Komið þið sæl og blessuð og verið hjartanlega velkomin í beina textalýsingu frá Vestmannaeyjum. Í dag eigast við ÍBV og Keflavík á Hásteinsvellinum í 16.umferð Pepsi-deildarinnar karla. Við minnum lesendur og einnig áhorfendur á vellinum að nota hashtagið #fotbolti ef þið eruð að twitta um leikinn.

Liðin eru byrjuð að hita upp. Múskin er farin að hljóma og menn að undirbúa sig fyrir átökin.

Heimir Hallgrímsson gerir tvær breytingar á Eyjaliðinu frá 2-1 sigri liðsins gegn Breiðablik í síðustu umferð. Brynjar Gauti og Arnór Eyvar koma inn í byrjunarliðið fyrir Guðmund Þórarinsson sem fær sér sæti á bekknum og Kelvin Mellor sem er farinn aftur til síns heimalands, Englands.

Willum Þór gerir einnig tvær breytingar á byrjunarliði sínu frá 2-1 tapi Keflavíkur gegn Grindavík í síðustu umferð. Haraldur Freyr fyrirliði Keflvíkinga er í banni og Magnús Sverrir Þorteinsson fer á bekkinn. Adam Larsson og Einar Orri Einarsson koma inn í byrjunarliðið.

Liðin eru farin af vellinum og inn í búningsklefa. Undirritaður hefur nú farið á þónokkra heimaleiki hjá ÍBV í sumar og ég er ekki frá því að aldrei hafi verið fleiri áhorfendur frá gestaliðinu eins og í dag. Nokkuð skondið þar sem Keflvíkingar sitja í 7.sæti deildarinnar og hafa lítið um að keppa, annað en stoltið.

Leikurinn er hafinn. Keflvíkingar sækja að golfvellinum, fyrir þá sem vita hvar hann er staðsettur í Eyjum.

Rasmus Christiansen átti bakfallsspyrnu eftir að Ómar Jóhannsson hafi slegið boltann út í teiginn eftir hornspyrnu. Keflvíkingar björguðu hinsvegar nokkuð rólega á línu. Engin stórhætta.

Tonny Mawejje á hörkuskot í hliðarnetið. Willum Þór þjálfari Keflvíkinga ekki ánægður með varnarvinnu Viktors Smára Hafteinssonar. Leikurinn í járnum.

Hilmar Geir Eiðsson vinstri kantmaður Keflavíkur var sloppinn í gegn en var síðan dæmdur rangstæður. Ómögulegt að dæma um hversu langt hann var innfyrir vörnina. En eitt er víst að þetta var virkilega tæpt.

Heimir er óhræddur að breyta leikskipulaginu hjá ÍBV. Andri Ólafsson byrjaði fremstur hjá ÍBV en er núna kominn í miðvörðinn. Brynjar Gauti fer á miðjuna úr vörninni og Þórarinn Ingi færir sig ofar á völlinn.

Magnús Þórir Matthíasson var sloppinn einn í gegn á móti Alberti Sævarssyni sem sá við honum og varði með fótunum. Tonny Mewejje hefur átt tvær vafasamar sendingar á stuttum tíma og til að mynda átti hann slaka sendingu sem olli því að Magnús Þórir slapp í gegn.

Keflvíkingar vildu fá dæmda vítaspyrnu þegar boltinn fór í hendurnar á Brynjari Gauta inn í vítateig eftir lélega aukaspyrnu frá Keflavík. Sóknin endaði síðan með föstu skoti frá Einari Orra beint á Albert Sævarsson.

Hálfleikur hér í Eyjum. Heimamenn yfir 1-0 eftir að Brynjar Gauti Guðjónsson skoraði mark ÍBV. Leikurinn er í algjöru jafnvægi og hljóta Keflvíkingar að vera svekktir yfir því að vera undir í hálfleik.

Leikurinn afar rólegur þessa stundina. ÍBV þurfa hinsvegar að fara sækja meira ætli þeir sér sigur. Nema fyrri hálfleikurinn endurtaki sig... Heimir er að undirbúa tvöfalda skiptingu.

Eyjamenn áttu rétt í þessu tvö hættulegfæri. Fyrst komst Tryggvi einn gegn Ómari en Ómar sá við Tryggva í frekar þröngufæri. Hálfri mínútu síðar eða svo var síðan Þórarinn Ingi í ákjósanlegufæri en hann hitti boltann illa.

Þórarinn Ingi átti ágæta fyrirgjöf á nærstöngina þar sem Ian Jeffs renndi sér í átt að boltanum en náði ekki til boltans og Ómar var næsti maður og greip sendinguna.

Leiknum er lokið. 2-1 sigur ÍBV staðreynd.