SKÝRSLAN: Mönnum heitt í hamsi er Fram vann Þór
Hvað réði úrslitum?
Fram mættu tilbúnir til leiks. Áttu fyrri hálfleikinn algjörlega, stóðu vaktina vel í síðari hálfleik og refsuðu Þórsurum undir lok leiksins.
Bestu leikmenn
1. Albert Hafsteinsson
Verið frábær hjá Fram og var það svo sannarlega í dag, lagði upp bæði mörkin.
2. Hlynur Atli Magnússon
Hlynur og McLagan ásamt Ólafi í markinu voru flottir í síðari hálfleik. Þegar Dominique Malonga reyndi eitthvað í fyrri hálfleiknum var Hlynur alltaf mættur til að stoppa hann.
Atvikið
Hættuspark gegn Jóhanni Helga undir lok leiksins inn í vítateig Fram en ekkert dæmt og Fram brunaði í skyndisókn og komst í 2-0, ef og hefði og allt það en þetta hefði geta farið öðruvísi fyrir Þór ef það hefði verið dæmt þar.
Hvað þýða úrslitin?
Fram áfram á toppi deildarinnar með 9 stiga forskot á ÍBV. Þór í 6. sæti með 19 stig, hefðu geta blandað sér í baráttuna um 2. sætið með sigri hér í dag.
Vondur dagur
Ég verð bara að setja það á dómara leiksins. Menn ættu að vita út í hvað menn eru að fara á SaltPay Vellinum. Línan hjá honum stórfurðuleg, kippti sér lítið upp við höfuðmeiðsli Daða og hættuspark gegn Jóhanni Helga undir lok leiksins, hægt að nefna margt fleira.
Dómarinn - 5
Hann var bara alls ekki með á nótunum í dag. Eins og hefur komið fram í skýrslunni marg oft. Eins og Orri segir tapaði hann ekki leiknum fyrir Þór en klikkaði á ögurstundu fannst mér undir lok leiksins.