SKÝRSLAN: Reykavíkurslagur sem stóð undir nafni.
Hvað réði úrslitum?
Færanýting KRinga. KR pressuðu Víkinga ofarlega en náðu ekki að nýta færin sín. Eftir fyrsta markið dettur tempó KR niður og Víkingar nýta sér það vel í seinni hálfleik með frábærum varnarleik og sóknarleik og keyrðu yfir KRinga í síðari hálfleiknum og verðskuldaður sigur Víkinga þegar horft er á allar 90.mínútur leiksins.
Bestu leikmenn
1. Halldór Smári Sigurðsson (Víkingur R)
Halldór Smári var virkilega öflugur varnarlega þegar mest á reyndi í kvöld og var traustur og varðist gríðarlega vel ásamt því skoraði Halldór Smári þriðja mark Víkinga með góðu skoti úr teignum eftir hornspyrnu
2. Pablo Punyed (Víkingur)
Pablo Punyed stjórnaði umferðinni sérstaklega í síðari hálfleik og var geggjaður í kvöld. Skoraði annað mark Víkinga beint úr aukaspyrnu.
Atvikið
Vítaspyrnudómurinn - Kennie Chopart með klaufaleg mistök þegar hann missti Viktor Örlyg framfyrir sig og er dæmdur brotlegur og Nikolaj Hansen fór á punktinn og skoraði af öryggi.
Hvað þýða úrslitin?
KR situr áfram í 6.sæti deildarinnar með 16.stig og hefur liðið ekki unnið í fjórum deildarleikjum í röð. Víkingar koma sér upp í 2.sæti deildarinnar, átta stigum á eftir toppliði Breiðabliks.
Vondur dagur
Kennie Chopart gerði sig sekan um barnarlegan varnarleik í vítaspyrnudómnum þegar hann braut á Viktori Örlygi sem kom sér framfyrir Kennie sem braut á Viktori. Beitir Ólafsson átti annað markið en hann var skelfilega staðsettur þegar Pablo skoraði beint úr aukaspyrnu í síðari hálfleik.
Dómarinn - 6.5
Mjög erfiður leikur að dæma fyrir Ívar Orra og einhver atriði báðu megin sem hefði mátt gera betur í. Stóra atvikið þegar Víkingar fengu vítið var hárréttur dómur.