SKÝRSLAN: Víkingur miklu betra liðið í Víkinni
Hvað réði úrslitum?
Víkingar voru heilt yfir miklu betra liðið í þessum leik og hefðu hæglega getað skorað fleiri mörk á þessum 90 mínútum. Vítaspyrnurnar frá Kristal réðu úrslitunum og geta Víkingar verið eilítið svekktir að hafa ekki nýtt yfirburði sína enn betur.
Bestu leikmenn
1. Kristall Máni Ingason
Frábær leikur hjá Kristal, sérstaklega fyrri hálfleikurinn. Skoraði tvö mörk í leiknum, bæði af vítapunktinum og var alltaf hættulegur þegar hann var með boltann. Því miður ekki margir leikir eftir hjá honum í Víkingstreyjunni.
2. Ingvar Jónsson
Ingvar hafði ekkert alltof mikið að gera en mikilvægi úthlaupsins strax á 2. mínútu er gríðarlegt. Það er engin leið að vita hvernig leikurinn hefði þróast ef gestirnir hefðu skorað þá. Ingvar var heilt yfir mjög öruggur í öllum sínum aðgerðum.
Atvikið
Seinna vítið. Það var afskaplega 'soft' eins og Arnar orðaði það á fundinum eftir leik.
Hvað þýða úrslitin?
Víkingur leiðir 2-0 fyrir seinni leikinn í Wales, sá leikur er spilaður á þriðjduaginn.
Vondur dagur
Birnir Snær Ingason fékk tækifærið í byrjunarliðinu hjá Víkingi í dag en greip það ekki. Takturinn var mjög fínn hjá Víkingum en einhvern veginn var Birnir lítill hluti af þeirra sóknarleik og það kæmi mér á óvart ef hann heldur sæti sínu í liðinu.
Dómarinn - 5
Seinna vítið dregur hann vel niður