Góða kvöldið kæru lesendur fótbolta.net. Eftir rúmar 20 mínútur hefst leikur ÍR inga og HK inga á ÍR velli í Breiðholtinu. Heimamenn geta sent HK inga endanlega niður í 2.deildina með sigri eða jafntefli í kvöld en HK á ennþá tölfræðilega möguleika vinni þeir leikinn í kvöld.

HK spilar í Ljósbláum og svörtum varabúningum sínum á meðan ÍR ingar spila í hefðbundnu hvítu og bláu.

Þá hefur Leiknir Ágústsson dómari flautað til leiks 2 mínútum á eftir áætlun.

HK menn vilja fá vítaspyrunu á 6.mínútu eftir að Eyþór Helgi Bigisson féll í teignum eftir að hafa unnið boltann á eigin vallarhelmingi og tekið góðan sprett inní vítateig.

Eyþór Helgi nálægt því að koma HK yfir. Hann skaut föstuskoti af 20-25 metra færi en Róbert Örn varði í horn.

Gestirnir úr Kópavoginum virka mikið mun ákveðnari og Róbert Örn þarf að hafa sig allan við í marki ÍR inga. Hefur í tvígang náð að slá boltanum frá eftir hornspyrnur þar sem gestirnir voru aðgangsharðir.

Nú voru það heimamenn sem vildu fá vítaspyrnu þegar Sindri Snær Magnússon féll í teignum. Held að Leiknir hafi tekið hárréttar ákvarðanir í bæði skiptin og látið leikinn halda áfram.

HK menn fá vítaspyrnu. Brotið af Leifi Andra Leifssyni. Afar klaufalegt.

Jón Gísli Ström komst í ágætis færi en Ögmundur nær að blaka boltanum yfir markið í horn.

Eyþór Helgi átti hér hörkuskota að marki ÍR sem Róbert Örn varði meistaralega í horn.

ÍR ingar voru rétt í þessu að brenna af algjöru dauðafæri. Kristján Ari fyrirliði ÍR inga sendi þá boltann fyrir þar sem Sindri Snær var einn inní markteig HK inga en skaut yfir. Þau gerast ekki mikið betri færin en þetta.

HK ingar í góðu færi. Jóhann Andri Kristjánsson brunaði upp hægri kanntinn og átti góða sendingu á Stefán Jóhann sem kastaði sér á boltann en boltinn fór framhjá. Bakvörðurinn knái Sefán Jóhann er kominn í fremstu víglínu. Þá átti Eyþór Helgi fyrirgjöf sem Róbert Örn rétt náði að verja í horn.

Leiknir Ágústsson dómari leiksin hefur flautað til hálfleiks hér í Breiðholti. Gestirnir leiða verðskuldað 0-1

Jæja þá er síðari hálfleikurinn hafinn. Fyrri hálfleikurinn var fjörugur og skemmtilegur og við búumst við fleiri færum og mörkum og vonandi áframhaldandi skemmtun.

ÍR ingar fá fyrsta tækifæri síðari hálfleiks. Kristján Ari Halldórsson fyrrum leikmaður HK og fyrirliði ÍR inga átti aukaspyrnu sem fór beint á Ögmund í markinu sem átti ekki í miklum vandræðum með hana.

Lítið að gerast inná vellinum þessa stundina. Mikil barátta. Helst það að Halldór Arnarson fékk blóðnasir og þurfti að skipta um treyju í kjölfarið. Hann er nú í treyju númer 30

HK að fá vítaspyrnu aftur. Jóhann Andri komst í dauðafæri og skaut föstu skoti Karl Brynjar ver boltann með höndinni hárréttur dómur. Karl Brynjar liggur þó eftir og heldur um andlit sér og var ekki sáttur með spjaldið sem hann fékk.

Hinn ungi Stefán Þór Pálsson var nálægt því að minnka muninn en Ögmundur varði vel.

Varamaðurinn Atli Valsson var nálægt því að bæta við fjórða marki HK en skot hans fór framhjá markinu.

Ívar Örn Jónsson var ekki lengi að koma sér í gott færi. Stakk sér milli miðavarða ÍR inga og fékk gott færi en skaut framhjá.

Leiknir Ágústsson dómari leiksins hefur flautað hér til leiksloka sem endar með öruggum 3-0 sigri gestanna í Kópavogi og ennþá er smá vonarglæta hjá HK mönnum.