SKÝRSLAN: Virðum punktinn gegn Grikklandi
Hvað réði úrslitum?
Það að bæði lið virtust vera bara nokkuð sátt með 1 stig, maður upplifði það á vellinum hvorki við né Grikkirnir voru með mikið "urgency" til þess að vinna leikinn
Bestu leikmenn
1. Kolbeinn Þórðarson
Fyrirliðinn frábær í dag og stjórnaði spili okkar manna eins og heimsklassa sinfoníustjóri, var með sturlaðar sendingar milli kanta og var bara frábær
2. Fotios Ioannidis
Þessi framherji reyndist okkur virkilega erfiður og fór illa með okkur oft á tíðum, skoraði mark Grikkja og var lang besti leikmaður þeirra grísku
Atvikið
Löglega mark Grikkja í fyrri hálfleik sem fékk ekki að standa, skalli í slánna og niður sem var víst langt inn fyrir marklínuna en sem betur fer dæmdi línuvörðurinn ekki mark, leikurinn hefði líklega þróast öðruvísi ef Grikkir kæmust í 1-0
Hvað þýða úrslitin?
Grikkir fara í 2. sæti riðilsins með 5 stig eftir 3 leiki spilaða og við Íslendingar förum í 3. sæti riðilsins með 4 stig eftir 2 leiki spilaða.
Vondur dagur
Eftir geggjaða frammistöðu og tvö mörk gegn Hvít-Rússum þá fannst mér Hákon Arnar eiga nokkuð erfitt uppdráttar í dag, hann spilaði upp á topp með Mikael og fannst hann ekki finna sig og komst aldrei í takt við leikinn. Kannski erfitt að eiga tvo sturlaða leiki í röð, hann er mjög ungur og á framtíðina fyrir sér
Dómarinn - 3
Slök frammistaða hjá dómaranum frá Ísrael, var með engin tök á leiknum og virtist vera í engu jafnvægi