Breiðablik mætir Gintra frá Lit­há­en eða Flora Tall­inn frá Eistlandi um sæti í 2. um­ferð Meistaradeildar kvenna en sá leikur verður á laugardaginn.

3 mínútur í uppbótartíma.

Vigdís Lilja með skot naumlega framhjá.

Heiðdís Lillýardóttir með hörkuskot í þverslána og í bakið á markverðinum en inn fer boltinn ekki!

Breiðabliksliðið fengið nokkrar hornspyrnur hér með stuttu millibili.

Hildur Antonsdóttir með skot eftir hornspyrnu en hitti boltann illa. Beint á markvörðinn.

Heiðdís í dauðafæri en hitti boltann afskaplega illa.

Það eru tvíburasystur að spila fyrir KÍ. Rannvá Andreasen og Ragna Patawary. Héldu upp á 40 ára afmæli á síðasta ári. Þá er Jórun Patawary dóttir Rögnu einnig að spila. Fjölskyldufestival.

Birta með sláarskot! Þarna var sjötta markið nálægt því að koma.

Jórun Patawary fékk boltann í höfuðið og þarf aðhlynningu. Leikurinn er því stopp.

Tiffany kemst framhjá markverði KÍ en skýtur í hliðarnetið.

Breiðablik fær aukaspyrnu. Boltanum rennt á Selmu Sól sem á marktilraun framhjá.

KÍ á sína fyrstu marktilraun í leiknum! Stórtíðindi. Rannvá Andreasen með skot sem er varið.

Seinni hálfleikur er hafinn

Sigurliðið, sem verður auðvitað Breiðablik, mætir Gintra frá Lit­há­en eða Flora Tall­inn frá Eistlandi um sæti í 2. um­ferð keppn­inn­ar. Sá leikur verður á laugardaginn.

Rosalegir yfirburðir Breiðabliks. Um leið og fyrsta markið kom þá opnuðust allar flóðgáttir.

Hummeland hársbreidd frá því að skora sjálfsmark en bjargar sjálf á síðustu stundu á línu. Svo á Selma Sól skot sem Óluva ver.

Chloé með skot yfir. Einstefnan heldur áfram og þetta er algjör gönguferð í garðinum fyrir lið Breiðabliks.

Dauðafæri. Ásta skallar framhjá.

Gríðarlega mikill gæðamunur á þessum liðum. KÍ mætti til leiks með 5-3-2 leikkerfi og pakkaði í vörn en nú þarf liðið að breyta leikskipulagi sínu. Það gæti opnað flóðgáttir fyrir Blikaliðið.

Áslaug Munda með flott tilþrif í teignum og á skot naumlega yfir.

Hættuleg fyrirgjöf og Tiffany kastar sér á boltann en hann endar í fanginu á Óluvu Joensen í marki KÍ. Færeyska liðið hefur ekki enn átt marktilraun og í raun ekki átt alvöru sókn ennþá.

Agla María með misheppnaða skottilraun himinhátt yfir. Leikurinn fer einvörðungu fram á vallarhelmingi KÍ sem pakkar í vörn.

Agla María kemur boltanum í netið en búið að flagga rangstöðu. Þetta telur ekki.

Selma Sól með skot eftir hornspyrnu en beint í fangið á markverði KÍ.

Sturluð staðreynd. Það eru mæðgur í liði Klaksvíkur. Jórun Patawary er dóttir Rögnu Patawary en þær eru báðar í byrjunarliðinu.

Einstefna hjá Breiðabliki í upphafi leiks. Ásta Eir Árnadóttir átti skottilraun en framhjá markinu.

Stórsókn hjá Breiðabliki strax í byrjun og Klaksvík í algjörri nauðvörn. Agla María átti skot í varnarmann og mikill darraðadans stiginn í teignum.

Það er búið að flauta til leiks. Breiðablik sparkaði leiknum af stað.

Dómari er Emanuela Rusta frá Albaníu. Annar aðstoðardómarinn er einnig frá Albaníu en hinn frá Noregi. Fjórði dómarinn kemur einnig frá Noregi. Alþjóðlegt samstarf.

Æfðu á ómerkilegu túni
Vegna votviðris þá var keppnisvöllurinn í Litháen hvíldur í gær og lið Breiðabliks æfði ekki á honum. Liðið æfði a túni rétt hjá hótelinu eins og kemur fram í viðtali sem Bjarni Helgason tók við Ástu Eir Árnadóttur fyrir mbl.is.

"Við æfðum þess í stað á ein­hverju held­ur ómerki­legu æf­inga­svæði eða túni, rétt hjá hót­el­inu, en það voru tvö mörk á staðnum og þetta reddaðist alla­vega," sagði Ásta.

KÍ Klaksvík er með besta lið í sögu færeyska kvennaboltans. Liðið hefur orðið meistari síðustu tvö tímabil, EBS/Skála varð meistari 2017 og 2018 en þar á undan hafði KÍ unnið titilinn sautján ár í röð!

Breiðablik tapaði raunverulegum úrslitaleik um Íslandsmeistaratitilinn gegn Val um helgina og beinir nú allri sinni orku að öðrum markmiðum.

Breiðablik á eftir að spila úrslitaleik í Mjólkurbikarnum við Þrótt R. eftir að hafa slegið Val út í undanúrslitum. Þar að auki eru Blikastúlkur í forkeppni Meistaradeildarinnar þar sem þær mæta til leiks gegn frænkum sínum í KÍ frá Klaksvík innan skamms.

"Auðvitað er svekkelsi hjá öllum í kvöld en svo vöknum við í fyrramálið og förum að einbeita okkur að ferðalaginu til Litháen," sagði Vilhjálmur Kári Haraldsson, þjálfari Breiðabliks, eftir tapið gegn Val í deildinni.

"Það eru tveir leikir og þetta er virkilega spennandi verkefni. Við erum að mæta yfirburðaliðum í sínum deildum en ég held að við eigum möguleika á móti þeim. Við þurfum bara að spila góða leiki."

Karitas Tómasdóttir, leikmaður Blika, tók í svipaða strengi.

"Nú þurfum við bara að horfa á framhaldið, Meistaradeildina og bikarúrslitin. Það er spennandi að fara í svona verkefni og vonandi gerum við vel þar. Við förum og gerum okkar besta og vonandi uppskerum við góðu."

Breiðablik mæt­ir KÍ Klaksvík frá Fær­eyj­um í 1. um­ferð Meist­ara­deild­ar kvenna núna klukkan 9 en leikið er á Siaulai-vell­in­um í Lit­há­en klukkan 12 að hádegi á staðartíma.

Sigurliðið mætir Gintra frá Lit­há­en eða Flora Tall­inn frá Eistlandi um sæti í 2. um­ferð keppn­inn­ar.

Vilhjálmur Kári Haraldsson, þjálfari Breiðabliks, gerir tvær breytingar á byrjunarliðinu frá 0-1 tapi gegn Val í mikikvægum toppslag í Pepsi Max-deildinni á föstudag.

Tiffany Janea Mc Carty og Chloé Nicole Vande Velde koma inn í byrjunarliðið. Taylor Marie Ziemer og Hildur Antonsdóttir setjar á bekkinn.

Bjarni