SKÝRSLAN: Gulir og glaðir á leið í úrslit
Hvað réði úrslitum?
Skagamenn voru grimmari og beittari í öllum sínum aðgerðum. Unnu því sem næst öll einvígi og ef svo ólíklega vildi til að þeir gerðu það gáfu þeir Keflvíkingum aldrei frið á boltann og pressuðu linnulaust á þá.
Bestu leikmenn
1. Gísli Laxdal
Tvö mörk og síógnandi þar fyrir utan. Frábær leikur hjá drengnum.
2. Ísak Snær Þorvaldsson
Vinnusemi og elja í 90 mínútur getur skilað árángri. Stoðsending í dag auk þess sem nokkrir leikmenn Keflavíkur voru farnir að láta hann fara vel í taugarnar á sér.
Atvikið
Fyrsta mark leiksins gaf tóninn. Stemmingin í stúkunni var góð fyrir en tók alvöru kipp eftir markið.
Hvað þýða úrslitin?
Skagamenn mæta Víkingum á Laugardalsvelli eftir hálfan mánuð. Gestirnir halda heim til Keflavíkur og hefja undirbúning fyrir næsta ár.
Vondur dagur
Miðvarðarpar Keflavíkur hefur átt betri daga en í dag í rokinu á Akranesi en hið sama má svo sem segja um liðið sem heild. Það voru þó atriði sem skyggðu á það. Hegðun sumra stuðningsmanna Keflavíkur í stúkunni var langt því frá til fyrirmyndar er líða fór á leikinn. Nokkrum sinnum freistaði gæslan þess að grípa inn í en hafði takmörkuð áhrif á þá einstaklinga sem mest höfðu sig í frammi og skemmdu meðal annars nokkur auglýsingaskilti. Þekki Keflvíkinga af góðu einu og þetta er alls ekki þaö sem félagið stendur fyrir og setti því miður leiðinlegan blett á þann frábæra hóp sem fylgdi liðinu og studdi sitt lið.
Dómarinn - 8
Erlendur var mjög öruggur á flautunni í dag og átti skínandi leik. Bæði gulu spjöldin á Davíð eftir bókinni frá mér séð sem og hans ákvarðanir í leiknum almennt.