SKÝRSLAN: Valsmenn tryggðu titilinn með stæl
Hvað réði úrslitum?
Valsmenn mættu gífurlega grimmir til leiks og kláruðu leikinn á fyrstu tuttugu mínútunum með þremur mörkum. Sigur Vals hefði getað verið stærri en liðið stjórnaði leiknum frá A til Ö.
Bestu leikmenn
1. Kristinn Freyr Sigurðsson - Valur
Öflugur í sóknarleiknum í dag. Átti þátt í tveimur af mörkunum.
2. Haukur Páll Sigurðsson - Valur
Fyrirliðinn leiddi lið Vals áfram af fagmennsku í dag. Skoraði annað markið eftir hornspyrnu.
Atvikið
Fyrsta mark Vals kom eftir glæsilegt samspil þar sem Bjarni Ólafur Eiríksson var í aðalhlutverki. Eftir það var aldrei spurning hvort liðið myndi fara með sigur af hólmi.
Hvað þýða úrslitin?
Valsmenn eru Íslandsmeistarar árið 2018 (Staðfest)
Vondur dagur
Aron Kári Aðalsteinsson, varnarmaður Keflvíkinga, skoraði sjálfsmark og fór meiddur af velli í síðari hálfleik. Erfiður leikur.
Dómarinn - 8.5
Vilhjálmur Alvar kórónaði fínt sumar hjá sér með góðri frammistöðu í dag.



