Valsmenn fundu engan veginn taktinn í fyrri hálfleik en leikur þeirra skánaði í þeim seinni. En Stjarnan varðist vel með Halla Björns í stuði í búrinu. Gæðin af bekknum kláruðu þetta svo fyrir Stjörnuna.

Óskar Örn Hauksson byrjaði á bekknum annan leikinn í röð en kom inn og skóp sigurmarkið í leiknum. Mark sem er væntanlega verið að fagna á Dúllubar í þessum skrifuðu orðum. Óskar sýndi gæði sín enn og aftur. Fastlega má búast við því að hann byrji í næstu umferð.

Valsmenn töpuðu sínum fyrsta deildarleik á tímabilinu. Stjarnan lyfti sér upp í fjórða sætið. Liðið hefur verið að missa leiki niður í lokin en nú snéri það dæminu við.

Sóknarmenn Vals tóku oft vondar ákvarðanir á síðasta þriðjungi vallarins.

Full spjaldaglaður fyrir suma og smá spurningamerki við samræmið en annars dæmdi hann leikinn þokkalega.