SKÝRSLAN: Jafntefli í baráttuslag á SaltPay vellinum
Hvað réði úrslitum?
Heldur lokaður leikur, mikil barátta inn á miðjunni, leikurinn opnaðist loks síðustu 5 mínúturnar í sitthvorum hálfleiknum. Klaufalegt mark Þór/KA kom upp úr engu í upphafi síðari hálfleiks. ÍBV urðu sterkari og náðu inn jöfnunarmarki.
Bestu leikmenn
1. Olga Sevcova
Olga var gríðarlega lífleg á kanntinum hjá ÍBV. Býr til markið sem íBV skorar og ógnaði mikið með skotum og fyrirgjöfum.
2. Hanna Kallmaier
Flottur leikur hjá henni í dag, fljót að hugsa í markinu sem hún skorar.
Atvikið
Fyrsta mark leiksins var ansi klaufalegt. Colleen Kennedy er með boltann hægra megin út á miðjum vellinum og er með slaka fyrirgjöf sem ætti ekki að vera erfitt fyrir Auði en hún misreiknar boltann eitthvað og hann lekur í netið.
Hvað þýða úrslitin?
ÍBV fer uppfyrir Þrótt með 13 stig í bili að minnstakosti en Þór/KA er í 7. sæti með 12 stig, aðeins þrjú stig niður í fallsæti.
Vondur dagur
Það vantaði bit í sóknarleik beggja liða. Það voru að koma hættulegir krossar inn á teiginn báðu megin en það vantaði bara að setja stóru tánna í knöttinn.
Dómarinn - 8
Vilhjálmur var flottur í dag. Það voru einhver veik köll um vítaspyrnur en held að hann hafi verið með þetta allt rétt.