SKÝRSLAN: Skjálfti í Hafnarfirði
Hvað réði úrslitum?
Gríðarlega vel útfærður leikur hjá FH mestan part leiksins. Voru grimmir í pressunni og fastir svo fyrir í vörninni þegar leið á leikinn og Blikar fóru að sækja meira.
Blikar virkuðu sérstaklega í fyrri hálfleik nokkuð stressaðir og óöryggir og eins og spennustigið væri ekki rétt. Óskar Hrafn sagði í viðtali eftir leik að stundum eru menn ekki besta útgáfan af sjálfum sér
Bestu leikmenn
1. Pétur Viðarsson
Gekk fram með góðu fordæmi og barðist eins og ljón allan leikinn og skoraði eina mark leiksins.
2. Baldur Logi Guðlaugsson
Mér fannst Baldur standa sig virkilega vel í dag.
Atvikið
Vítaspyrnan sem Breiðablik fékk á 77 mínútu. Árni Vill fékk boltann þá til sín inn í teig FH, tók snúning og féll við eftir viðskipti við Gumma Kristjáns. Víti dæmt og það rétt. Árni tók vítið sjálfur og skaut hátt yfir markið.
Hvað þýða úrslitin?
FH eru enn í 6 sæti deildarinnar og hafa unnið 6 af síðustu 7 leikjum. Virkilega vel spilað í dag og þeir ætla sér að byggja á þessu fyrir næsta tímabil.
Blikar hinsvegar duttu úr bílsstjórasætinu um titilinn eftir úrslit dagsins og sagði Óskar Hrafn að handritið hefði verið skrifað þannig í dag að annað lið ætti að verða Íslandsmeistari
Vondur dagur
Gísli Eyjólfsson átti ekki góðan dag en það sama mátti segja um allt lið Blika i fyrri hálfleik.
Dómarinn - 8
Vel dæmdur leikur.