skoraði aðeins eitt mark í fyrra... er þegar búinn að jafna það. Er sumarið hans framundan?

Vörn Selyssinga óörugg hér í byrjun og nötrar allt þegar Valsmenn nálgast markið.

Jæja, Selfyssingar með ágætis sókn. Ivar Skjerve með skot sem fór í varnarmann og svo átti Babacar Sarr skot sem fór langt framhjá. Þrátt fyrir að Valur sé að vinna þá er miklu meiri stemning Selfoss-megin í stúkunni og Skjálftamenn sungið stanslaust síðan þeir mættu.

Selfoss í dauðafæri! Jon Andre tók aukaspyrnu frá hægri og fyrirliðinn Stefán Ragnar Guðlaugsson var einn og yfirgefinn, sneiddi boltann rétt framhjá markinu!

King Gaupi er mættur í blaðamannastúkuna. Tómas Meyer segir honum sögur af því þegar hann reif upp gítarinn í dag og tók lagið fyrir 70 vinnufélaga sína.

King Gaupi er mættur í blaðamannastúkuna. Tómas Meyer segir honum sögur af því þegar hann reif upp gítarinn í dag og tók lagið fyrir 70 vinnufélaga sína.

Selfyssingar verið mun meira með boltann síðustu mínútur en eru ekki að ná að ógna gegn vel skipulögðu og þéttu Valsliði.

Flautað hefur verið til hálfleiks. Valur átti hættuleg færi undir lok hálfleiksins. Rúnar Már Sigurjónsson átti stórhættulegt skot eftir aukaspyrnu sem markvörður gestana varði naumlega. 1-0 fyrir Val.

Seinni hálfleikur er hafinn.

Selfoss í flottu færi, Babacar Sarr með sendingu inn á Ndiaye en Sindri Snær bjargaði með úthlaupi.

Jón Daði með hörkutilþrif, lék á varnarmenn Vals og skaut í slánna!

Athugið! Það vantar nokkrar skiptingar í þessa textalýsingu. Kerfið er að hiksta vegna álags. Skiptingarnar verða settar inn eftir leik.

LEIK LOKIÐ Áhorfendur: 1.527