Keflavík vinna stórkostlegan sigur á Breiðablik!

Frábær leikur hjá Samönthu í marki þeirra klár faktor í þessum sigri!

Viðtöl og skýrsla væntanleg í kvöld!

Blikar fá vítaspyrnu!!!!!

Því miður fyrir Keflavík líklega réttur dómur.

Natasha er á leið á punktinn.

Samantha mætir vel út og hirðir boltann úr teignum áður en að Anna Petryk kemst í hann.

Samantha grípur vel inn í hornspyrnu.

Það eru að lágmarki þrjár mínútur í uppbótartíma.

Boltinn innarlega en fer afturfyrir.

Breiðablik fær hornspyrnu.

Blikum liggur á. Natasha komin í fremstu víglínu.

Hörkuskot frá Melinu en Samantha sem fyrr með vörslu,

Keflavík lifir á brúninni, Ásta með sprett og finnur Hildi í teignum sem nær ekki valdi á boltanum og Samantha hirðir hann upp.

Hildur í ágætu færi í teignum en boltinn yfir markið.

Þú hlýtur að vera að grínast!!!!!

Samantha með eina þá trufluðustu markvörslu sem ég hef séð. Anna Petryk alein á markteig vinstra meginn fær boltann og setur hann þéttingsfast á markið. Samantha virðis ekki eiga nokkurn einasta séns í boltann en hendir í eins og eitt gott handbolta X og slæmir hendi í boltann sem svífur rétt yfir slánna. Samantha fagnar vel og á alveg inni fyrir því!

Sú er að eiga leik hér í dag!

Pressa gestaliðsins farin að þyngjast verulega.

Keflavík dæmt brotlegt eftir hornið.

Ana Paula með hörkuskot eftir frábæra sókn Keflavíkur en Telma með stórgóða vörslu og slær í horn.

Heimakonur að berjast eins og ljón og verjast af miklu harðfylgi.

Breiðablik fær hornspyrnu.

Dröf og Ana leika vel sín á milli úti til vinstri. Dröfn setur boltann fyrir í svæðið milli varnar og markmanns en Elfa Karen skrefinu of sein og nær ekki til boltans.

Anna Petryk í ágætu færi vinstra megin í teignum eftir að Kristrún missir af boltanum en hittir boltann illa og setur hann talsvert framhjá.

Tash í dauðafæri eftir hornið en Samantha enn og aftur vel á verði og ver!

Fer rólega af stað, Blikar þó meira með boltann og freista þess að sækja,

Boltinn fyrir frá vinstri en Aníta Lind vel vakandi og kemur boltanum afturfyrir.

Seinni hálfleikur hafinn

Blikar hefja leik.

Óvænt staða og ekki í takt við gang leiksins almennt. En það er ekkert sem heitir sanngirni í fótbolta þegar allt kemur til alls.

Framundan 45 mínútur í viðbót.

Breiðablik fær horn.

Samantha kýlir boltann frá og seinni tilraun Helenu flýgur yfir allt og alla í teignum og endar afturfyrir.

Ég ætla bara að segja það. Ana Paula er frábær í fótbolta, með frábæra sendingu hér innfyrir á Amelíu sem þvi miður fyrir heimakonur nær ekki að taka boltann með sér.

Anna Petryk í þetta sinn með skalla en niðurstaðan sú sama. Boltinn í fang Samönthu.

Samantha enn og aftur að verja, sýnist það vera Karitas af stuttu færi en skalli hennar laus og Samantha vel á verði.

Samantha með alvöru vörslu

Taylor, Alexandra og Ásta með frábært spil úti til hægri sem endar með sendingu frá Ástu inn á teiginn fyrir fætur Karitas sem á skot af vítapunkti alein en Samantha eins og köttur ver glæsilega.

Nú er það Helena Ósk sem spreytir sig á langskoti en Samantha með þetta allt á hreinu.

Ásta með skotið frá vítateigshorni en boltinn framhjá markinu.

Anna Petryk fer illa með Anítu Lind úti til hægri, leggur boltann út í teiginn þar sem Karitas mætir á boltann en Kristrún Ýr hendir sér fyrir boltann og hreinsar svo frá marki í kjölfarið,

Alvöru færi og frábær varnarleikur!

Ana Paula með alvöru takta þræðir boltann á Dröfn sem leggur boltann inn í teiginn þar sem Elfa Karen nær til hans en hittir ekki markið úr þröngu færi.

Keflavík hættulegar þegar þær sækja hratt.

Ásta alein úti til hægri og það ekki í fyrsta skipti en fyrirgjöf hennar í þetta sinn afar slök og fer afturfyrir.

Hafði líklega alltof mikin tíma til að hugsa hvað hún ætlaði að gera.

Taylor með skotið eftir að aukaspyrnan var skölluð frá en boltinn víðsfjarri markinu.

Hildur með boltann úti til hægri og leikur í átt að marki.
Brotið á henni rétt við vítateiginn og Blikar fá aukaspyrnu.

Natasha með skallann eftir hornið en boltinn vel framhjá markinu.

Ásta er að fá rosalegan tíma og pláss úti hægra megin trekk í trekk. Með fyrirgjöfina en í þetta sinn skallar Aníta Lind boltann afturfyrir og Blikar fá horn.

Hildur með skot af talsverðu færi en boltinn beint í fang Samönthu í markinu sem fyrr.

Natasha með sjaldséð mistök þegar hún hittir ekki boltann og hleypir Önu á sprettinn. Ana sér ekkert nema markið og rýkur af stað en Heiðdís fylgir henni og kemur í veg fyrir að hún nái skoti á markið.

Amelía Rún gerir vel úti á hægri kantinum fyrir Keflavík og nær fyrirgjöf en boltinn of innarlega og í fang Telmu.

Heiðdís að mér sýnist með skalla að marki eftir horn en Samantha grípur vel inn í.

Ásta og Hildur enn að tengja saman. Fyrirgjöfin frá þeirri fyrrnefndu beint á kollinn á Hildi sem skallar rétt yfir af stuttu færi.

Pressa gestaliðsins að þyngjast.

Ásta með tíma og pláss úti hægra megin, finnur Hildi í fínu færi í teignum en skot hennar talsvert yfir markið.

Hildur Antons reynir skotið fyrir utan teig en boltinn svifur yfir markið.

Þarf lítið að koma á óvart að Blikar hafa verið með boltann svona um 80% af leiktímanum til þessa.

Keflavíkurliðið skipulagt og duglegt að loka svæðum.

Ásta Eir fer illa með Elfu Karen úti til hægri, leikur upp að endamörkum og á fyrirgjöf sem dettur ofan á þverslánna og afturfyrir.

Samantha var með þetta á hreinu þó og lét boltann fara.

Þetta er farið af stað hér í Keflavík. Það eru heimakonur sem hefja leik og sækja í átt að Sláturhúsinu.

Styttist óðum í leik og liðin að gera sig klár að ganga til vallar.

Ég er spenntur að sjá hvernig Keflavíkurliðið mætir til leiks en reikna sterklega með því að þær liggi aftarlega og freisti þess að beita skyndisóknum. Þar verður áhugavert að sjá baráttu Ana Santos við Nathöshu og varnarlínu Blika.

Anna Petryk kom vel inn í leik Breiðabliks í fyrsta leik og setti meðal annars gott mark.

Keflavík

Keflavík hóf mótið með látum með 4-0 sigri á KR á Meistaravöllum.
Ana Paula Santos Silva fór hamförum í þeim leik og setti þrennu en Dröfn Einarsdóttir gerði fjórða mark Keflavíkur.

Keflavík er spáð botnsæti deildarinnar en hafa sýnt það á undanförnum árum að þær eru sýnd veiði en ekki gefin. Breiðablik fann það á eigin skinni í fyrra og uppskar aðeins eitt stig úr leikjum liðanna það tímabil.

Breiðablik

Breiðablik mætti Þór/KA í fyrstu umferð og hafði 4-1 sigur. Hafrún Rakel Halldórsdóttir gerði tvö mörk Blika í leiknum en varð fyrir því óláni að ristarbrotna skömmu eftir að hafa komið Breiðablik í 3-0 og er því fjarverandi næstu vikur. Anna Petryk og Natasha Moraa Anasi sem er Keflvíkingum að góðu kunn og hefur verið lykilmaður í liði Keflavíkur undanfarin ár gerðu hin mörk Blika.

Líkt og oft áður síðustu ár er gert ráð fyrir því að Valur og Breiðablik berjist um titilinn þetta árið en Blikar geta slitið sig þremur stigum frá Val strax í blábyrjun móts eftir tap Vals gegn Þór/KA í gærkvöldi.

Önnur umferð heldur áfram

Gott kvöld lesendur og verið velkomin í beina textaælýsingu Fótbolta.net frá leik Keflavíkur og Breiðabliks í annari umferð Bestu deildar kvenna.