Heil og sæl! Framundan er leikur Fram og Breiðabliks í Pepsi-deild karla. Rauði baróninn sér um dómgæslu og flautar til leiks klukkan 19:15. Framarar skíttöpuðu fyrir Selfossi í síðasta leik og eru í mjög harðri fallbaráttu. Tap í kvöld setur bláliða í enn verri mál og mögulegt er að þeir verði í fallsæti eftir kvöldið! Breiðablik er um miðja deild og gælir liðið við að klífa upp í Evrópusæti. Leikbönn: Sam Hewson leikur ekki með Fram og Ingvar Kale, markvörður Breiðabliks, getur ekki leikið þar sem hann tekur út síðari leik sinn í tveggja leikja banni. Blikinn Þórður Steinar Hreiðarsson, kallaður minkurinn, er með nýja klippingu í kvöld. Kallinn er búinn að raka af sér hárið og er fær í flestan sjó!

Byrjunarliðin hafa verið tilkynnt og má sjá þau hér til hliðar. Sam Tillen er bekkjaður hjá Fram en Hólmbert Aron Friðjónsson fær tækifæri í byrjunarliðinu.

Jón Sigurðsson 500-kall er búinn að heilsa upp á blaðamenn. Hann var brosandi og hress þrátt fyrir slæma stöðu Framara. Liðin eru að hita upp og Fram-lögin eru spiluð grimmt eins og enginn sé morgundagurinn.

Jæja búið er að hafa samband við spámenn dagsins. Stefán Árni Pálsson, blaðamaður á Vísi: Ég held að þetta verði steindautt 0-0. Tómas Þór Þórðarson, Morgunblaðinu: 1-0 fyrir Blix. Nichlas skorar markið.

Blaðamenn á Laugardalsvelli gleðjast yfir því að í aðstöðu þeirra er sjónvarp svo hægt er að fylgjast með gangi mála á Goodison Park þar sem Everton er að leika gegn Manchester United.

Leikur hafinn - Blikar sækja í átt að Laugardalslauginni.

Ásgeir Gunnar Ásgeirsson með skot af löngu færi eftir flottan spilkafla Framara en framhjá fór boltinn.

Kristinn Ingi með fyrirgjöf á Sveinbjörn sem var í hættulegu færi en náði ekki skoti á markið. Heimamenn að byrja þetta ágætlega.

Framarar meira ógnandi hér í upphafi.

Þá fá Blikar dauðafæri! Glæsileg stungusending frá Ben Everson inn á Rohde sem var einn gegn Ögmundi sem bjargaði með góðu úthlaupi. Gæti verið mikilvægt fyrir Fram að Ögmundur náði þessari vörslu og fái smá sjálfstraust eftir afleita frammistöðu í síðasta leik.

Halldór Hermann í fínu skotfæri en hitti ekki markið.

Andri Rafn Yeoman með hörkuskot en Ögmundur varði gríðarlega vel! Fín færi komin í leikinn þó markið sé ekki enn mætt.

Daði Guðmundsson með skot úr aukaspyrnu sem Sigmar varði í horn.

Ben Everson með fyrirgjöf og Olgeir Sigurgeirsson í dauðafæri á markteignum. Frábærlega varið hjá Ögmundi í markinu. Sá hefur verið heitur í kvöld. Stuttu áður var Sveinbjörn með fína skottilraun en yfir fór boltinn.

Hálfleikur - Strax eftir markið flautaði Garðar Örn til hálfleiks. Blaut tuska í andlit Framara.

Seinni hálfleikur hafinn - Engar breytingar á liðunum í hálfleik.

Sverrir Ingi í flottu færi eftir hornspyrnu en skalli hans hitti ekki á markið.

Munaði litlu að fram næði forystu á ný! Sveinbjörn með skot sem stefndi framhjá en Kristinn Ingi náði að setja tánna í boltann. Skot hans naumlega framhjá.

Rene Troost með skot úr aukaspyrnu en Ögmundur í marki Fram ekki í vandræðum.

Hættuleg sókn Blika en Elfar Árni skallaði yfir markið!

Framarar liggja mjög aftarlega núna. Stressandi mínútur framundan fyrir stuðningsmenn þeirra.

Almarr með skot en Sverrir Ingi bjargaði á línu. Snögg og góð sókn Framara.

LEIK LOKIÐ - Gríðarlega mikilvægur sigur Framara! Þeir voru í fallsæti í kvöld í fjórar mínútur.