SKÝRSLAN: KA menn unnu á Skaganum og eru komnir á toppinn
Hvað réði úrslitum?
KA menn voru heilt yfir sterkari á vellinum í kvöld. Eftir mikið jafnræði með liðunum til að byrja með þá kemur Daníel Hafsteinsson KA yfir með stórkostlegu marki á 11.mínútu leiksins og eftir það gerðist lítið sem ekkert. Síðari hálfleikurinn var meiri skemmtun og KA menn nýttu sín færi sem Skagamenn buðu upp á með slæmum varnarleik. ÍA fékk tækifæri til að koma sér inn í leikinn á 58 mínútu þegar ÍA fékk víti en Gísli Laxdal klúðraði og KA menn silgdu sigrinum heim eftir það.
Bestu leikmenn
1. Daníel Hafsteinsson (KA)
Var besti maður vallarins. Skoraði stórkostlegt mark með alvöru hamri á 11. mínútu leiksins og lagði einnig upp þriðja mark KA á Jakob Snæ Árnason. Daníel stýrði miðju KA allan leikinn og var frábær.
2. Steinþór Már Auðunsson (KA)
Steinþór Már gerði það sem hann þurfti að gera og var öruggur allan leikinn. Stubbur varði einnig víti Gísla Laxdals á vendipunkti leiksins í stöðunni 2-0 fyrir KA.
Atvikið
Þegar Steinþór Már varði víti Gísla Laxdal í stöðunni 0-2 - Algjör vendipuktur leiksins en Skagamenn hefðu geta komið sér inn í leikinn en Steinþór Már gerði vel og varði vítið.
Hvað þýða úrslitin?
Skagamenn sitja áfram í áttunda sæti deildarinnar með fimm stig en KA menn eru komnir á toppinn tímabundið en liðið er komið með 16.stig, stigi á undan Breiðablik sem getur endurheimt toppsætið á morgun.
Vondur dagur
Varnarleikur ÍA - Voru að bjóða KA mönnum upp á dans í dag og liðið hefur fengið á sig 12 mörk í síðustu þremur leikjum og er varnarleikurinn eitthvað sem Skagamenn þurfa að laga.
Dómarinn - 8
Mér fannst Vilhjálmur leyfa leiknum að fljóta vel í dag og vítaspyrnudómurinn var hárréttur.