SKÝRSLAN: Spennuþrungnar lokamínútur í fyrsta leik á Króknum
Hvað réði úrslitum?
Varnarleikur Stólana var flottur og Amber var án efa maður leiksins. Hún bjargaði heimaliðinu margoft og meðan við þennan leik er hún klárlega einn besti markmaðurinn í þessari deild. Þróttur stjórnaði spilinu frá byrjun leiks og það var það sem vantaði hinum meginn hjá stólunum, boltinn gekk ekkert rosalega mikið á milli leikmanna Tindastóls
Bestu leikmenn
1. Amber Kristin Michel
Amber stóð sig frábærlega í leiknum og lokaði fyrir markið alveg fram að jöfnunarmarkinu, það er ekki hægt að kenna henni um mark gestana.
2. Katherine Amanda Cousins
Katherine stóð sig mjög vel í leiknum, var frábær á boltanum og átti auðvelt með að fara framhjá leikmönnum heimaliðsins. Svo átti hún þessa frábæru aukaspyrnu sem jafnaði leikinn.
Atvikið
Það var brott í lok leiks sem leiddi síðan að marki gestana. Sumum fannst það ekki vera aukaspyrna en þetta var mjög erfit að dæma
Hvað þýða úrslitin?
Úrslitinn þýða í raun ekki mikið einmitt núna, Tindastóll voru spáð falli þannig þetta eru í raun góð úrslit fyrir þær og virða þær örugglega punktinn. Þróttur bjuggust örugglega við sigri komandi inn í leikinn en þessi úrslit er enginn dauðadómur.
Vondur dagur
Dominiqe Evangeline Bond-Flasza átti ekki frábæran dag, hún spilaði djúpt á miðjunni í leiknum. Hún leitt út fyrir að vera ekki alveg kominn í leikform og einhvern komst aldrei í takt við leikinn. En ég efast ekki um að þegar hún kemst í leikform verði hún hörkuleikmaður.
Dómarinn - 7,5
Hann stóð sig með prýði, létt leikinn ganga hratt og var alls ekki neinn dómur sem var umdeildur hjá honum fyrr en á lok leiks þegar Þróttarar fá aukaspyrnu sem þeir svo skora úr. Ég er hreinlega ekki viss hvort þetta hafi verið réttur dómur eða ekki.