SKÝRSLAN: Sanngjörn endurkoma Fjölnis gegn leiðinlegum Eyjamönnum
Hvað réði úrslitum?
Fjölnir var talsvert betra liðið í dag og átti sigurinn skilinn. Í stöðunni 1-1 var bara eitt lið sem var líklegt til að vinna leikinn og Fjölnir kláraði það verkefni. Gestirnir virkuðu eilítið þreyttir og lítið gekk upp í þeirra spili. Leikstíll ÍBV í þessum leik var ekki heillandi, gestirnir lágu til baka og var fullmikill kick and hope fílingur í þessu.
Bestu leikmenn
1. Michael Bakare
Lunkinn við að koma sér í góðar stöður og kann þá list að vera á réttum stað á réttum tíma. Tvisvar sinnum fyrstur á boltann í teignum og skorar tvö mörk.
2. Jóhann Árni Gunnarsson
Virkilega góður í dag, dugnaður sem maður hefur ekki alltaf séð og gæði í ákvörðunartökum. Jóhann á ekki að spila í næstefstu deild á næsta ári.
Atvikið
Sigurmarkið, glæsilegir taktar og svo heppni í því að skottilraunin endi hjá Bakare í teignum og hann svo klárar.
Hvað þýða úrslitin?
Fjölnir er áfram í smá séns á sæti í efstu deild, 2% líkur kannski?
ÍBV er einum sigri frá því að tryggja sér sæti í efstu deild.
ÍBV er einum sigri frá því að tryggja sér sæti í efstu deild.
Vondur dagur
Breki Ómarsson, Telmo og Felix heilluðu ekki mikið. Þá var Gaui Lýðs svo sýnilega pirraður að það hafði áhrif á spilamennskuna í kringum hann.
Dómarinn - 7
Var mjög flottur framan af leik en dalaði í restina fannst mér.