Komiði sæl og verið velkomin í beina textalýsingu frá leik Keflavíkur og Vals í Pepsi-deild karla. Liðin eru klár hér sitthvorum megin við textann.

Keflvíkingar þurfa að brydda upp á nýtti miðju í dag því allir miðjumennirnir úr síðasta leik sem var 0-1 sigur í Vestmannaeyjum eru í leikbani í dag. Þetta eru þeir Denis Selimovic, Frans Elvarsson og Einar Orri Einarsson. Í þeirra stað koma inn í byrjunarliðið þeir Sigurbergur Elísson, Rafn Markús Vilbergsson og Jóhann Birnir Guðmundsson.

Valur gerir tvær breytingar frá 1-2 tapi gegn Fylki í síðasta leik Matarr Jobe í leikbanni og Andri Fannar Stefánsson á bekknum og í þeirra stað koma Úlfar Hrafn Pálsson og Haukur Páll Sigurðsson

Keflvíkingar verða að fá hrósið því þeir eiga það skilið. Það er hvergi eins góð tónlist spiluð á vellinum fyrir leiki og hér. Alvöru rokk og ról sem kemur öllum í stuð, innan sem utan vallar.

Liðin eru komin út á völl. Haraldur Freyr Guðmundsson fær núna afhentan blómvönd fyrir að hafa spilað 100 leiki fyrir Keflavík.

Leikurinn er hafinn. Heimamenn í Keflavík byrja með boltann og leika í átt að íþróttahúsinu.

Svona er liðunum stillt upp í dag. Keflavík Ómar Hilmar Geir - Rafn Markús - Haraldur - Jóhann Ben Magnús Þór - Sigurbergur Jóhann Birnir Bojan - Guðmundur - Magnús Þórir Valur Sindri Jónas Næs - Atli Sveinn - Halldór Kristin - Úlfar Hrafn Guðjón Pétur - Rúnar Már Haukur Páll Matthías - Kolbein - Kristinn Freyr

Valsmenn setja mikla pressu á Keflavík í byrjun leiks. Úlfar Hrafn var að setja boltann í netið í kjölfar tveggja dauðafæra sem Ómar náði að verja. Markið var dæmt af vegna rangstöðu. Mínútu síðar skaut Kolbeinn framhjá úr fínu færi.

Það eru ekki bara almennir stuðningsmenn í stúkunni. Hingað er mættur Bjarni Jóhansson þjálfari Stjörnunnar og Heimir Guðjónsson og Guðlaugur Baldursson þjálfarar FH auk annarra.

Jóhann Birnir með fast skot utan af velli sem Sindri varði en hélt ekki boltanum. Valsmenn náðu að hreinsa frá.

Kolbeinn með fast skot úr þröngu færi sem Ómar varði í stöngina.

Haukur Páll með skot fyrir utan teig sem fór rétt framhjá marki Keflavíkur.

Þessi leikur er bara einstefna. Rúnar Már fékk núna sendingu frá Hauki Páli utarlega í teignum og skaut rétt framhjá.

Það er kominn hálfleikur á Nettóvellinum í Keflavík. Valur er með 0-1 forystu og manni fleiri.

Síðari hálfleikur er hafinn. Engar breytingar eru gerðar á liðunum.

Kolbeinn með fast skot að marki Keflavíkur sem Ómar varði. Mínútu síðar var Rúnar Már með skot rétt framhjá marki Keflavíkur.

Rúnar Már skaut yfir markið úr aukaspyrnu af 35 metra færi.

Það eru 850 áhorfendur á Keflavíkurvelli.

Keflavík vildi vítaspyrnu eftir að Bojan Ljubicic féll í teignum eftir viðskipti við Úlfar Hrafn. Heimamenn í stúkunni eru mjög ósáttir við Þórodd dómara sem valdi að flauta ekki.

Ómar greip vel inní eftir að boltinn skaust að marki eftir tæklingu Hauks Páls í teignum.

Sigurbergur Elísson með skot í varnarmann og horn.

Kolbeinn tók góðan snúing rétt fyrir utan teig og fast skot að marki sem Ómar varði. Skömmu áður hafði Haukur Páll skallað rétt framhjá eftir aukaspyrnu Úlfars Hrafns.

Rúnar Már ætlar að skora. Fyrst skaut hann í stöngina og mínútu síðar rétt framhjá.

Leiknum er lokið með 0-4 sigri Vals sem með því hefur sætaskipti við Keflavík, fara í sjötta sætið. Frekari umfjöllun og viðtöl hér á Fótbolta.net síðar í kvöld.