Komiði sæl og verið velkomin í beina textalýsingu frá leik Fram og Hauka í Borgunarbikar karla. Leikurinn hefst klukkan 19:15.

Fram leikur í Pepsi-deildinni eins og flestum er kunnugt en Haukar eru í 1. deildinni. Ólafur Jóhannesson þjálfar lið Hauka en þetta er hans fyrsti leikur á Laugardalsvelinum síðan hann hætti með íslenska landsliðið.

Framarar gera eina breytingu á sínu liði frá tapleik gegn KR. Orri Gunnarsson kemur inn í byrjunarliðið í stað Kristins Inga Halldórssonar sem skoraði mark Fram í leiknum gegn KR.

Ólafur Jóhannesson gerir þrjár breytingar á Haukaliðinu frá jafntefli gegn Þrótti R. í síðustu umferð. Sigurbjörn Örn Hreiðarsson er meiddur og verður því aðstoðarþjálfari í kvöld, Aron Freyr Eiríksson og Enok Eiðsson eru síðan á bekknum. Anton Bjarnason, Magnús Páll Gunnarsson og Hróar Sigurðsson koma inn í byrjunarliðið í þeirra stað.

Fram og Haukar mættust í Visa-bikar karla árið 2007 á gervigras-vellinum að Ásvöllum. Þá léku Framarar í efstu deild en Haukar í 2.deildinni. Sá leikur endaði 1-1 og fór því í framlengingu, bæði lið skoruðu sitt markið hvort í framlengingunni og því þurfti að grípa til vítaspyrnukeppni. Þar fór Amir Mehica markvörður Hauka á kostum og tryggði Haukum sigur. Igor Pesic og og Alexander Steen skoruðu mörk Fram á meðan Goran Lukic og Ásgeir Þór Ingólfsson skoruðu mörk Hauka.

Liðin eru byrjuð að hita upp sem og dómararnir.

Liðin eru að ganga inn í búningsklefana og gera sig tilbúin fyrir leikinn.

Liðin eru rétt í þessu að ganga inn á völlinn. Leikurinn fer að byrja.

Leikurinn er hafinn. Haukar sækja að Laugardalslauginni.

Á meðan leikurinn er í rólegri kantinum er hægt að fræða ykkur lesendur góðir að því, þetta er fyrsti leikur Fram í bikarnum á meðan Haukar unnu Snæfel í fyrstu umferð, 31-0. Það er því nokkuð ljóst að Haukar fara líklega ekki með mínus markatölu útúr þessari bikarkeppni.

Haukar eiga fyrsta færi leiksins. Viktor Smári Segatta sendi góða sendingu innfyrir vörn Fram, Aron Jóhannsson tók gott hlaup og lék á Ögmund í markinu, en snerting hans á boltanum fór örlítið til hliðar, og þegar hann náði skoti að marki þá var varnarmaður Fram kominn til varnar og renndi sér fyrir boltann, og boltinn í horn. Ekkert varð úr horninu.

Virkilega tíðinda lítið hér fyrstu 27 mínútur leiksins...

Samuel Hewson átti hér fyrsta alvöru skotið sem Daði Lárusson þurfti að hafa fyrir að verja. Framarar tóku innkast á miðjum vallarhelmingi Hauka, sem Haukarnir virtust eiga að fá, Framarnir voru fljótir að taka það, Samuel Hewsson geystist upp völlinn og inn í teig, lét síðan vaða á markið en Daði varði.

Sókn Framara er farin að þyngjast. Komast þeir yfir fyrir hálfleik?

Hálfleikur. Bragðdaufur fyrri hálfleikur er lokið. Hvorugt liðana hafa náð að skapa sér afgerandi færi.

Seinni hálfleikurinn er hafinn. Engar breytingar á liðunum í hálfleik.

Framarar mun meira með boltann en ná ekki að skapa sér neitt. Stuðningsmaður Framara allt annað en sáttur í stúkunni og öskrar á Framarana að hætta þessu dútli í vörninni og fara að sækja!

Hilmar Trausti Arnarsson tók hornspyrnu sem Björgvin Stefánsson skallaði rétt framhjá fjærstönginni,

93.mínúta: Víti. Hlynur Atli Magnússon brýtur á Alexander Frey inn í teig.

Almarr Ormarson fínt skot að marki sem Daði ver vel í horn.

Hálfleikur.

Seinni hálfleikurinn er hafinn.

Steven Lennon tók aukaspyrnuna við vítateigslínuna, hann ætlaði að rífa netið svo kraftmikið var skotið, en boltinn rétt yfir markið, fjærhornið réttara sagt.

Vítaspyrnukeppni.

Þorvaldur og Ólafur þjálfarar liðana að ákveða hverjir ætla taka vítin fyrir liðin.

Vítin eru tegin að átt að Þróttaraheimilinu og Hilmar Trausti tekur fyrsta víti Hauka.

Enok klikkar. Ögmundur ver.

Sveinbjörn klikkar. Daði ver.

Magnús Páll skýtur yfir.