STJARNAN TRYGGÐI SÉR SIGURINN Í UPPBÓTARTÍMA!

Uppbótartíminn er að minnsta kosti 4 mínútur.

Guðmundur Andri með skalla framhjá.

Jesper með fyrirgjöf sem fer af varnarmanni og í horn.

Jesper skýtur í vegginn.

Ágúst Eðvald fær aukaspyrnu á hættulegum stað. Jesper gerir sig líklegan.

Danni Finns með skot framhjá. Boltinn fór af varnarmanni. Horn.

Óskar Örn að gera sig kláran. Gerir hann gæfumuninn?

Halli Björns ver frá Tryggva. Flaggið á loft. Hefði ekki talið.

Áhorfendur í kvöld: 923.

Jesper skallar boltann út úr teignum í þetta sinn.

Óli Valur vinnur hornspyrnu. Danni Finns tekur spyrnuna. Jesper skallar boltann í annað horn.

Ágúst Eðvald með skot í varnarmann.

Daníel Finns að gera sig kláran í að koma inn í sínum fyrsta leik fyrir Stjörnuna. Ísak Andri líka að mæta til leiks.

Eggert Aron með skot en Guy Smit ver af öryggi.

HALLI BJÖRNS MEÐ ROSALEGA VÖRSLU! Orri Hrafn með snúning og er í dauðafæri en Halli lokar á hann.

Emil Atlason skýtur framhjá eftir fyrirgjöf frá hægri.

STÖNGIN!!! Birkir Heimisson með flott skot sem fer í stöngina! Boltinn dettur svo á Orra Hrafn sem skýtur yfir.

Það komu fjögur gul spjöld í fyrri hálfleiknum.

Seinni hálfleikur er farinn af stað - Emil Atlason með upphafsspyrnu seinni hálfleiks. Engar breytingar í hálfleik.

Liðin mætt aftur út á völl og þá getur seinni hálfleikurinn farið af stað. Við viljum mörk, takk.

Rétt í blálok hálfleiksins fékk Stjarnan hættulega sókn en Óli Valur missti aðeins jafnvægið. Náði þó fyrirgjöf en Guy Smit hirti hana.

Markalaust.

Jesper með góða hornspyrnu en Valsmenn ná ekki að nýta sér þetta.

Skyndisókn Vals. Guðmundur Andri með sendingu á Tryggva sem skýtur í Björn Berg Bryde og afturfyrir. Horn.

Fólk farið að tínast í hlýjuna á Dúllubarnum.

Guðmundur Andri með laglegan snúning rétt fyrir utan teig og lætur svo vaða, enda markamínútan mikla. Skotið yfir.

Hafliði Breiðfjörð er að sjálfsögðu á vellinum, vopnaður myndavélinni.

"Tindastóll! Tindastóll!" hrópar Silfurskeiðin. Tindastóll - Valur í körfunni seinna í kvöld.

BESTA FÆRI VALS! Skyndilega var Tryggvi Hrafn kominn í frábæra stöðu en Halli Björns náði að verja frá honum í teignum.

Jóhann Árni með fyrirgjöf en Emil nær ekki til boltans. Heimamenn halda áfram að vera miklu betri.

Eggert Aron fer niður í teignum í baráttu við Hauk Pál en ekkert dæmt. Haukur Páll bálreiður og vill gult spjald á Eggert fyrir leikaraskap en Sigurður Hjörtur gerir ekkert.

SVAKALEGA GOTT FÆRI!!! Adolf Daði skýtur framhjá eftir flottan undirbúning frá Eggerti Aroni. Klárlega besta færið til þessa.

Emil Atlason með fína skottilraun en Guy Smit ver.

Birkir Heimisson með hættulega stungusendingu sem var ætluð Tryggva en BBB með flottan varnarleik og kemst inn í sendinguna.

Garðbæingar mun meira með boltann og hafa tekið völdin í leiknum eftir rólega byrjun.

Þórarinn Ingi þarf aðhlynningu en getur haldið leik áfram.

Ólafur Karl Finsen með skot framhjá. Stjörnumenn að eiga fínan kafla.

Stjarnan fékk fyrstu hornspyrnu leiksins. Jóhann Árni sem tók hana. Boltinn til Ólafs Karls sem náði ekki völdum á knettinum og missti hann útaf. Markspyrna.

Orri Hrafn með skot en beint í fangið á Halla. Valur með allar marktilraunirnar hér í upphafi leiks.

Svona er þá byrjunarlið Vals eftir breytingarnar rétt fyrir leik: Guy Smit Birkir - Hólmar - Hedlund - Jesper Birkir Heimis - Haukur Páll Ágúst Galdri - Tryggvi - Orri

Tryggvi Hrafn með skot úr aukaspyrnu sem Haraldur ver.

Tvær breytingar á byrjunarliði Vals rétt fyrir leik. Haukur Páll Sigurðsson og Orri Hrafn Kjartansson komu inn fyrir Arnór Smárason og Patrick Pedersen sem hafa væntanlega ekki komist í gegnum upphitun. Haukur með fyrirliðabandið.

Ágúst Eðvald með fyrsta skot leiksins en Halli Björns ver.

Lið Stjörnunnar: Halli Björns Óli Valur - BBB - Sindri - Þórarinn Daníel Jóhann Árni - Finsen Eggert - Emil - Adolf

Valsmenn hefja leik, sækja í átt að skólanum í fyrri hálfleik. Blátt gegn rauðu, alltaf klassískt.

"Eniga meniga, Heiðar elskar peninga" syngur Silfurskeiðin til Heiðars Ægissonar sem er að koma sér fyrir á varamannabekk Vals.

Áhorfendur flestir vel klæddir enda er frystikistan að standa undir nafni. Sigrún María er að kynna liðin og allt að verða klárt. Fimm mínútur í leik.

Leik lokið á Akranesi þar sem KA vann 3-0 sigur. Arnar Grétars og lærisveinar hans hafa múrað fyrir. Neita að fá á sig mörk.

Byrjunarlið Vals: Guy Smit Birkir - Hólmar - Hedlund - Jesper Birkir Heimis - Ágúst Arnór Galdri - Patrick - Tryggvi Skoðum uppstillingu Stjörnunnar þegar leikurinn fer af stað.

Páló vaktin. Hann er mættur í stúkuna. Skál fyrir því.

Enginn í Bestu deildinni hefur varið fleiri skot en Hollendingurinn í marki Vals.

pic.twitter.com/rCAAdIUdXy

— Besta deildin (@bestadeildin) May 15, 2022

Einum leik er lokið í dag en FH vann heimasigur gegn ÍBV. Þá er KA að vinna ÍA á Skaganum en sá leikur er í gangi. Smelltu hér til að fara í beina textalýsingu frá Akranesi en þar er Anton Freyr Jónsson með puttana á púlsinum.

Tvær breytingar á byrjunarliði Stjörnunnar. Björn Berg Bryde og Ólafur Karl Finsen koma inn. Ísak Andri Sigurgeirsson og Guðmundur Baldvin Nökkvason setjast á bekkinn. Óskar Örn Hauksson er áfram á bekknum og þar er einnig Daníel Finns Matthíasson sem kom frá Leikni á dögunum og gæti spilað sinn fyrsta leik fyrir Stjörnuna í kvöld.

Byrjunarliðin eru komin inn. Heimir Guðjónsson breytir ekki sigurliði. Sama lið og vann ÍA 4-0. Aron Jóhannsson er enn fjarverandi og er ekki í leikmannahópnum.

Hér í Garðabænum er Queen í græjunum þegar rúmur klukkutími er í leik. Byrjunarliðin eru að fara að detta inn og verður fróðlegt hvort Heimir Guðjóns haldi sig við það að breyta ekki sigurliði.

Valsmenn eru í öðru sæti með þrettán stig, tveimur stigum á eftir toppliði Breiðabliks. Ekkert lið hefur náð að vinna Val. Þeir rauðu kreistu fram sigra í fyrstu leikjunum en í síðustu umferð léku þeir á als oddi í seinni hálfleik gegn ÍA og unnu á endanum 4-0. Tryggvi Hrafn Haraldsson skoraði tvö mörk og var valinn leikmaður umferðarinnar.

Stjarnan er með átta stig eftir fimm umferðir en liðið tapaði fyrir Breiðabliki í síðustu umferð 3-2. Það hefur verið gaman að horfa á leiki Stjörnunnar í upphafi móts, ungir leikmenn skinið skært og Emil Atlason verið funheitur við mark andstæðingana. Hann hefur skorað sex mörk og er markahæstur ásamt Ísaki Snæ Þorvaldssyni.

Dómari í kvöld er Sigurður Hjörtur Þrastarson sem er einnig þekktur fyrir að sinna handboltadómgæslu. Oddur Helgi Guðmundsson og Ragnar Þór Bender eru aðstoðardómarar og með skiltið í kvöld er Aðalbjörn Heiðar Þorsteinsson. Eftirlitsmaður er svo nestorinn sjálfur, Gylfi Þór Orrason.

Góðan og gleðilegan daginn. Vonandi kusuð þið rétt í gær. Í kvöld fylgjumst við með leik Stjörnunnar og Vals í Bestu deildinni. Gómsætur leikur á Samsungvellinum.