SKÝRSLAN: Þróttur upp í 3. sæti eftir sigur á Tindastól
Hvað réði úrslitum?
Þróttur spiluðu bara betur en Tindastóll, málið er ekki flóknara en það. Tindastóll voru of mikið að reyna að koma sér upp völlinn á röngum tímum þannig að þær enduðu tvær á móti fimm varnarmönnum.
Bestu leikmenn
1. Katherine Cousins
Katherine var best inná vellinum án nokkurs vafa. Vann vítið sitt og stjórnaði eiginlega sóknarleik Þróttara. Gerði eiginlega bara allt rétt.
2. Linda Líf Boama
Nik sagði sjálfur að hún hafi hjálpað liðinu mjög með því að búa til space fyrir aðra og var sjálf óhrædd að keyra af stað með boltann og búa hluti til. Hefði getað verið með fleiri stoðsendingar í dag en mjög fínn leikur hjá henni.
Atvikið
Það eru tvö atvik í þessum leik sem koma til greina, meiðslin hennar Murielle og seinna mark Þróttar. Murielle spilar allan seinni hálfleikinn nokkuð illa meidd og það sást. Seinna mark Þróttar var smá sjokk fyrir Stólana, það kom snemma í síðari hálfleik og sló þær smá út af laginu.
Hvað þýða úrslitin?
Tindastóll er ennþá á botninum eftir leikinn og verða þar næstu daga. Þróttur fer upp í 3. sæti með sigrinum, 3 stigum frá Breiðablik í 2. sæti.
Vondur dagur
Átti ekki góðan leik miðað við hversu góð hún getur verið en Jacqueline átti vondan dag. Hún getur svo hæglega verið besti leikmaðurinn á vellinum en fékk lítið að sjá boltann og var alls ekki upp á sitt besta.
Dómarinn - 9
Gunnar dæmdi leikinn vel og línuverðirnir gerðu það líka.