SKÝRSLAN: Framarar enn í leit að fyrsta sigri eftir tap í Víkinni
Hvað réði úrslitum?
Það verður bara að segjast í fyrri hálfleik var leikurinn "nokkuð jafn" þar sem Víkingar sköpuðu sér engan haug af færum en voru bara geggjaðir fyrir framan markið og gerðu Víkingar út um leikinn í fyrri hálfleik. Framararnir fengu sín færi en bogalistin brást þeim í dag.
Bestu leikmenn
1. Erlingur Agnarsson
Skorar tvö mjög góð mörk í leiknum og sýndi mikil gæði fram á við í leiknum, tölurnar tala sínu máli
2. Kristall Máni
Allt fór í gegnum Kristal í sóknarleik Víkinga, Stalli með eina frábæra stoðsendingu og átti heilt yfir góðan dag framarlega á vellinum
Atvikið
Þriðja mark Víkinga var augnarkonfekt, mögnuð sending hjá Kristali Mána og eftirleikurinn hjá Erlingi engu síðri, frábært hlaup, frábær mótaka og frábærlega klárað.
Hvað þýða úrslitin?
Framarar eru ennþá án sigurs og sitja í neðsta sæti deildarinnar með 2 stig meðan Víkingar eru í fjórða sæti með 10 stig.
Vondur dagur
Höfrungurinn, Delphin Tshiembe var úti að aka í þessum leik þar sem hann leit alls ekki vel út í öðru marki Víkinga þegar að Erlingur var galopinn í teignum svo gerir hann sjálfsmark í stöðunni 3-1 þegar að Framarar voru að komast inn í leikinn og gerði þar út um allar vonir Framara að ná í stig úr þessum leik.
Dómarinn - 6
Villi Alvar bara svona "allt í lagi, ekki gott" í kvöld, sleppti augljósri bakhrindingum sem var hársbreidd frá því að leiða til marks svo sleppir hann vítaspyrnu þegar að Axel Freyr fer niður í teignum en fyrir utan það bara fínt.