Heil og sæl og velkomin í beina textalýsingu frá leik KR og Fram í Pepsi-deildinni sem kokkurinn úr Sandgerði, Magnús Þórisson, flautar á klukkan 18:00. Aðstoðardómarar eru Frosti Viðar Gunnarsson og Andri Vigfússon.

Byrjunarliðin má sjá til hliðar. Viktor Bjarki Arnarsson er í banni og er ekki með KR í kvöld. KR stillir fram sama byrjunarliði og vann glæsilegan sigur gegn FH í síðustu umferð. Kjartan Henry Finnbogason er á bekknum áfram en athygli vekur að KR er með tvo varamarkverði á bekknum sínum.

Framarar leika ekki með neinn eiginlegan sóknarmann í dag. Skiljanlegt að Þorvaldur Örlygsson stilli fram varnarsinnaðri uppstillingu eftir sýninguna sem KR hélt í Krikanum. Sveinbjörn Jónasson er geymdur á bekknum.

KR er fimm stigum á eftir toppliði FH. Framarar eru í tíunda sæti, aðeins stigi á undan Selfossi sem er í fallsæti. Þetta er því gríðarlega mikilvægur leikur fyrir bæði lið sem berjast á sitthvorum enda töflunnar. Ef KR vinnur ekki leikinn verður staða FH augljóslega enn betri svo sigur ekkert annað kemur til greina hjá heimamönnum.

Liðin hita upp við tóna frá Björgvini Halldórssyni. Gullvagninn er í spilaranum hjá Hlyni Valssyni vallarþul. Þess má geta að hann leikur með Snæfellingum frá Stykkishólmi.

Jæja, spámenn kvöldsins eru mættir: Ingvar Örn Ákason, fréttastjóri Sport.is: 2-1 sigur KR. Alexander Freyr Einarsson, 433: 3-0 fyrir KR. Smalinn með þrennu. Kolbeinn Tumi Daðason, 365: 4-0. Punktur. Kristján Jónsson, Bolvíska stálið á Morgunblaðinu: Klassískt 2-0. Bjarni Fel, legend: Þetta er 2-1.

Leikurinn er hafinn - Framarar sækja í átt að KR-heimilinu. Ekki margir áhorfendur mættir á KR-völlinn, sérlega fáir Fram-megin í stúkunni.

Hörkufæri! Fyrirgjöf frá Kristni Inga á Sam Hewson sem var í skallafæri en hitti ekki rammann.

Framarar byrja þennan leik af krafti. Kristinn Ingi er í fremstu víglínu hjá þeim í kvöld.

Framarar hafa átt miðsvæðið það sem af er. Almarr var nálægt því að spóla sig í gegn en var stöðvaður á síðustu stundu.

Þvílíkt tækifæri! Skyndisókn hjá KR-ingum sem voru komnir 2 gegn 1 en Óskar Örn fór illa að ráði sínu og sparkaði knettinum á eina staðinn sem hann átti ekki að fara á. Alan Lowing náði að verjast þessu.

Völlurinn blautur og menn eru rennandi um allt.

Skemmtilegt atvik. Boltinn af Magnúsi dómara og í innkast. Framarar fá svo innkastið svo menn í blaðamannastúkunni grínast með að Magnús sé þá augljóslega KR-ingur.

Er hrifinn af baráttuanda Fram-liðsins hingað til. Hörkuleikur í gangi.

Lykilmenn KR þurfa að stíga upp. Menn eru langt frá því að sýna sömu tilþrifin og í Krikanum.

Síðasti sigur Fram í deildarleik í Vesturbænum kom í júní árið 2000. Steinar Guðgeirsson og Sigurvin Ólafsson skoruðu mörk Framara í 2-1 sigri en Einar Þór Daníelsson skoraði þá mark KR. Mun tólf ára bið Fram ljúka í kvöld.

Hlynur Atli Magnússon með frábæra tæklingu og kemur í veg fyrir að Óskar Örn Hauksson kemst í dauðafæri.

Hálfleikur - Baráttuglaðir Framarar leiða. KR-ingar verið mjög daprir.

Kristinn Ingi með stórhættulegan bolta fyrir. KR-ingar ekki byrjaðir í seinni hálfleik og feilsendingarnar frá þeim koma á færibandi.

Jæja! KR sýnir smá lífsmark. Gary Martin með skot yfir.

Þvílík ringulreið í teignum hjá KR! Endar með skoti sem Hannes náði að verja frá Kristni. Vandræðagangurinn heldur áfram hjá KR.

Ég fæ ekki nóg af því að hrósa vinnusemi Framliðsins í kvöld.

DAUÐAFÆRI!!! Sam Tillen einn á móti Hannesi en skaut beint á markvörðinn! Þarna hefði hann nánast gert út um leikinn.

Örlítið meira líf í KR núna. En Fram á að vera búið að gera út um þennan leik! Spurning hvort gestirnir fái það í bakið að hafa ekki nýtt færin.

KR ansi nálægt því að jafna metin! Baldur Sigurðsson með hörkuskot fyrir utan teig sem Ögmundur náði að verja en hélt ekki boltanum. Atli Sigurjónsson kom á siglingunni en Ögmundur náði svo aftur að klófesta knöttinn.

KR-ingar að sækja í sig veðrið. Útlit fyrir taugastrekkjandi lokamínútur fyrir gestina.

Stórsókn hjá KR! Ótrúlegt að liðið hafi ekki skorað. Kjartan Henry fékk svo færi en Fram náði að verjast þessu!

ÓTRÚLEGAR mínútur í gangi. Bæði lið búin að fá algjör dauðafæri. Sveinbjörn fyrst hjá Fram en Hannes varði og svo Gary Martin hinumegin en Ögmundur varði.

LEIK LOKIÐ - Jafntefli í mögnuðum leik! Framarar mun betri lengst af en KR-ingar bitu frá sér á lokasprettinum.