SKÝRSLAN: Brenna sökkti Keflavík
Hvað réði úrslitum?
Lið Selfoss vildi þetta hreinlega meira. Fóru af krafti í alla bolta og virtust vera á undan í öll návígi. Fótboltinn var kannski ekki sá fallegasti en krafturinn og vinnumsemin fleytti þeim heim og vel það.
Bestu leikmenn
1. Brenna Lovera
Gerði tvö mörk í dag en þau hefðu hæglega getað orðið fleiri. Olli varnarlínu Keflavíkur miklum vandræðum og verður spennandi að sjá til hennar í sumar.
2. Hólmfríður Magnúsdóttir
Þarf lítið að kenna henni í fótbolta og þvílík gleðitíðindi að hún ætli að taka slaginn í sumar. Fyririgjöf sem leiðir til marks. vítaspyrna sótt og mark skorað. Þarf eitthvað meira?
Atvikið
Vítadómurinn eftir 65 mín var umdeildur á vellinum og hliðarlínunni. Var ekki í bestu aðstöðunni til að sjá sjálfur en heyrði það að leik loknum að hann hafi verið glórulaus. Selfyssingum er sama, Brenna skoraði úr vítinu og slökkti í vonum Keflavíkur að koma til baka og þar við situr.
Hvað þýða úrslitin?
Selfoss hefur mótið á sigri. Eitthvað sem þær hafa ekki gert fyrr en nú undir stjórn Alfreðs.
Keflavík er án stiga .
Keflavík er án stiga .
Vondur dagur
Tiffany Sornpao virkaði á köflum óörrugg í markinu og var oft í vandræðum með spyrnunar sínar. Eflaust eitthvað sem hægt að er skrifa á stress og fyrsta leik í nýjum aðstæðum en ég á ekki von á öðru en að hún mæti tvíelfd til leiks í næsta leik.
Dómarinn - 5
Sleppur en það rétt svo. Vítadómurinn fær að njóta vafans en heilt yfir var línan oft út á þekju og ég átti í raun í erfiðleikum með að sjá einhverja línu sem hann var að fylgja. Verður samt að hafa í huga að dómarar eins og leikmenn þurfa leikform og ég treysti því á að Atli Haukur verði solid með flautuna í sumar.