SKÝRSLAN: Fyrsti sigur Aftureldingar í hús
Hvað réði úrslitum?
Mikil harka var á milli liðanna og voru liðin bæði frekar jöfn. Afturelding var meira með boltann, en Þróttur Vogum átti betri marktilraunir. Það sást meira í reynslu og skipulag hjá Aftureldingu og það kláraði þennan leik. Í heild sinni var þetta mjög spennandi og góður leikur sem gat alveg endað með fleiri mörkum.
Bestu leikmenn
1. Esteve Pena Albon (Afturelding)
Esteve Pena átti sturlaðan leik í dag. Hann varði allavega tvö dauðafæri og hélt Aftureldingu áfram inn í leiknum í fyrri hálfleik. Hann á alltaf skilið að vera valinn besti maður vallarins.
2. Kári Steinn Hlífarsson (Afturelding)
Ætla gefa Kára þetta fyrir góða frammtistöðu í þessum leik. Skoraði eina markið.
Atvikið
Atvik leiksins var þegar Esteve varði þessi tvö dauðafæri sem Þróttur Vogum átti. Áhorfendurnir héldu að Vogamenn væru að fara að skora.
Hvað þýða úrslitin?
Þróttur vogum er enn í neðsta sæti með eitt stig. Afturelding fer upp í áttunda sæti með sex stig.
Vondur dagur
Mér fannst framherjar Þróttar eiga lélagan dag, þeir gátu gert betur. Michael Kedman og Andri Már gátu gert betur. Pablo Gállego sem fremsti maður og Haukur Leifur sem var rétt fyrir aftan hann áttu báðir lélegan leik.
Dómarinn - 6
Mér fannst dómarinn oft ekki dæma þegar verið var að brjóta á. Stundum var svo dæmt á brot þegar farið var fyrst í boltann.