Breiðablik spilaði af miklu hugrekki í þessu einvígi og komst einfaldlega verðskuldað áfram. Liðsheildin var algjörlega upp á tíu og leikmenn fíluðu sig afskaplega vel. Báðir leikirnir voru stórskemmtilegir og flottur leikstíll Blika ekki eitthvað sem við höfum vanist að sjá frá íslensku liði í Evrópukeppnum.

Austria Vín fékk mark á silfurfati eftir hrikalega sendingur Viktors Arnar Margeirssonar. Það mark hleypti spennu í einvígið en flestar tilraunir gestaliðsins til að knýja fram jöfnunarmarkið voru frekar máttlausar.

Breiðablik er komið í þriðju umferðina þar sem mótherjinn verður Aberdeen frá Skotlandi. Fyrri leikurinn verður á fimmtudaginn í næstu viku, á Kópavogsvelli.

Leikmenn Austria Vín voru ákaflega pirraðir og létu mótspyrnuna fara mikið í taugarnar á sér. Um tíma voru þeir farnir að hvæsa á hvorn annan innbyrðis og þetta allt saman hjálpaði bara Blikunum.

Lítið yfir Íranum að kvarta. Nokkrar umdeilanlegar ákvarðanir en á heildina fínasta dómgæsla.