Ívar Orri flautar til leiksloka. Virkilega skemmtilegum leik lokið þar sem FH hafði betur 4-2 í heildina verð ég að segja verðskuldað.

Þakka fyrir mig í kvöld.

Framarar vinna hornspyrnu. Albert Hafsteins lyfitr boltanum inn á teiginn en FH skallar boltann í burtu.

Uppbótartíminn er að lágmarki fimm mínútur.

Kristinn Freyr fær boltann inn á teig Fram og er óheppinn og nær ekki valdi á boltanum og Framarar hreinsa í burtu.

Boltinn kemur fyrir frá vinstri inn á teiginn á Oliver sem skallar hann áfram á Mána sem skallar boltann framhjá.

Björn Daníel með frábæran bolta upp í hlaup á Oliver sem nær fyrigjöf en boltinn af varnarmanni Fram og í hornspyrnu.

Kiddi Freyr tekur hornspyrnuna sem fyrr beint á hausinn á Gumma Kri sem nær skallanum en boltinn framhjá.

Kiddi Freyr með aukaspyrnu frá vinstri á fjær á Gumma Kri en skalli hans framhjá markinu.

FH vinnur hornspyrnu sem Kiddi Freyr tekur inn á teiginn og boltinn hrekkur á Lennon sem tekur við honum og sneiðir boltann yfir markið.

FHingar að hóta jöfnunarmarki.

Kiddi Freyr finnur Oliver Heiðars út til hægri og Oliver kemur með boltann fyrir en Delphin hreinsar í horn. Kiddi Freyr tekur spyrnuna og eftir darraðadans inn á teig Fram ná gestirnir að koma boltanum í burtu.

Máni Austmann fær boltann inn á teiginn og reynir fyrirgjöf en boltinn af Delphin og í hornspyrnu. Kiddi Freyr tekur spyrnuna á Gumma Kri sem nær skalla en boltinn framhjá.

Alex Freyr tapar boltanum úti hægra megin og Vuk Oskar keyrir upp vænginn og sker boltann út í teiginn á Lennon sem nær skoti en Framarar kasta sér fyrir skotið.

Logi Hrafn fær boltann og finnur Björn Daníel sem gerir vel og hleður í skot fyrir utan teig en skotið þægilegt fyrir Ólaf Íshólm.

Ástbjörn Þórðarson fær boltann inn á teiginn eftir darraðadans inn á teig Fram en skotið beint á Ólaf Íshólm.

Vuk Oskar Dimitrijevic gerir sig kláran niður á hliðarlínu

Ástbjörn Þórðar fær boltann út til vinstri og nær fyrirgjöf en boltinn af varnarmanni Fram og í hendurnar á Óla Ís.

Ástbjörn fær boltann út til hægri og finnur Kidda Frey sem reynir að finna Matta Vill innfyrir en sendingin lesin og Framarar koma boltanum upp völlin.

Kiddi Freyr gerir vel fyrir utan teig Fram og finnur Lenny inn á teignum og nær að að koma sér í skot en boltinn af varnarmanni Fram og í hornspyrnu. Lennon tekur hornið sjálfur en hættulítil spyrna.

Kiddi Freyr sparkar síðari hálfleiknum í gang.

Ívar Orri flautar til hálfleiks. Hröðum og skemmtilegum fyrri hálfleik lokið. Gestirnir í Fram fara með 1-2 forskot inn í hálfleik.

Uppbótartíminn er að lágmarki tvær mínútur.

FHingar vinna enn og aftur horn sem Haraldur tekur og boltinn ratar á hausinn á Gumma Kri sem nær skalla en boltinn framhjá.

Hornspyrnu hríð FH hérna sem endar með að þriðja hornið er tekið stutt á Halla og brotið er á honum og FHingar fá aukaspyrnu úti vinstra megin sem Kiddi setur inn á teiginn á Björn Daníel sem nær fínum skalla en Óli ver vel.

Lennon fær boltann inn á teig Fram og nær skoti sem fer af varnarmanni og boltinn dettur fyrir fætur Haraldar sem nær skoti en boltinn af varnarmanni og í hornspyrnu sem ekkert verður úr.

Framarar tapa boltanum á stórhættilegum stað og FH vinna boltann og keyra hratt upp. Matti Vill rennir boltanum út til hægri á Ástbjörn sem kemur boltanum fyrir en Framarar hreinsa í burtu.

FRED SARAVIA!!

Delphin flengir boltanum út til vinstri á Fred sem var réttstæður og Fred keyrir inn á teig og nær skoti með hægri en það slakt og ratar ekki á markið.

FHingar liggja á Fram þessa stundina og eru Framarar í hálfgerði nauðvörn. Það liggur mark í loftinu.

FH keyrir í hraða skyndisókn eftir hornið og skyndilega var Lennon komin með boltann inn í teig Fram og nær skoti en boltinn af varnarmanni og í horn. Hraði í þessu fyrstu mínúturnar.

FÆRI HJÁ FRAM!!!

Albert Hafsteins fær boltann hægra megin og Alex Freyr keyrir upp í utan á hlaup og fær boltann við vítateigslínuna og rennir boltanum út í teiginn þar sem Gummi Magg var en boltinn af varnarmanni og í horn.

FH stillir upp þriggja manna vörn en þeir Gummi Kri, Finnur Orri og Ólafur Guðmundsson byrja aftast. Ástbjörn og Haraldur Freyr eru vængbakverðir.

Ívar Orri hefur flautað þetta á og það eru gestirnir sem hefja leik.

Góða skemmtun!

Besta stefið er komið á og Ívar Orri leiðir liðin inn á völlinn og áhorfendur eru að koma sér fyrir. Þetta er að bresta á.

Hjá FHingum eru þrír bakverðir í byrjunarliði Óla Jó í kvöld og verður fróðlegt að sjá hvernig hann stillir þessu upp. Ástbjörn Þórðarson er líklegur í að vera færður upp á væng eða inn á miðjuna.



Ástbjörn Þórðarson gékk í raðir FH í vetur frá Keflavík.

Rúmur hálftími í leik og leikmenn beggja liða eru komin út á völl að hita. Kaplakrikavöllur er iðagrænn og kemur vel undan þessum þunga vetri.

Haraldur Einar byrjar gegn sínum gömlu félögum
Eggert Gunnþór Jónsson er ekki með FH-ingum en hann hefur verið settur til hliðar. Eggert byrjaði leikinn gegn Víkingi og skapaðist mikið fjaðrafok í kjölfarið.

Haraldur Einar Ásgrímsson og Björn Daníel Sverrisson koma inn í byrjunarlið FH. Eggert fer úr hóp og Baldur Logi Guðlaugsson sest á bekkinn. Haraldur Einar lék með Fram í fyrra og hjálpaði liðinu að komast upp í efstu deild.

Jón Sveinsson þjálfari Fram gerir þrjár breytingar á byrjunarliði sínu. Út fara Orri Gunnarsson, Indriði Áki Þorláksson og Jesus Yendis. Inn koma Alexander Már Þorláksson, Tryggvi Snær Geirsson og fyrirliðin Hlynur Atli Magnússon.

Dómaratríóið

Ívar Orri Kristjánsson fær það verkefni að dæma leikinn hér í kvöld og honum til aðstoðar verða þeir Guðmundur Ingi Bjarnason og Ragnar Þór Bender. Varadómari er Egill Arnar Sigurþórsson og eftirlitsmaður KSÍ er Sigurður Hannesson.

Fram

Framarar fengu KR í heimsókn í Safamýrina í frumraun sinni í deild þeirra bestu eftir langa fjarveru og töpuðu 1-4. Már Ægisson skoraði mark Fram.

Fimleikafélag Hafnarfjarðar

FH fór í Víkina í fyrstu umferð deildarinnar og mættu Víkingum í opnunarleik Bestu deildarinnar og töpuðu 2-1. Steven Lennon skoraði mark FH í þeim leik.

Góðan og gleðilegan daginn kæru lesendur og verið hjartanlega velkomin í þráðbeina textalýsingu frá Kaplakrika þar sem FH fær nýliða Fram í heimsókn í annari umferð Bestu deildar karla.