SKÝRSLAN: Náttúruvöldin á skaganum skila jafntefli fyrir ÍA og FH
Hvað réði úrslitum?
Aðstæðurnar voru alveg hrikalegar. Völlurinn rennblautur og mikið rok gerði það að völdum að það var ekki hægt að spila mikinn fótbolta. Báðum liðum tókst þó að skora mark en það leit ekki þannig út lengi þannig sanngjörn niðurstaða.
Bestu leikmenn
1. Baldur Logi Guðlaugsson (FH)
Leikur FH breyttist mikið eftir að Baldur kom inn á, meðal annars þar sem að hann tók hornin urðu þau miklu betri og hættulegri. Svo kom hann með kraft og orku á miðsvæðið.
2. Kaj Leo Í Bartalstovu (ÍA)
Skagamenn áttu ekki mikið af hættulegum sóknum en þar sem það var einn maður sem skoraði fyrir þá og skilar þessum punkti gef ég Kaj Leo þennan heiður. Hann átti fína kafla í leiknumen áræðnin hans í markinu var mjög góð.
Atvikið
Rauða spjaldið hjá Davíð Snæ var virkilega klaufalegt. Með völlinn svona rennandi blautann þá á Davíð ekki að vera renna sér svona harkalega á eftir bolta sem hann er búinn að tapa og þetta var hárréttur dómur.
Hvað þýða úrslitin?
Staðan hjá liðunum breytist verulega lítið. Bæði lið eru áfram í sama sæti eða FH í 9. sæti og ÍA í 10. sæti.
Vondur dagur
Atli Gunnar Guðmundsson markvörður FH átti ekki sinn besta dag. Hann gerist sekur um hrikalega mistök í markinu þar sem snertingin hans á boltanum fer alltof langt frá honum og svo virðist sem sjálfstraustið hafi farið eftir það. Hann átti nokkur önnur moment þar sem hann virkaði óöruggur og skagamenn klaufar að nýta sér það ekki.
Dómarinn - 9
Pétur og hans teymi voru frábær í kvöld. Það var nóg af tækifærum fyrir Pétur að flauta eða spjalda en hann reyndi að gera það bara í nauðsyn. Það voru 2 stór atvik það er rauða spjaldið og mögulegur vítadómur seint í leiknum en mér fannst báðir dómar hárréttir hjá Pétri.