Góðan daginn! Verið velkomin á Stjörnuvöllinn í blíðskaparveðri, þótt kalt sé. Hér á eftir fer fram leikur Stjörnunnar og Fylkis í Pepsi deild karla. Þetta verður án efa stórskemmtilegur leikur á nýju gervigrasi þeirra bláklæddu og menn hafa verið að spá þessum leik sem markasúpu. Vonandi rætist það.

Byrjunarliðin eru komin inn hér til hliðanna. Athygli vekur að Mads Laudrup, bróðir hins víðfræga Michael, er í byrjunarliði Stjörnumanna en hjá Fylki er enginn Kristján Valdimarsson en hann er frá vegna meiðsla.

Vallarþulur Stjörnunnar er án efa með þeim skemmtilegri í bransanum. Hann skýtur hér föstum skotum í aðdraganda leiksins: \"Við erum ennþá að bíða eftir stuðningsmönnum Fylkis til þess að leikurinn geti hafist\" Hér verður eitthvað fjör.

Stjörnumenn gerðu góða ferð í Frostaskjólið í síðustu umferð þar sem unnu upp tveggja marka forystu KR og náðu jafntefli. Fylkismenn gerðu slíkt hið sama á sínum heimavelli og náðu 1-1 jafntefli við lið Keflavíkur. Liðin eru því jöfn að stigum fyrir þessa umferð. Við minnum jafnframt spennta áhorfendur þessa leiks á að nota #fotbolti þegar tíst er um leikinn.

Leikmenn ganga hér út á nýtt gervigras þeirra Stjörnumanna. Bjarni Þórður færir hér Stjörnunni blómvönd í tilefni fyrsta leiks.

Leikurinn er hafinn og Stjörnumenn sækja í átt að Hafnarfirði en Fylkismenn snúa rasssinum að IKEA.

Leikurinn byrjar afar rólega. Stjörnumenn eru meira með boltann en Fylkismenn verjast aftarlega. Mads Laudrup hefur mikið verið í boltanum og virkar sprækur.

Tómas Þorsteinsson spilar í dag á vinstri kanti og hefur átt tvo fína spretti. Hann var að fiska aukaspyrnu eftir að hafa komist framhjá tveimur Stjörnumönnum.

Fyrsta skot leiksins hefur litið dagsins ljós. Það átti Mads Laudrup eftir að Halldór Orri Björnsson átti fínan sprett.

Baldvin Sturluson í dauðafæri! Eftir aukaspyrnu barst boltinn út í miðjan teiginn þar sem Baldvin var einn og óvaldaður en skaut framhjá á ótrúlegan hátt. Strax eftir það komst Jóhann Þórhallsson í ákjósanlegt færi en skaut beint á Ingvar Jónsson sem greip boltann.

Aftur fær Mads Laudrup ágætis skot færi fyrir utan teig Fylkismanna en skaut yfir í annað sinn. Hann fékk reyndar óblíðar móttökur frá Ásgeiri Eyþórssyni sem tæklaði ansi harkalega.

Aftur fær Mads Laudrup ágætis skot færi fyrir utan teig Fylkismanna en skaut yfir í annað sinn. Hann fékk reyndar óblíðar móttökur frá Ásgeiri Eyþórssyni sem tæklaði ansi harkalega.

Magnús Þórir Matthíasson komst hér aleinn inn fyrir vörn Stjörnunnar og lék laglega á Ingvar Jónsson en skotið var laust og Daníel Laxdal kom boltanum í horn. Upp úr horninu átti David Elebert alveg frían skalla en á ótrúlega hátt fór boltinn ekki á markið. Fjörugar mínútur þessa stundina.

Tómas Þorsteinsson skildi Halldór Orra eftir og átti flottan sprett upp allan völlinn en Mads Laudrup kom boltanum frá eftir fyrirgjöfina. Vel gert hjá báðum leikmönnum.

Fylkismenn eru æfir út í Garðar Örn Hinriksson fyrir að dæma ekki víti eftir að Jóhann Þórhallsson féll við í teignum. Það er mat fréttamanna sem hér voru að þetta hafi væntanlega átt að vera víti.

Þá flautar Garðar Örn til hálfleiks. Leikurinn verið kaflaskiptur þar sem mest hefur mætt á miðjumönnum liðanna. Mads Laudrup virkar sprækur og Tómas Þorsteinsson einnig. Verður vonandi spennandi seinni hálfleikur héðan.

Leikurinn hafinn að nýju.

Eins og fyrri hálfleikur, þá hefur sá seinni farið afar rólega af stað. Við bíðum enn eftir fyrsta skotinu eða fyrsta færinu.

Jóhann Þórhallsson var í fínu skotfæri en tókst ekki að trufla Ingvar Jónsson við sólbað. Allt með kyrrum kjörum ennþá.

Tómas Þorsteinsson er með mikinn krampa út við hliðarlínu og Ásgeir Börkur er fljótur til hans og teygir á honum. Samvinna í fyrirrúmi hjá Fylki.

Davíð Þór Ásbjörnsson með fínan skalla eftir hornspyrnu en framhjá fór boltinn.

Garðar Jóhannsson var hér dæmdur rangstæður en það er afar umdeildur dómur. Halldór Orri átti fína sendingu inn fyrir vörn Fylkismanna.

Henrik Bödker aðstoðarþjálfari Stjörnunnar fær hér að líta rauða spjaldið og er rekinn upp í stúki, alveg brjálaður.

Stjörnumenn vilja fá annað víti dæmt eftir að Tryggvi Sveinn féll við í teignum eftir viðskipti við David Elebert en Garðar Örn dæmdi ekkert.