SKÝRSLAN: Vestri svarar fyrir tapið í 1. umferð
Hvað réði úrslitum?
Fyrri hálfleikur var mjög rólegur og hvorugt liðið náði góðum tökum á leiknum en Vestramenn mættu ákveðnari í seinni hálfleikinn og skoruðu tvö góð mörk eftir föst leikatriði.
Bestu leikmenn
1. Deniz Yaldir
Bæði mörkin í dag komu eftir föst leikatriði og Deniz Yaldir var sá sem tók þau í dag fyrir Vestra. Frábær spyrnumaður.
2. Aurelien Norest
Var traustur til baka í hægri bakverðinum og skoraði stórglæsilegt mark sem tryggði Vestramönnum sigurinn hér í dag.
Atvikið
Mörk breyta leikjum og fyrsta markið sem kom í upphafi seinni hálfleiks breytti svo sannarlega þessum leik.
Hvað þýða úrslitin?
Vestri sækja sín fyrstu stig á tímabilinu eftir erfitt tap í fyrsta leik. Afturelding er þó ennþá með eitt stig. Vestri situr nú í 8. sæti en Afturelding í því 10.
Vondur dagur
í staðinn fyrir að taka einhvern sérstakan fyrir ætla ég bara að tilnefna allt Aftureldingar liðið í seinni hálfleik þeir mættu einfaldlega ekki til baka úr klefanum í hálfleik.
Dómarinn - 4
Náði ekki að halda flæði leiksins nógu háu í dag og fyrsta markið var líklega ólöglegt.