Öruggur Valssigur í höfn, Eftir heldur dapran fyrri hálfleik settu Valsmenn í fluggír í þeim seinni og sá Skagamenn aldrei til sólar. Viðtöl og skýrsla væntanleg.

Uppbótartími er að minnsta kosti tvær mínútur.

Hallur Flosason með fastann bolta fyrir markið en beint í fang Guy.

Skagamenn sækja horn. Lítið að gerast þessar mínúturnar annað.

Valsmenn fá hornspyrnu.

Skagamenn fá horn. Hafa lítið sýnt fram á við í seinni hálfleik.

Siguður Egill að fá sínar fyrstu mínútur í sumar.

Orri Hrafn kemur inn af krafti lætur vaða af vítateig en boltinn smellur í stönginni.

Valsmenn sækja enn. Ágúst Eðvald með hörkuskot úr D-boganum en setur boltann framhjá.

Valur fær aukaspuyrnu á hættulegum stað Jesper Juelsgard líklegur kandidat. Boltinn frá Arnóri beint á Árna.

Gísli Laxdal með langan sprett, með alla vörn Vals fyrir framan sig heldur hann áfram inn að vítateig þar sem hann ltur vaða á markið en skotið laust og ekki til teljandi vandræða fyrir Guy.

Guðmundur Andri í hörkufæri í teignum eftir snarpa sókn en Árni vel með fætinum í horn.

Arnór Smára í dauðafæri í teig ÍA en Árni ver með tilþrifum. Flaggið fer á loft að auki.

Hornið hreinsað frá beint á Tryggva Hrafn sem kemur með boltann aftur fyrir en skalli Hedlund vel yfir markið.

Birkir Már með sprett upp hægri vænginn en fyrirgjöf hans af varnarmanni og afturfyrir.

Birkir Már með sendingu yfir á Tryggva Hrafn sem tekur boltann í fyrsta en Árni ver vel í horn. Upp úr horninu verður ekkert.

Seinni hálfleikur hafinn Gestirnir hefja leik hér í síðari hálfleik og þurfa að sækja.

Það er kannski ekki úr vegi að óska Val og Valsmönnum til hamingju með daginn. En það var hinn 11.maí árið 1911 sem nokkrir drengir stofnuðu Fótboltafélag KFUM en nafni þess var breytt í Valur síðar á sama ári. Til hamingju með daginn Valur.

Þetta mark hér undir lokin á fyrri hálfleik er nákvæmlega það sem þessi leikur þurfti. Skagamenn þurfa að rífa sig upp úr skotgröfunum og taka sénsa í seinni sem mun bara opna leikinn.

Uppbótartími er að minnsta kosti 1 mínúta.

Vall er sestur á völlinn og þarf aðhlynningu. Ég held að hann sé hreinlega búinn Brynjar Snær að gera sig til í að koma inn á.

Valsmenn að gefa í, boltinn upp vinstri vænginn og fyrir markið þar sem Patrick reynir skotið en hittir ekki boltann.

Birkir Heimis með skot af löngu færi. Flugturn í Reykjavík þarf líklega að senda út viðvörun því boltinn fór langt yfir markið.

Gísli Laxdal með skot frá vítateigshorni vinstra megin, hættulaust með öllu.

Tryggvi Hrafn finnur Arnór Smára í úrvalsfæri við vítapunkt en Arnór hittir boltann afar illa og boltinn rúllar hættulaust framhjá markinu.

Juelsgard brýst upp völlinn, finnur Tryggva í svæðinu úti vinstra megin en fyrirgjöf Skagamannsins slök og beint í innkast hinum megin.

Valsmenn fá sína fyrstu hornspyrnu. Skagamenn skalla frá og Aron liggur eftir. Stendur fljótt upp og þarfnast ekki aðhlynningar.

Ágúst Eðvald og Gísli í alvöru návígi. Rekast saman á fullri ferð. Ágúst dæmdur brotlegur en spjaldið fær að sitja í vasanum.

Gísli Laxdal Þarf greinilega að leggja í vana minn að kvarta meira yfir því að lítið sé að gerast. Skagamenn breika 3 á 2, Kaj Leó finnur Gísla í hlaupinu inn á teiginn sem setur boltann rétt yfir úr frábæru færi.

Ég er hér ennþá. En það er rosalega lítið að gerast í þessum leik til þessa.

Góð fyrirgjöf frá Kaj fyrir markið, Eyþór og Gísli báðir hársbreidd frá boltanum en Birkir Már setur boltann afturfyrir í horn.

Þetta er helst til rólegt hérna. Mikill barningur á miðjum vellinum og vörn ÍA þétt.

ÍA Árni Jón Gísli, Aron, Davey J.Vall Oliver Köhler Gísli Steinar Kaj Eyþór

Valur Guy Birkir Hólmar Hedlund Julesgard Birkir Ágúst Arnór Tryggvi Patrick Guðmundur Andri Sýnist þetta vera nokkurn vegin svona hjá heimamönnum.

Fyrsta hornspyrna leiksins er Skagamanna.

Spyrnan tekin yfir á fjær, flaggið á loft.

Valsmenn verið beittari hér í upphafi. Skaginn fær aukaspyrnu á miðjum vallarhelmingi Vals. Köhler spyrnir.

Guðmundur Andri gerir vel nánast inn í markteig ÍA að taka við boltanum og leggja hann aftur út í teiginn. Gallinn var að þar var enginn Valsmaður. Pressan heldur áfram en Valsmenn dæmdir brotlegir.

Patrick og Arnór Smára leika vel sín á milli úti til vinstri en sending danans til baka á Arnór fyrir aftan hann og sóknin rennur út í sandinn.

Þetta er farið af stað hér á Origo vellinum. Það eru heimamenn sem hefja hér leik. Gulir og glaðir syngja af miklum móð strax í byrjun og allt eins og það á að vera.

Liðin að ljúka upphitun hér á Origo. Heimir Guðjóns er léttur á því og sýnir að hann hefur engu gleymt. Tekur eina létta utanfótarsendingu upp kantinn til að skila Skagamönnum bolta sem rataði yfir á rangann vallarhelming. Það voru gæði í þessu hjá Heimi.

Byrjunarliðin eru klár! Ein breyting á hvoru liði: Valsmenn gera eina breytingu á liði sínu frá jafnteflinu gegn FH á dögunum. Aron Jóhannsson er ekki í hóp hjá Val í kvöld en í hans stað kemur Arnór Smárason inn í liðið. Þá vekur athygli að Sigurður Egill Lárusson er á bekknum hjá Val í annað sinn í sumar, hann var líka í hóp gegn ÍBV í fyrstu umferð. Hjá ÍA kemur Alex Davey aftur inn í byrjunarlið ÍA en hann meiddist í 1. umferð gegn Stjörnunni. Alex kemur inn fyrir Hlyn Sævar Jónsson sem tekur sér sæti á bekknum. Benedikt Warén er þá kominn aftur á bekkinn en hann mátti ekki spila gegn Breiðabliki í síðustu umferð.

Garðar Gunnlaugs aftur í ÍA Sóknarmaðurinn Garðar Bergmann Gunnlaugsson hefur fengið félagaskipti frá Kára yfir í ÍA. Verður ekki með í kvöld að ég held vegna þess að leikheimild kemur ekki fyrr en á miðnætti.

Tríóið Þorvaldur Árnason sér um dómgæslu á Origo í kvöld. Hann fékk væna sneið af gagnrýni eftir síðasta leik sem hann dæmdi í Bestu þar sem hann að mati flestra dæmdi ekki tvær augljósar vítaspyrnur á Leikni gegn Víkingum. Vonandi að dómgæsla verði ekki umræðupunktur í leik kvöldsins. Þorvaldi til aðstoðar eru þeir Jóhann Gunnar Guðmundsson og Eysteinn Hrafnkelsson. Pétur Guðmundsson er varadómari og Eftirlitsmaður KSÍ er Einar Örn Daníelsson.

Fyrri viðureignir Síðan árið 2015 hafa liðin leikið tólf leiki sín á milli í efstu deild. Valmenn hafa haft sigur í sjö þeirra en Skagamenn í fimm. Ef tölfræðin væri alltaf heilög gæti maður dregið þá ályktun að jafntefli væri ólíkleg niðurstaða í leik kvöldsins. Markatala liðanna innbyrðis á sama tímabili er 27-18 Val í vil.

ÍA Skagamenn hafa að sama skapi hafið mótið þokkalega. Fimm stig úr leikjunum fjórum, sannfærandi sigur gegn Íslandsmeisturum Víkinga og tvö jafntefli gegn Stjörnunni og Fram settu stigin á töfluna fyrir ÍA. Þeim var þó kippt hressilega niður á jörðina í síðustu umferð þegar Blikar heimsóttu Norðurálsvöllinn og hreinlega völtuðu yfir Skagamenn en lokatölur urðu 1-5.

Valur Valsmenn hafa farið með miklum ágætum af stað í mótinu. Tíu stig að loknum fjórum umferðum verður að teljast gott en aðeins Breiðablik með fullt hús stiga hefur fengið fleiri stig. Ég persónulega get þó ekki sagt annað en að ég bjóst við að Valsliðið yrði heilt yfir meira sannfærandi í sínum leik en markatalan eftir 4 umferðir er 7-4. Staðreyndin er samt sú að fótbolti snýst fyrst og fremst um að sækja úrslit og það hafa Valsmenn svo sannarlega gert til þessa.

Velkomin til leiks Fimmta umferð Bestu deildar karla rúllar af stað í kvöld með fjórum leikjum. Hér í þessari textalýsingu Fótbolta.net ætlum við að fylgjast með leik Vals og ÍA en flautað verður til leiks klukkann 19:15