SKÝRSLAN: Sanngjarn sigur Fylkis manna!
Hvað réði úrslitum?
Færanýting liðanna. Fjölnir fékk tvö mjög góð færi í byrjun leiks en tókst ekki að skora. Fylkir refsuðu með því að klára sín færi mjög vel. Fylkir var líka bara betra liðið inná vellinum, unnu flesta 50/50 bolta og það hjálpaði mikið til.
Bestu leikmenn
1. Mathias Laursen
Klárlega maður leiksins með tvennu og hefði getað skorað fleiri. Mathias var geggjaður í dag og braut ísinn með flottu marki.
2. Arnór Gauti Jónsson
Arnór Gauti var rock solid á miðjunni í dag. Vann flesta skallabolta og fór 100% í alla 50/50 bolta. Mjög solid leikur hjá honum.
Atvikið
Klárlega mark númer 2. Sigurjón fær skot á sig sem hann á að grípa en hann ver það einhvern veginn í stöngina og svo í sig aftur og þaðan til Mathias sem virkaði rangstæður en svo var ekki.
Hvað þýða úrslitin?
Úrslitin þýða það að Fylkir fara upp í 1. sæti deildarinnar með 30 stig, en HK geta endurheimt toppsætið með sigri á Gróttu.
Fjölnir sitja ennþá í 3. sæti með 23 stig, hinsvegar geta Grótta stolið 3. sætinu með sigri á HK.
Fjölnir sitja ennþá í 3. sæti með 23 stig, hinsvegar geta Grótta stolið 3. sætinu með sigri á HK.
Vondur dagur
Sigurjón í marki Fjölnis og Hákon Ingi framherji fjölnis deila þessu í dag. Sigurjón átti að gera mikið betur í seinna markinu og var í brasi með háu boltana í dag. Hákon Ingi átti alls ekki góðan leik en hann fékk gull tækifæri til að koma Fjölni í 1-0 í upphafi leiks. Hákon sást svo lítið til leiks eftir það og var skipt útaf snemma í seinni hálfleik.
Dómarinn - 7
Aðalbjörn átti ágætan leik á flautunni. Það voru einhver tækni vandamál á heyrnartólunum á milli dómara og var hann stundum lengi að flauta þegar það var rangstæða.