Leiknum er lokiuð. KR vinnur öruggan 3-0 sigur og fer áfram í bikarnum. Viðtöl og skýrsla innan skamms.

93 Mín. Kenni Chopart með skot yfir úr teignum eftir flottan undirbúning frá Ægi

Fimm mínútum bætt við

Emil enn í færum. Skýtur í innkast úr ágætis færi.

Þarna hefði KR hæglega getað klárað leikinn eftir hraða sókn. Hallur renndi boltanum fyrir á Ægi Jarl sem hafði allann tímann í heiminum til að hlaða í skot einn gegn Haraldi en Halli sá við honum. Hallur fékk frákastið og skaut í hliðarnetið.

Aftur er Stjarnan í hörkufæri en leikmenn fara illa að ráði sínu. Frábær undirbúningur frá Óla Val sem sendir boltann inn á teiginn á Emil sem virðist renna í grasinu. Stjörnumenn vilja fá víti en mér sýnist hann bara hafa runnið

Nú er KR í góðu færi. Atli vinnur boltann á góðum stað og rennir honum á Stefán Ljubicic sem setur boltann yfir markið.

Stjörnunni er ekki ætlað að skora. Fá geggjað færi eftir fyrirgjöf frá vinstri. Fyrst missir Adolf af boltanum áður en Óli Valur setur boltann í hliðarnetið.

Danni Finns með skot framhjá. Nú fer hver að verða síðastur í liði heimamanna til að hleypa lífi í þetta.

Það eru ekki sömu yfirburðir hjá KR í seinni hálfleik, sem hefur reyndar verið saga þeirra í sumar. Ef Stjörnumenn ná að skora fljótlega gæti þetta orðið að leik!

Kjartan Henry var gjörsamlega aleinn á vallarhelmingi Stjörnuliðsins sloppinn í gegn. Fer framhjá Halla í markinu en Brynjar Gauti er fljótur að átta sig. Skilar sér til baka og bjargar í lokin.

EMIL ATLASON!! Eins og hann hefur verið duglegur við markaskorun í sumar virðist hann eiga off dag núna. Fékk færi af markteig eftir fyrirgjöf frá Ísaki en hitti ekki boltann

Besta færi Stjörnumanna til þessa. Emil Atlason með skalla naumlega yfir eftir góða sókn

Hálfleikur. KR 2-0 yfir í hálfleik. Flottur leikur hjá KR en heimamenn þurfa að gera miklu betur

+2 Stjarnan fær horn en dæmt sóknarbrot í sömu andrá og það er sparkað í boltann. Lýsandi fyrir sóknarleik Stjörnuliðsins í dag.

Grétar Snær með fína skottilraun eftir horn en boltinn yfir markið.

Jóhann Árni á hér skot fyrir heimamenn en það er beint á Beiti sem á ekki í teljandi vandræðum með að verja.

Finnur Tómas skokkar aftur inn á og virðist vera í lagi. Leit verr út en raunin varð

Ljótur árekstur á vellinum. Pálmi (KR) ýtir Eggerti, leikmanni Stjörnuliðsins á Finn Tómas í KR og þeir skella harkalega saman. Finnur liggur eftir. Vonandi ekki alvarlegt

Stjörnumenn vildu fá aukaspyrnu í aðdraganda marksins og eru allt annað en ánægðir með dómarann. Eftir endursýningu verð ég eiginlega að vera sammála þeim.

Óli Valur með geggjaðan sprett og fíflar nánast alla varnarlínu KR. En skotið er slakt og beint á beiti. Amk jákvætt að sjá aðeins meiri brodd í Stjörnunni. Sóknarleikur þeirra hefur ekki verið upp á marga fiska fyrsta hálftímann.

KR ingar halda áfram að búa til hættu. Hægri vængurinn að dæla inn fyrirgjöfum og Halli er með nóg að gera í markinu

Loksins kom líf í Stjörnuna. Óskar Örn með skot naumlega yfir.

Núna á Kennie hörkuskot við enda teigsins en Halli gerir vel að verja. Einstefna ða marki heimamanna.

Aftur gott færi hjá KR. Atli Sigurjóns með fyrirgjöf beint á kollinn á Kjartani sem náði ekki nægum krafti í skallann og Haraldur ver í markinu

Kjartan Henry í ágætis færi eftir stungusendingu frá Halli en skotvinkillinn var orðinn þröngur og skotið framhjá.

Ekkert varð úr horninu en KR heldur áfram að ógna. Mjög grimmir hérna í Garðabænum. Heimamenn eiga í stökustu vandræðum við að komast fram yfir miðju.

KR liðið miklu betra þessar fyrstu mínútur. Eiga núna hornspyrnu frá vinstri

KR á horn eftir 35 sekúndur en ekkert verður úr horninu

Þetta er farið af stað. Gestirnir úr KR eiga upphafssparkið

Þetta er þriðji leikurinn sem ég textalýsi fyrir Fótbolta.net í sumar. Í fyrri leikjunum tveimur hafa verið samtals 12 mörk, mikið stuð og dramatík. Ég vona bæði mín og áhorfenda vegna að þessi leikur verði jafn skemmtilegur

10 mínútum fyrir leik verður að segjast að mætingin er ekkert sérstök. Örfáir í stúkunni. Vonandi að það týnist inn fólk áður en leikurinn verður flautaður á.

Óskar Örn Hauksson er hér að mæta sínum gömlu félögum úr KR, þar sem hann lék í fjöldamörg ár.

Við hlupum aðeins á okkur hér að neðan. Það er Jóhann Ingi Jónsson sem flautar leikinn en ekki Þorvaldur Árnason

Ágúst Gylfason gerir tvær breytingar á liði Stjörnunnar frá síðasta leik í Bestu deildinni en Daníel Laxdal og Ólafur Karl Finsen detta út og þá koma þeir Óskar Örn Hauksson og Eggert Aron Guðmundsson inn. Rúnar Kristinsson gerir einnig tvær breytingar á liði KR en Kjartan Henry Finnbogason og Pálmi Rafn Pálmason koma inn fyrir Þorstein Má Ragnarsson og Stefan Ljubicic.

Þorvaldur Árnason er dómari leiksins í dag og er með þá Andra Vigfússon og Kristján Má Ólafs sér til aðstoðar á línunum. Erlendur Eiríksson er á skiltinu og eftirlitsmaður KSÍ er Gunnar Jarl Jónsson. Þorvaldur Árnason dæmir í dag.

Góðan daginn og verið velkomin í beina textalýsigu frá viðureign Stjörnunnar og KR í 32 liða úrslitum Mjólkurbikars karla. Leikurinn hefst klukkan 19:45 á Stjörnuvelli í Garðabæ.