Sæl og velkomin í beina textalýsingu frá Selfossvelli en hér fer fram áhugaverður leikur milli heimamanna og Valsmanna. Bæði lið hafa verið í ströggli undanfarið og því mikið undir í kvöld. Byrjunarliðin eru hér til hliðar

Selfyssingar hafa tekið aðeins til í sínum hópi og nýtt vikuna til að berja liðið saman eftir lélegt gengi. Þeir Ndiaye og Joe Tillen eru farnir frá félaginu, sá fyrrnefndi í Hamar á láni og Tillen er líklega á leið til Valsmanna á morgun. Á móti hafa fjórir nýjir leikmenn gegnið til liðs við Selfoss og eru þrír þeirra í hóp í dag. Egill Jónsson kemur á láni frá KR og er á bekkinum, Hafþór Þrastarson kemur á láni frá FH og fer beint í miðvörðinn og Marko Hermo kemur frá Noregi og fer í stöðu vinstri bakvarðar. Auk þeirra er talað um að Dofri Hermannsson komi á láni frá KR en hann kemur ekki nálægt leiknum í dag.

Bæði lið hafa misst menn í bann fyrir þennan leik, Robert Sandnes er í banni hjá Selfossyngum vegna spjaldasöfnunar en hjá Valsmönnum er Haukur Páll í banni eftir tæklinguna sína í síðasta leik.

Valsmenn unnu fyrri viðureign liðana á Vodafone vellinum 3-1 með mörkum frá Herði Sveins, Matta Guðmunds og Rúnari Má en Royrane skoraði laglegt mark fyrir Selfyssinga.

Skýrslan var ekki alveg rétt hjá KSI því Kolbeinn Kára er í byrjunarliði og fer beint upp á topp fyrir Ásgeir Þór Ingólfsson sem er á bekknum.

Selfoss Ismet Brenne - Brons - Hafþór - Hermo Babacar - Royrane Tommi Leifs - Jón Daði - Óli Kalli Viðar

Valur Ólafur Þór Næs - Halldór - Atli Sveinn - Nesta Matti - Þórir - Rúnar Már - Kristinn - Guðjón Kolbeinn

Allt klárt á Selfossi og Kiddi Jak fer fyrir liðunum inn á völlinn meðan Már Ingólfur Másson skeleggur vallarkynnir á Selfossi kynnir liðin.

Valsmenn spila í varabúningum sínum í dag og af einhverjum mjög illskiljanlegum ástæðum ákváðu Valsmenn að hafa varabúninginn sinn blláan. Þeir sækja að frjálsíþróttavellinum og byrja með boltann.

Kolbeinn Kára bíður Marko Hermo vinstribakvörð Selfyssinga velkominn í deildina og spólaði framhjá honum strax í fyrstu sókn en heimamenn náðu að bægja hættunni frá.

Valsmenn mun sprækari til að byrja með og reyna mikið að sækja upp hægri kantinn á Hermo sem er óöruggur hérna á upphafsmínútunum.

Hermo er í smá balsi, svo miklu reyndar að hann tók vitlaust innkast.

Flott sókn hjá Selfyssingum sem endar með skalla frá Jóni Daða yfir markið. Heimamenn eru aðeins að hressast.

Akaspyrna rétt fyrir utan teig sem Ólafur Karl setti rétt framhjá markinu.

Viðar Kjartans fær aukaspyrnu rétt fyrir utan teig. EN Jón Daði nýtti hana ekki vel og skaut hátt yfir markið.

Töluvert annað að sjá Selfyssinga í þessum leik heldur en oft undanfari,ð liðið er að spila betur og halda boltanum innan liðsins. Valsmenn vilja heldur bíða og sækja hratt fram þegar færi gefst og eiga nokkur hættuleg uppphlaup.

Rúmar Már átti hættulegan skalla frír inni á teig en setti boltan framhjá markinu.

Ólafur Karl komst einn í gegn en Ólafur Þór varði í tvígang frá honum en færið var nokkuð þröngt. Rúnar Már áttu hörkuskot hinumegin rétt framhjá.

Tómas Leifsson setur boltann yfir úr dauðafæri eftir frábæran undirbúning Viðars Kjartans.

Hálfleikur á Selfossi. Þetta hefur verið nokkuð jafnt í fyrri hálfleik þó heimamenn hafi kannski verið ívið sterkari. Greinilegt að mikið hefur verið tekið til í þeirra hópi því það er allt annað að sjá Selfoss heldur en í undanförnum leikjum.

Leikurinn er hafin að nýju og bæði lið eru óbreytt.

Kristinn Freyr komst einn í gegn og átti hörkuskot að marki sem Ismet varði vel. Stuttu seinna heimta Valsmenn víti fyrir brot á Kolbeini Kára en fengu ekkert

Selfyssingar í stórsókn sem endar með skoti frá bæði Viðari Kjartans og Tomma Leifs en Ólafur Þór varði vel í bæði skiptin. Besta færi leiksins til þessa.

Leikurinn er mjög fjörugur í augnablikinu, nú var Rúnar Már með hörkuskot fyrir utan sem sveif rétt yfir markið.

Valsmenn mun sterkari í augnablikinu og hafa átt þrjár álitlegar sóknir sem Selfyssingar hafa hreinsað frá í hálfgerðri nauðvörn.

Matthías Guðmunds er að herja mikið á Hermo vinstri bakvörð Selfoss og er að skapa töluverðan usla í vítateig heimamanna trekk í trekk.

Selfyssingar hafa farið nokkuð illa með færin í dag en öll skot á markið fara himinhátt yfir markið. Nú síðast var það Tómas Leifsson. Jón Daði fékk stuttu seinna hörku færi en skot hans fór rétt framhjá.

Þetta er að fjara út hjá heimamönnum og Valsmenn sigla þessum þremur stigum líklega í hús. Uppbótartími eftir.

Leik lokið með sigri Valsmanna. Þeir voru sterkari í seinni hálfleik og sigldu þessu nokkuð örugglega í land í restina. Góð barátta hjá heimamönnum og ágæt spilamennska á köflum dugði ekki til og því orðið ljóst að liðið vann ekki deildarleik í júní og júlí.